Jenesis 43:18 - Kamano

¹⁸ Hianagi Josefe eri'za ne'mo, nompi zamareno vige'za kore nehu'za amanage hu'za hu'naze. Ko'ma kutifima eriri rante'nea zgoreku huno tavre noma'afi tanteankino tantahinegeno tazerino kazokzo eri'za vahe'a trohu ranteno mika donki tine avre vgaregahie.

Anumzamofo Routage Avantafere

¹⁸ Anama huno Josefe eri'za ne'mo'ma zamavareno nompi vige'za kore nehu'za amanage hu'za hu'naze. Ko'ma kutifima eriri rante'nea zagoreku huno tavre noma'afi tanteankino, tantahinegeno tazerino kazokzo eri'za vahe'a trohu neranteno mika donkitinena avre vagaregahie.

Jenesis 43:18 Referans Kwoze

Jenesis 42:35

Beki ku'zmifinti ne'zama eri'za e'naza herfinaku, nehu'za kazana ana kognamokimi zgo'zmia kona anakinare beki ku'zmifi metere hu'ne, ana zgo nezmafa'enema nege'za tusi koro hu'naze.

Romu 7:8

Hianagi kumimo'a ama ana kasegefinti kankamunku keno tavu masevemahu tavesizana, tagu'afina erifore nehie. Kasegema omnesigeno'a kumimo'a hankave'a omanesigeno frigahie.

Maki 6:16

Hagi mago'ane Heroti'ma nentahino'a anage hu'ne, Joni agenama akafrinoa ne'mo otino e'negahie! Hu'ne.

Jenesis 42:28

Afuhe'igizmi anage huno zamasmi'ne, keho, zgonia ete'za nami'naze, beki ku'niafi eriri nante'naze. Zamasumnamo uramigeza, zamahirahi nerege'za rukre hu'za ovufi avufi nehu'za, anage hu'naze, naza ama zana Anumzamo'a hunerante?

Jenesis 42:21

Zamagra zamagra nehu'za, tamage nergnana haviza hunte'none, na'ankure negonkeno agra o'e nehigeta, antahiomuna nona'a ana knazamo'a tagritega ne-e.

Jenesis 43:17

Eri'za ne'amo Josefe ke hiaza huno zamareno Josefe nompi ome zamante'ne.

Jenesis 43:19

Anage nehu'za Josefe nompi eri'za ne'te vu tva'o huza no kasante ome asmi'za,

Jenesis 42:27

Kantega umsenaku harega mago'mo donki afu'amofo ne'zama aminaku beki ku'a eriheta huno, keana, beki ku'amofo avazare zgoa me'negeno ke'ne.

Jenesis 44:8

Keho, beki ku avazaretima zgoma haketa Kenani mopareti eritama kagrite e'nonana. Inakna huta tagra kagri ramofo nompintira silvane, golinena musufa segahu'ne?