Jenesis 43:30 - Kamano

³⁰ Josefe'a negna negeno zvi atentesia agesa higeno hantka huno zamatreno zvi ate'sia kumaku hakreno nemsefinka asafi (rum) ufreno zavi ome ate'ne.

Anumzamofo Routage Avantafere

³⁰ Josefe'a negna negeno zavi atesia agesa higeno, hantka huno zamatreno zavi ate'sia kumaku hakreno nemasefinka asafi (rum) ufreno zavi ome ate'ne.

Jenesis 43:30 Referans Kwoze

Jenesis 42:24

Zamatreno vuno zavi ome ate'ne. Huteno eno eme kema hunezmino'a, eri'za vahe'a zamasmige'za Simeon azeri'za zamufi azante nofi anakinte'naze.

Filipai 2:1

E'ina higu tamarimpa tamazeri hanaveti kema Kraisinte me'nesiampi, asuragirmanteno avesi tmante'zampi, Avamupi atruma hu'zampi, avesima ante'zane, asunku'zane me'nesiana,

Filipai 1:8

Na'ankure Krais Jisasi asuragirmantea zankura, nagra tusi'za hu'na nagesa nentahuankino, Anumzamo nagrira huama hugahie.

Jenesis 45:2

Ranke huno zavi netege'za Isipi vahe'mo'za nentahizageno, Fero nompi nemniza vahe'mo'zane antahi'naze.

1 Joni 3:17

Hianagi iza'o ama mopafi afu feno ante'nesimo, amentinti nehia nefu'ma atupama hu'nenigeno negeno asuragi anteno azama osanigeno'a, nankna huno Anumzamofo avesi'zamo'a, e'inahu vahepina megahie?

2 Timoti 1:4

Kavunu herfi'nana zanku nentahi'na mago kna kagesua nagesa nentahue. Anama hanugeno nagrira muse zamo'a avitegahie.

Kolosi 3:12

E'ina hu'negu Anumzamo'ma huhampri ramantegeta ruotge hazageno'a, Agra tusiza huno avesiramantenegu, tamagra rumokizmia tamasunku huzmanteta zmazeri so'e nehutma, vahe'mofo knare tamavu'tamava hunezmanteta, anteramita nemanita, agazone tamavutamava nehuta, akoheno avega anteno mani tamavutmavara kukena hiaza hiho.

Aposol 20:37

Anampina zamagra tusi zavi'ateza Polina anankempi azeri anuki'za antako hu'naze.

Aposol 20:31

E'ina hu'negu tamavura omase kava hute maniho, tamagesama antahi ankeresazana tagufa zagegfumofo agu'afina hanine zgenena ontagane'na kazigzi hu'na zavira nete'na, mago'mago'moka kavumarora ante'noe.

Aposol 20:19

Jiu vahe'mo'za nazeri havizahu kema retro'ma haza zamo'a tusi'a knazamo nagri navufare ege'na anterami'na zavira nete'na, Ramofo erizana eri'noe.

Jenesis 46:29

Josefe hosi afu'a retro huno karisifi Goseni mrerino nefa Israeli kenaku vu'ne. Anama avure e'hnatigeno'a, anankempi azeri anukino zvira zanra kna atente'ne.