Jenesis 18:16 - Kamano

¹⁶ Ana tagufa vahe'mo'za oti'za vunaku nehu'za Sodomu kuma me'nea kaziga zamurga negageno (Abrahamu kantega ome zamatreteno enaku nevigeno),

Anumzamofo Routage Avantafere

¹⁶ Ana tagufa vahe'mo'za oti'za vunaku nehu'za, Sodomu kuma me'nea kaziga zamavurga negageno (Abrahamu kantega ome zamatreteno enaku nevigeno),

Jenesis 18:16 Referans Kwoze

Aposol 21:5

Ananknama vagaregeta, atreta kantega nevunkeno, ana mika'mo'zane, a'ne zamine, mofavre naga'zamine tagrane magoka vazageta ana kumara atreta vu'none. Hagerinkena vuta tarena reta nunamuna ome huteta,

Aposol 20:38

Kema huno mago'ene onagegahaze hu'nea kegura, tusi zamasunku hu'naze. Nehu'za ventema me'nerega avare'za vu'naze.

Aposol 15:3

Ana hige'za mono nagamo'za, huzamantege'za, Fonesiane Sameria ufare'za agatere'za maka megi'a vahe'tamimo'za zamagu'a rukarehe hu'naza kea mono vahe'zga zamasmige'za tusi'za hu'za muse hu'naze.

3 Joni 1:6

Kagrama zamesima zamantenka, knare kavukva'ma huma zamante'nana zankura, mono vahe zamure eme huama hu'za tasami'naze. Kama vunaku'ma hanagenka, Anumzamofo knare avu'ava zampi, so'e kavukva huzmantege'za viho.

Romu 15:24

Nagra Speini kumate vunaku antahintahia retro nehuankino, vanuna onsi'a kna tamagrane umaninena mono kea nehu'na, vunaku'ma hanugetma naza hanagena vugahue.

Jenesis 18:2

Seri noma'a kasante mani'nereti kesga huno keana, taregi magoki vahe oti'nageno keteno, aga reno viazamo zamagaf'i ome arena areno kepri huno,

Jenesis 18:15

Sera'a amano vazigeno havige huno, a'o kiza ore nogenka nehane huno higeno, Anumzamo huno a'o kagra kiza re'nane huno hu'ne.

Jenesis 18:22

Anage nehige'ne tare netre moke rukrahe hu'ne Sodomu kaziga vu'na'e. Nevakeno Abrahamu'a anante Ra Anumzane oti'ne.

Jenesis 19:1

Tare ankero netremoke kinagafi Sodomu kumate uhnatina'e. Loti ana ra kumamofo kasante mani'nege'ne ome ke'na'e. Hanki Loti'a neznageno otino vuno znagafi upri huno, arena areno amanage hu'ne,