Jemisi 5:11 - Kamano

¹¹ Antahi'naze, knazampima ufre'za azeri agatere'naza vahera muse hiho hunezamantone. Jopu'ma knazampima kazigzi huno agatere'nea zamofo agenke'ane, henka'ama hunte'nea zamofona antahi'naze. Ramofompina asunku'zane, vahe'ma avesinteno asuraginte'zana avite'ne.

Anumzamofo Routage Avantafere

¹¹ Antahi'naze, knazampima ufre'za azeri agatere'naza vahera muse hiho hunezamantone. Jopu'ma knazampima kazigazi huno agatere'nea zamofo agenke'ane, henka'ama hunte'nea zamofona antahi'naze. Ramofompina asunku'zane, vahe'ma avesinteno asuraginte'zana avite'ne.

Jemisi 5:11 Referans Kwoze

Jemisi 1:12

Rehe'za ne-esigeno kazigazi huno agatereno vania vahe'mo'a asomu'ma erisiana, kini fetori eriankna huno manivava asimura erigahie. Anumzamo agri avesinentaza vahe ko huhampri zamante'nea, asimu erigahie.

Matiu 10:22

Hakare vahe'moza Nagri nagima hesaza'zanku ha'reramantegahaze. Hianagi aza'o oti hanavetino refare'ma vanimofona agu'vazigahie.

2 Pita 2:9

Hankino e'i Anumzamofo fatgo avu'avama nehaza vahema, zamagu'mavazi'nea kankamuna antahineankino, hazenke zampintira zmagu nevazino, havi zmavu'zmavama hanaza vahe'mo'za menintetira knazampi manime vu'za, vahe'ma refkoma huzmante knarera uhnatigahaze.

1 Pita 1:13

E'ina hu'negu retro huta antahintahitamia nemanita, tamavufgamofo avesizana kegva negritma, ana miko amuha zantamia, Jisasi'ma eama hanigeno, Anumzamo'a tamaza hania asunkuzante anteho.

Luku 6:36

Nafatmimo'ma asunku hunermanteaza hutma, tamagranena tmasunku huzmanteho.

Hibru 10:39

Hianagi Anumzamofonteti atre'zama nevu'za fanane hnaza vaheknara tagra osanunanki, tagra hugahunema hu'naza nehuna nagakita, taguvaziza erisuna vahe mani'none.

Hibru 3:14

Na'ankure ese'ma Agritema ne-eta, tamentintima hu'nonazama azeri hankavetisuta, Kraisi'ene tragoteta vgaretera uhanatigahune.

Efesasi 2:4

Hu'neanagi Anumzamofo asuragi'zamo vite'ne, na'ankure tusi'a avesi'zanu Agra agu'areti tagrira avesi rante'ne.

Hibru 3:6

Hianagi Ne' mofavre'amo Kraisi'a Anumzamofo vahetera kva mani'ne. Hagi tagra ana vahe mani'nonankita, koro osu hankavetita nemanita, fore'ma hanigeta kesuna zanku'ma musema nehunazana otresune.

Efesasi 1:6

Anumzamo, avesinentemofo Jisas Kraisimpi taza hu'zana eri tagitregeno erami'neazankura, ra agi amisune,

Romu 2:4

Kagra nonkano knaza amunanagi knarezantfa huno agazone huneranteno, akoheranteno mani Anumzamo'ma kagri'enema mani'neana? E'i anazamo'a kagritera amneza me'nefi? Kagra nonkano knare'ma hunegantenoma kumipintima kagu'a rukrahema hnazegu'ma knama kaminoma ne-eazana nontahino?

Luku 1:50

Henkama efore'ma huterema hanaza nagapinti'ma, iza'zo Agriku koro hanamokizmia asuragizmanteno zamaza hugahie.

Jona 4:2

Ramofontega nunamu huno asmi'ne. Ramoka muse (plis) hugantoe. Ese agafareti nagra ko antahi'noe, Ninivea eri haviza osugahane hu'na kumani'are mani'nena antahi'noe. Antahite'na mopani'a atre'na, Tasisia nagra fre'na vu'noe! Na'ankure, Kagra kasunku nehunka knare huzmante Anumzane, agzone huzmantenka kasunku'zamo avite Anumzane, zamazeri haviza hugahue hana vahera ana nosane.

Jemisi 1:2

Nenafugta knazampima ufresutma, muse zane hutma tamagesa antahiho.

1 Pita 3:14

Hianagi tamagrama fatgo tamavutamava'ma nehanage'za, tamazeri haviza hugahazanagi tamagra asomu erigahazanki, korera osuta tamazeri kore hanaza zankura antahintahi hakare osiho

Luku 11:10

Na'ankure antahigaza vahe'mo'za e'nerize. Hakraza vahe'mo'za, keza eri fore nehaze, kafante vagre vagre hanamokizmia, kafana anagi zmantegahie.