Jemisi 3:17 - Kamano

¹⁷ Hu'neanagi monafinti erami'nea knare antahintahizana, ese'zana agru huno mani antahintahiza me'ne. Rimpa fruma huno mani'zane, miko kna akoheno mani'zane, rumofo ke antahimi'zane, asunku hu'zane knare'zane aviteno nemanie. Mago'mofonkuke hu'zana omaneno tamage avu'avake hu'zane.

Anumzamofo Routage Avantafere

¹⁷ Hu'neanagi monafinti erami'nea knare antahintahizana, ese'zana agru huno mani antahintahiza me'ne. Rimpa fruma huno mani'zane, miko kna akoheno mani'zane, rumofo ke antahimi'zane, asunku hu'zane knare'zane aviteno nemanie. Mago'mofonkuke hu'zana omaneno tamage avu'avake hu'zane.

Jemisi 3:17 Referans Kwoze

Proveps-Knare Nomaniza 2:6

Na'ankure Ra Anumzamo knare antahiza neramigeno, Agri agipinti antahi'zane, antahi amama huzamofo kea ne-e.

Jemisi 3:15

E'inahukna havi antahintahizana, monafintira nomeanki, ama mopafi kefo hankrotegati ne-e.

Romu 12:9

Tamage hutma vahe'mofona zmavesizmanteho. Kefo avu'avazana tamagena hunenteta, knare avu'avazana azeri hankavetiho.

Jemisi 1:17

Mika knare huno fatgo hu'nea, musezana anagamuti eneramie, monafinkati masazamofo Nefantegati ne-e, avu'azama'amo zahe osuno turinamo hiankna huno zaza huteno, atupa huteno osugahie.

Jemisi 1:5

Hianagi iza'o knare antahintahigu'ma atupama hanuno'a, Anumzamofo antahigenkeno amino, maka vahe'mo'za nunamu hu'za Agri'ma antahigazamokizmia, rimpa heozmante amne nezmiankino, amne tamigahie.

1 Joni 3:18

Osi mofavre naganimote kereti'ene tagitetikera tavesi negantone huta osanune. Hianagi tavutvapi erinteta tamage huta zamesi zamantesune.

1 Pita 1:22

Tamagrama tamage kerema amagema antetma nevazazamo, tamazeri agru tamagu tamena higetma, neramafuma ovesinte avesinte tamagu'areti nehutma, tamaguareti hutma mago magomota ovesinte avesintea nehaze.

Matiu 5:8

Zamagu'amoma agru hu'nesamoza, Asomu erigahaze. Na'ankure zamagra Anumzana kegahaze.

1 Joni 3:3

Ana hu'neankino maka vahe'mo'za zamavuma keteza mani'ne'za zamentintima nehaza vahe'mo'za, zamagrazmi zamazeri agru nehu'za, Jisasi'ma mani'neaza hu'za nemanize.

Luku 21:15

Na'ankure Nagra nanekema hanaza kene antahintahine tamisugeta, kea hanageno, kema huramantesaza vahe'mo'za, ana kema hanazana eri otregahaze.

Luku 6:36

Nafatmimo'ma asunku hunermanteaza hutma, tamagranena tmasunku huzmanteho.

Hibru 12:14

Miko vahe'enena hanavetinka karimpa fru hunka nemaninka, mani ruotage nehunka, agru hunka manio. Na'ankure mni ruotage osunesimo'a Ramofona onkegahie.

2 Timoti 2:24

Ra Anumzamofo vahemo'za kefra ovazi snaze, hianagi vahera zamesi nezmante'za, rempi hunezmi'za, hazenke huzmante'saza vahe enena agzone hu'za maniho,

1 Pita 2:1

E'ina hu'negu tamagra vahe'ma azeri havizahu avu'avazane, havige hu'zane, tavrenke hu'zane, kenunu hu avu'avazane, vahe'mofo amefi ke hu'zana netretma,

Jemisi 2:4

Tamagra'a amu'nontamifina vahe zmazeri havizahu naneke nehutma, kefo antahizanteti vahera refako nehazafi?

Hibru 12:11

Avumroma antezana musezana omane'neanki atafi ufregahie. Hianagi e'inahukna kantema maninesuno'a, henka mizana arimpa fru erino manigahie.

Kolosi 1:10

Ana nehutma tamagra hakare'zama hanaza zamo'a, Ramofo avurera knare nehuno, Ramofona ragi amisageno, ana miko knare erizantimo'a rga renentenkeno, Anumzamofo knare antahizampi hageta mrerigahaze.

Romu 15:14

Nafu nagnahete nagrani'a antahuana, tamagripina knare tamavutmavamo'ene mika'a antahizamo avite'nena, ozeri fatgo azeri fatgo hugahaze.

1 Korinti 12:8

Hagi mago'mofona Avamupina knare antahintahiza (wisdom) nemino, mago'mofona ama' antahi'za (knowledge) nemie. Hianagi magoke Avamu'mo,

Jemisi 4:8

Anumzante erava'o hinkeno, Agranena tamagaritera erava'o hino. Kumi vahe'motma tamazana sese nehutma, tare tagufa antahintahine vahera tamagu'a eri avusese hiho.

1 Timoti 5:21

Anumzamofo avufine, Krais Jisasi avufine, huhampri zamante'nea ankero vahe'zmufi kasamuanki, ama nanekea amage' antenka vahera refko osunka, mago zanke hunka zamesi zamanto.

