Jenesis 7:13 - Kamano

¹³ Noa'ma ventefi mreria zupa, mofavre naga'a Semiki, Hamuki, Jafeti'ma a'ne zamima nezmarerama hu'za mreri'naze.

Anumzamofo Routage Avantafere

¹³ Noa'ma ventefi mareria zupa, mofavre naga'a Semiki, Hamuki, Jafeti'ma a'ne zamima nezmarerama hu'za mareri'naze.

Jenesis 7:13 Referans Kwoze

Jenesis 7:1

Ra Anumzamo Noanku anage huno asmine, mopafi menima mani'nafintira kagrake fatgo nera mani'nanke'na negagoe. E'igu kagrane nagaka'anena ventefi mreriho.

Jenesis 6:18

Hu'neanagi kagrane hagerfinogu huvempa hu'na negasmue. Kagrane a'mofavre ka'ane knoferahe'zane tamagra maka ventefi mrerigahaze.

2 Pita 2:5

Hianagi korapa knafi vahera, ozamatreno zmahe frivgarene. Hianagi fatgo avu'avazankuke kea huama nehia ne' Noanki 7ni'a naga'agi huno nozmaheno, kefo avu'avazama nehaza vahera, tusi'a ko tinu zmahe frivgarene.

1 Pita 3:20

E'i ana avamutamina korapama Noama ventema negigeno, Anumzamofo ke eri atrazanagi, Anumzamo akoheno zmavega anteno mni'nea avamutamine. Hankino 8ti'a nagamoke'za ana timo'ma zmahe refitegeno'a, zamaguravazine. (Jen-Agf 6-8)

Hibru 11:7

Anumzamo'a Noana asamigeno amentinti ana kegura nehuno, amageanteno tima hagesifima naga'a zamagu vazisigura ventea tro hu'ne. Fore'ma osu'nea knaza fore hugahie huno Anumzamo'a asamine. Noama amentinti hu'neazamo, ama mopafi vahe'mofo kefo avu'avazazmia eriama nehigeno, Anumzamo'a fatgo nere huno huntene. (Jen-Agf 12:1-8)

Jenesis 10:21

Semina mago'a ne'mofavre'a fore humi'ne. Jafetina nempu amo'e. Semi'a, Eberi naga zamageho mani'ne.

Jenesis 10:6

Hanki Hamu naga mani'naza mopa agi'a Kusi'e (Etopia), Mizrami (Isipi), Puti'e (Libya), Kenani (Palestine).

Jenesis 6:10

Noa'a ne' mofavre tagufa zamanteno zamagi'a Semi'e, Hamu'e, Jafeti'e huno antezmi'ne.

Jenesis 5:32

Noa'a 500ti'a zgegfu maniteno ne'mofavre tagufa zamanteno zamagi'a Semi'e, Hamu'e, Jafeti'e huno zamante'ne.

Jenesis 7:14

Trampi zgagfane, kumate zgagfane, nmane, rumofo rumofo mopafi ne'onse zgarminena, vene a'ene tragote'za Noante etere hu'za ventefi ufre'naze.

Jenesis 8:14

Anante 2ikamofona 27ni zupa mopamo'a ho'mu huvaregeno Noa ke'ne.