Jemisi 3:14 - Kamano

¹⁴ Hianagi vahe'mofoma antahimugi ante'zamo'ene kagraguke antahizamo kagu'afi mevitenenigenka, kavufga mreri kavukvatetira tamage kemofo eri amnezanknara osuo.

Anumzamofo Routage Avantafere

¹⁴ Hianagi vahe'mofoma antahimugi ante'zamo'ene kagraguke antahizamo kagu'afi mevitenenigenka, kavufga mareri kavukvatetira tamage kemofo eri amnezanknara osuo.

Jemisi 3:14 Referans Kwoze

Jemisi 3:16

Krimpa mugi'zane, kavufa antemareri'zama me'nesifina, miko'mako havi avu'ava'zane fatgo osu'zana me'nenigenka kegahane.

1 Korinti 13:4

Avesinte'zana, agazone huno mni'zane, avesinte'zana so'e avu'ava hu'zane, avesinte'zana kenunu hu'za omneno, ra agi eri'zana omne'ne, avesinte'zana avufga ra hu avu'ava hu'zana omne'ne,

Filipai 2:3

Inankna zama hanaza zantera ra tamagesa ontahita, tamagragukera ontahiho. Hagi tamavufa anteramita, rumofona antahi nemita husga huzmanteho.

1 Korinti 3:3

Na'ankure mopafi vahe'mo'za nehazankna nehaze. Na'ankure knive nereta, ke fra amu'nontamifina nehaze. Tamagra ama mopafi vahe'tfa omani'nafi? Tamagra mopafi avu'ava zampi vano hiaza nosazafi?

Romu 13:13

Ana hu'negu msarema nehazankna huta knare tavutava nehuta, hanizamofo muse zampina omanita, aka tina oneta neginagi osuta, monkozana nosuta, monko avu'ava huzampina omanita, mago rimpa osu avu'avazampine omnita kanive oreho.

2 Korinti 12:20

Na'ankure nagri'ma namnomavaziana esua zupa nagrima naveosi nesiazama tamagripima eme nege'na tamave'osinesizama huzankure. Nagri'ma namnovaziana, tamagripima eme neramege'na, amunontamifi ke ha' huzama, kanive rezama, arimpa hezama, atanezama, havige ohunte ahunte huzama, ogenke agenke huzama, veganokno huzama, manifatgo osuno makaza erisavri hu avu'avazanku nehue.

Filipai 1:15

Antahi'none, mago'amo'za hu'za tagra Kraisi naneke huama hugaragi nehu'za, ha' renenantaze. Hianagi mago'amo'za fatgo kante nehaze.

Jemisi 5:19

Nafuhetmane nasarahete, mago'tamimo tamage nanekea atreno hazamagrenesigeno, mago'mo azeri rukrehema hanigeno, ete tamage kantema esiana,

Aposol 5:17

Hianagi ugagota prisi kva ne'mofo, agri kvafima erizama e'neri'za nagamo'za, (sadusi nagare) aposol nagara kanive rezmante'naze.

Taitus 3:3

Korapara mago'a knafina tagra'nena, haviza huta knare osuta negi neneta, ke ru hanentagita, havige reravatga hzageta, kefo zamofo avu'avapi kina hu'neta, vahe'mofo zanku kersane nehuta, vahe antahi haviza hunezmanteta, tagrati antahi haviza ohu ahu hu'none. Vahe zamatagri naneke nehunkeno,

1 Timoti 6:4

agra agu'agesa eri antemrenerino mago'zana antahi ama nosie, hianagi agra mago arimpa osu nanekere agenoka nehuno, nanekegu ke hakare nehigeno, e'i anampintira efore hiana rumofo zanku kesane nehuno, fra nevzino, rimpa oti'oti nehinkeno, vahe'ku huhaviza hunenteno, vahe antahi haviza hunenteno,

1 Korinti 5:2

Higetma tamagaze nehuta, tamasunku hugahazanagi, tusi tamavufga ra nehaze. Anazama hu'nemofona amu'nontmifintira avre atregahaze.

Romu 2:8

Hu'neanagi Agra rimpa he'zana rukaha hutresigeno, iza'zoma zamagraguke nentahiza, tamage ke'mofo amage'ante zanku zamagena hunemiza, kefo avu'ava nehanaza vahete egahie.

