Jenesis 48:20 - Kamano

²⁰ Agra ana kna zupa asomu huneznanteno anage hu'ne, kagrikura Israeli vahe'mo'za asomu kea anage huza hugahaze, e'ima Anumzamo Efremine, Manase gizni asomu huznanteneaza hugahie! Nehuno agra Efremina, Manase avuga avrente'ne!

Anumzamofo Routage Avantafere

²⁰ Agra ana kna zupa asomu ke huneznanteno anage hu'ne, Israeli vahe'mo'za vahe'ma asomu kema huzmante'nakura anage hu'za hugahaze. Anumzamo'ma Efraemine, Manasekiznima asomu'ma huzanante'neaza huno Anumzamo'a asomura huramantegahie hu'za hugahaze! Nehuno agra Efraemina, Manase avuga avrente'ne!

Jenesis 48:20 Referans Kwoze

Jenesis 24:60

Rebekana asomu ke hunente'za amanage hu'naze, Kagra, tagri nersaroga, Kagripinti tusi'a vahe krerfa fore hugahaze. Hagi kagri kagehe'za zamesi ozmantesaza vahe'mokizmi rankumazmi zamahe'za hanregahaze.

Jenesis 28:3

Ana'ma hanankeno Hanvenentake Anumzamo asomu huganteno, kazeri hakare nehuno, kazeri hakare hugante'na tusi'a vahe fore hunka manigahane.

Hibru 11:21

Jekopu'a amentinti hu'negu, fri'zama nehuno'a Josefena tare mofavreararena asomura hu'nezanenteno kepri huno azompare otineno, monora Anumzamofona huntene. (Jen-Agf 48)

Jenesis 48:21

Ana huteno Israeli'a, Josefena anage huno asmi'ne, kma nago, nagra hago friza hue, ana huanagi Anumzamo tmagrane mani'neno tmareno ete tmafahe'i mopare vugahie.