Jenesis 19:28 - Kamano

²⁸ Vuno unemnino ke fenkamu teno Sodomu kuma'ene, Gomora kuma'enema me'nea agupofina mago'zana onke'ne. Teve kunke ke'ne. Kumo tusiza huno mrenerino vemgu vemgu nehuno refite vgare'ne.

Anumzamofo Routage Avantafere

²⁸ Vuno unemanino ke fenkamu teno Sodomu kuma'ene, Gomora kuma'enema me'nea agupofima keana mago'zana onke'neanki teve kunke ke'ne. Kumo'a tusiza huno marenerino vemagu vemagu nehuno refite vagare'ne.

Jenesis 19:28 Referans Kwoze

Revalesen-Hufo Hu'ne 18:9

Ama mopafi kini vahe'mo'za, ana a'enema havi avu'avaza nehu'za, ana havi avu'avazampi agrane knare huta mni'none nehaza vahe'mo'zama, ana a'ma terasagesia teve tokimoma mrerisige'za negenu'za, krafa hu'za zavira atentegahaze.

Revalesen-Hufo Hu'ne 9:2

Higeno agra riga omne keria anagigeno, tusi teve nerefinti atiramino eviankna huno, ana kerifintira teve tokimo'a evu'ne. Zgene zahomofona ana kerifinti teve tokimo refitegeno tusi hani hu'ne.

Revalesen-Hufo Hu'ne 21:8

Hagi koro vahe'ene, zamentinti nosnaza vahe'ene, hi'manage zmavuzmavama nehaza vahe'ene, vahe zamahe nefriza vahe'ene, monko avu'avazamoma antahintahifima nentahiza, monkozama nehaza vahe'ene, avuatga ha' nehaza vahe'ene, havi anumzante mono hunentaza vahe'ene krunage nehaza vahe'mo'za, mizama erisazana, havere tevava nehia teve tirupi manigahaze. E'i nampa 2 fri'zane.

Revalesen-Hufo Hu'ne 18:18

ana a'mofoma tegasagea teve tokima nege'za, zavira nete'za anage hu'za, ina rankumamo amanahu rankumakna hugahie? hu'za hu'naze.

Juti 1:7

Hagi tamagera okaniho, Sodomu rankumate'ma, Gomora rankumate'ma, ana tava'ontema me'nea kuma tamimpima monko avu'avazama hu antahintahimo avitege'za, omane'nea kna monko'za hu'naze. E'i ana kumatamina tevereti zamahe fanane hu'neankino, e'i ana hukna hu'za kefo'zama nehaza vahera, henka'a tevava tevefi mni'ne'za zamata erigahaze. (Jen-Agf 19)

Revalesen-Hufo Hu'ne 19:3

Anante ete mago'ane anage hu'naze, Anumzamofona Ra agi amisune! Ana a'mofo krerasagea teve tokimo'a mreri vava nehie hu'za hu'naze.

2 Pita 2:7

Hanki kefo monko avu'avaza nehu'za, zamagra fatgo osu zamavuzmava nehazageno rimpagna hunezmantea fatgo nera Lotina, Anumzamo'a agu'vazine.