Jemisi 4:4 - Kamano

⁴ Tamagra monko a'nemo hiankna hutma, ru anumzante mono hunentaza vahe'motma, ama mopafi avu'avazamofonte'ma tragoneteta ana avu'avama hanazana, Anumzamofona ha'rentegahazanki tamagra ontahi'nazo? E'ina hu'negu iza'o ama mopafi zante tragotesimo'a, Anumzamofo ha' vahe fore nehie.

Anumzamofo Routage Avantafere

⁴ Tamagra monko a'nemo hiankna hutma, ru anumzante mono hunentaza vahe'motma, ama mopafi avu'avazamofonte'ma tragoneteta ana avu'ava'ma hanazana, Anumzamofona ha'rentegahazanki tamagra ontahi'nazo? E'ina hu'negu iza'o ama mopafi zante tragotesimo'a, Anumzamofo ha' vahe fore nehie.

Jemisi 4:4 Referans Kwoze

Romu 8:7

Hu'negu iza'zo kumimofo avu'ava zampima mani'namo'za Anumzamofona ha' renentaze. E'inahu antahintahine vahe'mo'za Anumzamofo kasege agorga'a nomaniza, Anumzamofo kasegea amagera antegara osu'naze.

Galesia 1:10

Na'ankure nagrama e'inagema nehuana, vahe'mo'za antahi so'e hunantege, Anumzamo antahi so'e hunantenogu nehufi? Hifi nagrama mraguzamanetuana vahe'mo'za antahi muse hunantehogupi? Nagrama vahe'mo'za antahi muse hunante'nazegu'ma nehanuna, Nagra Kraisi kazokzo eri'za vahera omni'noe.

Joni 15:19

Ama'na mopafi vahe mani'naresina, ama mopafi vahe'mo'za tagri vahere hu'za zamesi rmantasine, ana hu'neanagi na'ankure tamagra ama mopafi vahera omni'naze. Hianagi Nagra ama mopafinti tmagrira tmavre'noe, ana agafare ama mopafi vahe'mo'za hara reramantegahaze.

Matiu 6:24

Mago'mo'a tare kva netera eri'zana e'origahie. Na'ankure anamo'a mago'mofona avesra hunenteno, mago'mofona avesi nenteno, mago'mofonte amage nenteno, mago'mofona kefenkami atregahie. Kagra Anumzante'ene zgore enena monora huontegahane.

Joni 17:14

Nagra, Kagri nanekea ko zamasmi'noe, huge'za mopa kagi'afi vahe'mo'za zamesra huzmante'naze, na'ankure zamagra ama mopafi vahera omni'naze, Nagrama ama mopafi vahe'ma omni'noa kna hu'naze.

Jemisi 1:27

Agru huno fatgo monoku'ma Anumza Nafatimofona ave'nesiana, e'i megusa mofavre'zgane, kento a'ne zga knazampima mani'nesazana kegva hunezmanteta, atrenkeno ama mopafi kefozamo'a tamazeri pehena osino.

Romu 5:10

Na'ankure Anumzamofo ha' vahekna huta mni'nonkeno, Nemofo frizampi Anumzamo ete mago'ane tazeri mago hu'ne. E'ina hu'neankino Anumzamo'ma rimpa herante'nea zampintira Kraisi asimuteti, tagri'ma taza huno tagu'vazizana erigahune.

Matiu 16:4

Ama knafi havi tamutma ene tamentinti netraza veamotma avame'zanku nantahi negazanagi, mago avame'za eri fore ha'nena onkegahzanki, kasnampa ne Jonama hu'nea avame'zanke kegahaze. (Jona 1:17–2:10)

Joni 7:7

Mopafi vahe'mo'za tmagrikura zamarimpa aheormantegahaze. Hagi Nagrira zamarimpa ahenantegahaze, na'ankure Nagrama huama hu'na avu'ava tmimo'a haviza hu'ne, huazanteku ana nehaze.

Luku 19:27

Hianagi ama ha' vahe'nimo'za, kvama nagra huzmantezankura zmesra hunantaze vahera, zmavreta nagri navure zmaheta rukafritreho huno hu'ne.

Matiu 12:39

Hianagi Jisasi'a kenona anage huno zmasmi'ne, ama knafi vahe'mo'za kefoza nehu'za zmentinti nosaza vahe'mo'za avame'za kenaku nehazanagi, mago avame'zana onkegahaze, kasnampa ne' Jona avame'zanke kegahaze. (Jona 1:17)

Jenesis 3:15

Nagra kagrira kazeri'na a'mofo ha' vahe'a antesugeno, a'mo kagri ha' vahe manigahie. Hanigena Nagra tanagigomokizmi amunopina ha'za antesugeno a'mo ksentesia mofavremo kaseni reproro vazina, kagra agamerumpafi amprigahane.

1 Korinti 1:20

Antahi'zane nera ina mani'ne? Avontafe'ma kre antahi'zane nera ina mani'ne? Ama knafi ke hafra hu nera ina mani'ne? Anumzamo ama mopafi antahi'zane vahera, antahintahi'zazmia zmazeri neginagi nehie.

1 Korinti 1:21

Anumzamofo antahintahimo'a ama hu'negenokino, zmatrege'za ama mopafi vahe'mo'za zmagra'a antahi'zantetira Agrira antahi ama nosaze. Hianagi Anumzamo'a musema nehiana, vahe'mo'za neginagi naneke hu'za nehaza nanekema huama hunke'za zmentinti nehaza vahe zmahoneke.