Jenesis 46:34 - Kamano

³⁴ anage hugahaze, Tagrane nerfa zanena eri'za vahe kamota afu' kva huta korapa nehzave maninonte eta menima e'none huta, tamagrama hanageno'a, tamagrira tamatresigetma Goseni mopare umanigahaze. Isipi vahe'mo'za hakare afu kva vahekura, zamesra huzmante'za zamagonetaze.

Anumzamofo Routage Avantafere

³⁴ amanage hiho, Tagrane nerafa zanena eri'za vahe kamota, afu' kva huta korapa nehazave mani'nonte eta meninena e'none huta tamagrama hanageno'a, tamagrira tamatresigetma Goseni mopare umanigahaze. Na'ankure Isipi vahe'mo'za trazama nenaza afutamima kegavama nehaza vahekura, zamesra huzmante'za zamagote'nezmantaza vahe mani'naze.

Jenesis 46:34 Referans Kwoze

Jenesis 43:32

Josefe ne'zana arure atimi'za, zamagrira arure atinte zamante'za, Isipi nagamo'za zamagragu nenaze, na'ankure, Isipi vahe'mo'za Hibru vahe enena magopina bretia onegahaze. Isipi vahe'mo'za Hibru vahe enema magopi kave nezankura zamesra huno zamagote'ne.

Jenesis 46:32

Hagi zamagra sipisipi kva nehza vahere, traza nenaza afu korapa kva nehzane, hagi zamagra sipisipi kevu zamine, afu kevu zamine, makaza zamine eri'za e'naze.

Jenesis 37:12

Mago'zupa agri nefu'za, nezmafa afutmi avre'za traza nehogu Sekemu vu'naze.

Jenesis 45:10

Kagra Goseni mopare, nagri tvaonte emanigahane, kagrane, mofavre naga ka'ane, kagehe'zane, sipisipine, meme kevune, bulimakao kevune, mika zanka'ane emanigahane.

Jenesis 30:35

Higeno ana zge zupage, agra'a Labani'a vuno maka'a agrono krerami'neane, tupri tapri hune'a ve memene tupri tapri hu'nea a' memene, efeke hu'neane, agnumpa sipisipi afura afete'are amohe'za ome anteza kegva hu'naze.

Jenesis 34:5

Jekopu'a mofa'amofo Daina kefo avu'avazama hunte'nea ke nentahino, akoheno ke osu mani'nege'za, mofavre'amo'za lama afu kva nehzaregati e'naze.

Jenesis 13:7

Ana nehigeno Abramune, Loti'gizni afu kva vahe'mo'za fravzi'naze. Ana knafina Kenani vahe'ene, Perisi vahe'mo'za ana moparera mani titipa hu'naze.

Jenesis 13:8

Abramu, amanage huno Lotina asmi'ne, tagra mago kora mani'noku fra ovazisnue, burimaka afu'tiare kva nehza vahe'mo'zanena fra ovazi hnazanki,

Jenesis 26:20

Gerari afu kva vahe'mo'za, Aisaki afu kva vahera frage huzmante'za amanage hu'naze. Ama tagri tine! E'inage hzageno agi'a Eseki'e na'ankure zamagra frage hunante'naze.

Jenesis 37:2

Amai Jekopu naga nofimofo naneke. Josefe, 17tini'a zgegfu nehuno, nehaza ne' mani'neno nefu'zane afutmi kegvagrine, Bilhane, Zilpagizni nefa a'tremokizini mofavre'mozane kegva hu'naze. Josefe nefu'za haviza hza kea erino nezmafa ome asmi'ne.

Jenesis 45:18

vutma nermafane maka nontmifi nemniza vahe ene zamareta nagrite enke'na, soe mopa Isipi nagra taminena anampi maniho.

Jenesis 47:3

Fero ana afuhe'mokizmi zamantahige'ne, Nankna eri'za eneriza nagare? Hige'za Feronku asamiza, tagrane nerfa zane, tagehe'zanena eri'za naga kamota afu kva nagare hu'naze.

Jenesis 47:4

Feronku anage hu'naze, Osi'a gna ama mopare maninaku tagra e'none. Eri'za vahekamokizmi afumofo ne'zana, trazana omnegeno aga'zamo Kenani mopare forehigu, menina muse (plis) hugantonanki eri'za vahe ka'a tatregeta Goseni mopare mani mneno hu'naze.

Jenesis 47:6

Isipi mopamo'a, kagri kvafi mane'ne, negfane, kafuhe'inena knare huno tre tre hu'nenia mopa zamige'za Goseni maniho, kegeno anampima knare vahema mani'nesiana huge'za nagri bulimaka kva hiho.

Jenesis 47:11

Higeno, Josefe nfa'a mofone, afuhe'ine zamavreno Isipi mopama knare huno tre tre hu'nerega, Rameses kaziga Fero'ma hu'nere, regori zamige'za mani'naze.