Jenesis 20:3 - Kamano

³ Hianagi kenage Anumzamo'a ava'nafi Abimeleki amanage huno asmi'ne, Kva huo! Ara vereti a' avre'za eme kami'naze. Hankinka frigahane huno asmi'ne.

Anumzamofo Routage Avantafere

³ Hianagi ana kenagera Anumzamo'a ava'nafi Abimelekina amanage huno eme asmi'ne, Antahio vereti a' avre'za eme kami'nazankinka frigahane.

Jenesis 20:3 Referans Kwoze

Matiu 27:19

Paeroti'a ke refakohu tra'are'ma mani'negeno'a, nenaro'a ke atregeno vu'ne. Meni kenagera mse'ne'na Agrite'ma ke'noa avanamo'a tusi ngogofe'ne. E'i Nera fatgo ne' mani'neanki, mago zana huonto.

Jenesis 20:7

Hianagi ama a'mofo neve'a kasnampa (profet) ne' mani'neanki, huntegeno neve hirega vino. Nevnigeno negeno, kagrama fri'zankura nunamu huno kza hino. Hanki hunte'nankeno ovniana, kagrane maka'a naga kanena frigahaze.

Matiu 1:20

Hianagi ana antahintahima retro nehigeno'a, mago Ramofo ankeromo ava'nafi eno anage huno asmi'ne, Josefe, Devit nemofoge, korera osunka Mariana aka'agi avro, na'ankure agri rimpafima mani'neana, Ruotge Avamu'mofo mofavre mani'ne.

Jenesis 28:12

Anante mseneno ava'na ke'ne, ana avanafima keana mago ratamo'a eramino, agafamo'a mopare regrigeno, amuzamo'a anagamu monafinka mreri'negeno ke'ne. Anantema keana Anumzamofo ankeromo'za mareri'za tamiza anante nehzageno ke'ne.

Jona 3:4

Jona'a ana kumapi agafa huno, magoke zgegnafi vuno, agra kezatino anage hu'ne, foti'a zgegna evanigeno Ninive kumamo'a haviza hugahie.

Jenesis 40:8

Znagra kenona hu'ne asmina'e. Tagra ava'na ke'noa ava'na magore huno huama hurami vahera omni'ne. Josefe znasmi'ne, huama'ma hu'zana Anumzamofompi me'neanki, Muse (plis) hurnantoanki, nasmi'o.

Jenesis 37:9

Anante mago'ene ava'na keteno afuhei zamasmino amanage hu'ne, Antahiho, mago'ene ava'nagoana, zgene, ikane, 11ni'a ofumo'za nagrite kepri hunante'naze.

Jenesis 37:5

Anante Josefe'a avana keteno, afuhe'mokizmi ana avana ke nezmasmige'za, zamagra mago'ene tusiza huza zamarimpa hente'na'ze.

Jenesis 31:24

Hianagi Anumzamo Labani Arameani ne' kenage ava'nafi eno asmi'ne, Kva huo, Jekopuna magore hunka so'e kefi havigea huonto huno avanafina asamine.

Jenesis 12:17

Ana hianagi Ra Anumzamo tusi'a krizga atregeno Feronte ene, noma'afima nemniza vahete'ene e'ne, na'ankure Abramu nenaro Sarainteku e'inahura huzmante'ne.

Jenesis 12:18

Fero'a ke higeno Abramu'a egeno asmi'ne, na'a ama 'zana hunante'nane? Nahigenka Sarai a'ni'a mani'ne hunka onasmi'nane?

Jenesis 40:5

Isipi kinimofo tinkapure azeri nentea ne'ene breti negrea ne'enena kinafi manineke, tarega'moke ava'na magoke kenege ru ava'na ketere hu'na'e, mago'mofo ava'na gemo rugante rugante hu'ne.

Jenesis 46:2

Kerage agu'afi, Anumzamo Israelina avanafi humino Jekopu, Jekopu higeno, Ama mani'noe.