Jenesis 46:12 - Kamano

¹² Juda ne'mofavre naga'mokizmi zamagi'a Eri'e, Onani'e, Sela'e, Perezi'e, Zera'e. (Hianagi Erike, Onanikea Kenani mopare fri'na'e.) Hagi, Perezi mofavre trena Hezroni ene Hamulike.

Anumzamofo Routage Avantafere

¹² Hagi Juda ne'mofavre naga'mokizmi zamagi'a, Eri'ma, Onani'ma, Sela'ma, Perezi'ma, Zera'e. (Hianagi Erike, Onanikea Kenani mopare fri'na'e.) Hagi Perezi mofavrerarena Hezroni'ene Hamulike.

Jenesis 46:12 Referans Kwoze

Jenesis 38:10

E'inama agra hiazankura Ra Anumzamo musena osuno, ahe fri'ne.

Jenesis 38:7

Ana hianagi Judana, agonesa ne'mo Eri'a Anumza'mofo avufi haviza higeno, Ra Anumzamo ahe fri'ne.

Jenesis 29:35

Anante mago'ene amu'ene huno, ne'mofavre ksenteno amanage hu'ne, Menina nagra Ra Anumzamofo agi'a erisga hue. Ana hu'negu agi'a Juda'e hu'ne. Ana huteno ana a'mo mago'ene mofavrea onte'ne.

Revalesen-Hufo Hu'ne 5:5

Ana 24'a elda kva vahepinti mago'mo anage huno nasamine, zavira otenka ko! Juda naga'nofipinti Deviti negeho ha'ma agaterenea Laionimo, Agra 7ni'a fukina eriganopega hu'neankino ana avontafera erivakarega hu'ne.

Hibru 7:14

Nagrama nehuana Rantimo'a Jiu nagapinti e'ne. Hagi Mosese'a ana nagapinti prisi vahera fore hugahie huno osu'nea nagapinti fore hu'ne.

Jenesis 38:4

Anante mago ene amu ene huno ne' ksenteno, Onani'e huno agi'a ante'ne.

Jenesis 46:11

Livai ne'mofavremo kizmi zamagi'a Gersoni'e, Kohati'e, Merari'e.

Jenesis 46:13

Isaka ne'mofavre naga'a mokizmi zamagi'a Tola'e, Puva'e, Iobu'e, Simroni'e.

Ruti 4:12

Mago'ene nagakamo'a, Peresi naga kna huno, Judanteti Tamari'ma ksente'nea ne'mofo nagapinti, Ra Anumzamo ama a'pinti mofavre zga kmigahie.

Jenesis 38:5

Ana a'mo mago'ene ne' ksenteno Sela'e huno agi'a ante'ne, Juda'a, Kezipi mani'negeno nenaro'a ne'mofavre kse ante'ne.