Aposol 11:24

Banabasi'a knare ne' mani'neno, Avamupi aviteno amentinti hu'negeno, maka vahe'mo'za Ramofonte e'naze.

Matiu 23:28

E'inahu kante amega'a vahe zamurera tamagra fatgo huta mni'none nehaze. Hianagi tmagu'afinka tavrema huzamo'ene tra ke amage osu'zamo avite'ne.

1 Tesalonaika 2:7

Tamage, Kraisi aposol vahe'ma mni'nonazamo knazana tamigahianagi, tagra akoheta mani fru nehuta, mofavrema nererama amima nemino kegvama hunteankna nehune.

Filipai 4:8

Vgare nanekea nafuhetane nasarhetma maka knafina tamavutamavama hanazana, na'amo tamage zana me'ne, na'ante vahe'mo'a antahi nemie, na'amo fatgoa hu'ne, na'amo avu sese hu'ne, na'amo vahe'mofona asane hugahie. Na'amo agi'a erisaga hugahie. So'e zantfama me'neniane, husga hunte'zama me'nesiana, anazante antahintahi nehutma hampona hutma maniho.

Filipai 1:11

Fatgo avu'ava'zama Jisas Kraisima eri fore'ma nehiazamo tagripi avinete'na, vahe'mo'za nege'za Anumzamofona ra agi nemiza, agi'a erisaga hugahaze.

Aposol 9:36

Jopa kumatera Jisasi amage nentea a'mofo agi'a Tavita'e. Ana a'mofo agima (Griki kefi eri rukarehe'ma hazana Dokasi'e hu'naze. Ama ana agimofo agafa'a, dia afure hu'ne) agripina knare eri'zamo avite'negeno upa'ma nehu'za zamasunku zampima nemaniza naga miko zupa zamaza hu'ne.

Joni 1:47

Natanieli Agritega ne-egeno Jisasi'a negeno amanage hu'ne, keho, tmage Israeli vahere, agu'afina havige hu'zana omne'ne!

Joni 1:14

Ana Kemo vahe fore huteno, tagri'ene mani'ne. Agri msazama'a tagra ke'none, magoke ante'nea Ne'mo hanave'ane msa zama'a Nefantegati e'ne. Asunku zamo'ene tmage kemo'a avite'nea Nere.

Taitus 3:2

Zamagra mago mofonkura amefiga'a kea huonte'za, agazone zampi nemni'za, zamarimpa fru hu'za mani'ne'za, maka vahera agazone huzmanteho,

Taitus 1:15

Tamage, hakare veamo'za avusesema hu'nenageno'a hakare zamo'a avusese hu'ne. Hianagi zamentinti osu namokizmi'a, mago zamo'a avusese osu'ne. Tmage zamagu zamagesamo ene antahintahi zamimo'a haviza hu'ne.

Romu 12:18

Tamagrama ana hugahanutma, miko vahe'enena tmarimpa fru huta manigahaze.

Efesasi 5:9

Na'ankure msazamofo raga'a, knare'zama hu'zane, fatgozama hu'zane, tamage kema hu'za fore nehie.

2 Korinti 10:1

Nagrani'a Poli'na, Kraisi anterami avu'avazampinti'ene fru avu'avazanteti tamantahinegoe. Nagra tamagranema mani'nena fru avu'ava huramante'noanagi, afete'ma mani'nena hanave naneke huneramantoe.

2 Korinti 9:10

Anumzamo hozama kri vahe'mofona avimzana nezamino, bretia nezane huno nezamie. Anahukna huno avimzana veva huno erira nehina, fatgo avu'avazantamimo'a rga'a nerena, rama'a nevasageta mago'ane vahe'mofona zamaza hugahaze.

Matiu 5:9

Ha'ma erifru nehazamo'za, asomu erigahaze. Na'ankure zamagrikura Anumzamofo mofavre hugahaze.

2 Korinti 6:6

manifatgo huta nemanita, antahintahia e'nerita, akoheta nemanita, so'e avu'avazana nehuta, Ruotge Avamupina nemnita, tamage avesizamofo avu'avazana nehuta,

2 Korinti 7:11

Keho Anumzamo'ma neramia knazamoma tagripima asunku'za erifore nehiana, tamazeri o'netigeta kazigazi huta tamagra'a tamazeri ama nehuta, antahi haviza nehuta, tamagu'afi kore nehuta, nagri'ma nagezankura tusiza huno tamavenesigeta, hanavetita havizama hu'nea vahera zmazeri fatgo nehuta, makazama hanafina fatgo zanke'za hiho.

Jemisi 2:13

Na'ankure vaheku'ma kasunku huozmante vahe'moka, Anumzamo'a asunkura huogantegosie. Hianagi kagrama vahe'mofoma kasumantagintesanana, Anumzamo'a kagri'enena asuragigante'na vahe'ma refko huknarera, keaga hugante kemofona agateregahane.

1 Pita 2:18

Eri'za vahe'motma, kegvama huramante'nesaza vahe'mokizmia kore huzmantetma zamagorga nemanitma, fru hu'za knarema huramante'naza kva vahe'mokizmi zamagorgagera omanita, havizama huramantesaza kva vahe'mokiminena zmagorga maniho.