Jenesis 33:4 - Kamano

⁴ E'ina higeno Iso'a negeno agareno eno Jekopuna azante eme azerino agazafeno, azana anankempi rugagino agazafeno antako hunentege'ne, zavi otente atente hu'na'e.

Anumzamofo Routage Avantafere

⁴ E'ina higeno Iso'a negeno agareno eno Jekopuna azante eme azerino agazafeno, azana anankempi rugagino antako hunentege'ne, zavi otente atente hu'na'e.

Jenesis 33:4 Referans Kwoze

Luku 15:20

Anage huteno otino nefantega e'ne, ogamanu ne-egeno, nfa'amo negeno asuntaginteno, agareno vuno ome agazafeno, agi antako hu'ne.

Jenesis 32:28

Mago'ene kagrikura Jekopu'e hu'za osugahaze, huno ana ne'mo asmi'ne, hagi menina Israelige, na'ankure Anumzane, mopafi vahe'ene mraguza netinka hanavetinka nagatere'nane.

Aposol 20:37

Anampina zamagra tusi zavi'ateza Polina anankempi azeri anuki'za antako hu'naze.

Proveps-Knare Nomaniza 16:7

Ra Anumzamo'ma musema nehia kantema tavutva'ma hanunkeno'a, ha' vahetimo'zanena zamarimpa fru hurantegahaze.

Jenesis 46:29

Josefe hosi afu'a retro huno karisifi Goseni mrerino nefa Israeli kenaku vu'ne. Anama avure e'hnatigeno'a, anankempi azeri anukino zvira zanra kna atente'ne.

Jenesis 45:2

Ranke huno zavi netege'za Isipi vahe'mo'za nentahizageno, Fero nompi nemniza vahe'mo'zane antahi'naze.

Jenesis 43:30

Josefe'a negna negeno zvi atentesia agesa higeno hantka huno zamatreno zvi ate'sia kumaku hakreno nemsefinka asafi (rum) ufreno zavi ome ate'ne.

Proveps-Knare Nomaniza 21:1

Tima eriante fatgo'ma higeno kama'are vu fatgo hiankna huno, Ra Anumzamo'a kini vahe'mofo agu'agesa azeri antefatgo nehigeno, Agri avesite nevie.

Jenesis 43:34

Josefe itareti eri'za vahemo'za nezana refko huza afuhe'i ome ante nezmante'za, Benjameni tafepina 5fu'a vahe'mo'za nega neza antente'naze. E'ina hige'za magopi mani'ne'za knare hu'za ne'zane, tine nene'za muse hu'naze.

Jenesis 29:11

Anante Jekopu'a Resolina antako hunenteno ranke huno zvi ate'ne.

Jenesis 29:13

Hanki Labani agri nenogo ne' mofavremofo ke nentahino, agareno ome ke'naku vuno, ome anukino antako hunenteno avreno noma'afi ene. Hanki Jekopu'a hakare kea asmi vga'rene.

Jenesis 32:11

Nagu vazinka nza huo, nagra nunamu nehue, nenfu Iso azampinti, koro nagesa nehie, na'ankure eme nenaheno mofavre ni'ane, zamarerane zamahe'zankure.