Jenesis 7:1 - Kamano

¹ Ra Anumzamo Noanku anage huno asmine, mopafi menima mani'nafintira kagrake fatgo nera mani'nanke'na negagoe. E'igu kagrane nagaka'anena ventefi mreriho.

Anumzamofo Routage Avantafere

¹ Hagi Ra Anumzamo'a anage huno Noana asami'ne, Maka ama mopafima menima mani'naza vahepina kagrake fatgo nera mani'nanke'na negagoe. E'igu kagrane nagaka'anena ventefi mareriho.

Jenesis 7:1 Referans Kwoze

Jenesis 6:9

Noa nagamofo naneke amanahu me'ne. Ana knafi mani'naza vahepina Noa'a fatgo huno hazenke'zama'a omne'ne Anumzane tragoteno mani'neno amage anteno vu'ne.

Hibru 11:7

Anumzamo'a Noana asamigeno amentinti ana kegura nehuno, amageanteno tima hagesifima naga'a zamagu vazisigura ventea tro hu'ne. Fore'ma osu'nea knaza fore hugahie huno Anumzamo'a asamine. Noama amentinti hu'neazamo, ama mopafi vahe'mofo kefo avu'avazazmia eriama nehigeno, Anumzamo'a fatgo nere huno huntene. (Jen-Agf 12:1-8)

Jenesis 7:13

Noa'ma ventefi mreria zupa, mofavre naga'a Semiki, Hamuki, Jafeti'ma a'ne zamima nezmarerama hu'za mreri'naze.

1 Pita 3:20

E'i ana avamutamina korapama Noama ventema negigeno, Anumzamofo ke eri atrazanagi, Anumzamo akoheno zmavega anteno mni'nea avamutamine. Hankino 8ti'a nagamoke'za ana timo'ma zmahe refitegeno'a, zamaguravazine. (Jen-Agf 6-8)

Aposol 2:39

Na'ankure huvempama hu'neana tamagri'ene, mofavre tamimofonku'ene, afete mani'namokizmigu'ene, ruga'a vahera tagri Ra Anumzamo zamagi hanige'za, Agrite egahaze.

Luku 17:26

Noa knafima hu'nazaza hu'za, Vahe'mofo Mofavremoma enaku'ma hania knafina, anahu zamavuzma nehu'za,

Proveps-Knare Nomaniza 14:26

Ra Anumzamofoma korema huntesimofona, Agra hanave vihu huntenkeno mani'nena, mofavre'amo'za hanave vihufi manigahaze.

Jenesis 7:7

Ko' runaku nehige'za Noa'ene nenaro'ene mofavre zga'ane anoferhe'zane ventefi mreri'naze.

Proveps-Knare Nomaniza 18:10

Ra Anumzamofo agimo'a hanavenentake vihugna hu'neankino, fatgo vahe'mo'za agritega zamagare'za nevazageno, zamagu nevazie.

Proveps-Knare Nomaniza 10:9

Iza'zo mika zampima mani fatgoma haza vahe'mo'za, knare hu'za nemanize. Hianagi fatgo zama osnimo'a, fra'okigahie.

Luku 1:6

Ana aravemokea Anumzamofo avurera fatgo hu'ne nemani'ne, maka kasegene tra kea amage nentene, mago havi avu'avara osuke, fatgo huke Ramofontera mani'na'e.

Jenesis 6:18

Hu'neanagi kagrane hagerfinogu huvempa hu'na negasmue. Kagrane a'mofavre ka'ane knoferahe'zane tamagra maka ventefi mrerigahaze.