Proveps-Knare Nomaniza 27:4

Rimpama ahe'zamo'a havizantfa higeno, asivazi zamo'a ti hageno eankna hugahianagi vahe'mofo zantema negeno arimpa haviza hu'zamo'a, tusia havizantfa hu'ne.

Proveps-Knare Nomaniza 14:30

Vahe'mo'ma rimpama ante fru hunoma mani'zamo'a, avufgamofona asimu amigahie. Hianagi rumofo zante'ma kesanema nehanimofona, ana avu'avamo'a zaferinafi namureno kasriankna hugahie.

Galesia 6:13

Na'ankure zamagra'a zmavufama tga hu'naza vahe'mo'za, zamagra kasegea amagera nontaze. Hianagi tamagra tamavufa tga hanage'za, ana tmavufgarekura zamagra zmavufga ra hu'naku neheze.

Galesia 5:26

Hanki atrenketa tagra tagi erira nosuta, vahera zmarimpa zmazeri otikea nosuta, kanive orente arente osanune.

Galesia 5:21

rumofo zanku nofi ahe'zane, ti neneno negi ne'zane, atru hu'za ruga'a savri' zamofo naneke hu'zane. E'inahukna tavutavazana eri fore nehie. Ko'ma tamasmi'noana meni mago'ene neramasmue. E'inahu zamavu'zmavama nehaza vahe'mo'za Anumzamofo kumapi omanigahaze.

Galesia 5:15

Hianagi tamagra afi zgakafamo hiaza huta, ompri ampri hanutma tamagratami tamazeri haviza hutma fnanene hugahazanki kva hiho.

1 Korinti 5:6

Tamagra tamagi erisaga nehzageno knarera nosie. Sikonima herazafima, osi'a zistima antageno ana mika'zama azeri zonereana tamagra ontahi'nazafi?

Romu 2:17

Tamagra Jiu vahe mani'none nehutma, Anumzamofo kasegemofonte manineta, Anumzamo'ene tragoteta mni'none hutma tamagra tamavufa erisaga nehaze.

Romu 1:29

Zamagripina hakare havi kefo avu'ava zamo'a avitege'za, kefo zmuzma nehu'za, veva osu agraguke antahizane, vahe'mofo avesi onte'zama, antahi mugizama, vahe ahefri'zama, ke ha' huza kanive oreare huzama, krunage hu'zama, vahe'mofo fruge huonte'zama, vahe'mofo amefi ke hu'zane,

Aposol 26:9

Nagrama nagesama antahi'noana tamageza nehue nehu'na hanaveti'na, Nazareti Jisasi agi'a eri haviza hu'noe.

Aposol 13:45

Mika vahe eritru nehzage'za Jiu mono vahe'mo'za nezmage'za kanive reneznantegeno Poli hiankegura mago zamarimpa huoznante'za, ana vahe'mo'za ha' reznante'naze.

Joni 16:2

Jiu vahe mono nompinti (sinagog) tmahe anati atregahaze, mago kna ne-eankino, tmahefrisu'za zamagesa antahisazana Anumzamofo eri'za e'nerune hu'za antahigahaze.

Matiu 27:18

Krunonkema Jisasi hunte'za avare'za eme ami'nazana agra antahinokeno hu'ne.

Jenesis 37:11

Agri afuhe'za amefia ke hunte'nazanagi, nefa'a hakare'a nanekea antahi antahifi atre'ne.

Aposol 7:9

Ana tagehe'mo'za Josefena kanive rente'za mizante atrage'za ru vahe'mo'za avare'za Isipi vu'naze. Ana hu'nazanagi Anumzamo'a agrane mani'neno,

Galesia 5:20

havi anumzante mono huntezane, avotga zane, ha' hu'zane, fravazi'zane, knive re'zane, asi vazi'zane, vaheku agesa ontahi zane, veganokno hu'zane, vahe refko hu'zane,

1 Timoti 2:4

Kefo zampinti tahoke he'nea ne'mo, maka vahemo'za tamage naneke antahi'za zamasimu erisazegu avenesie.

Jemisi 1:18

Mika'zama troma hu'nea zamofo ese rga'a manisunku, Agra'a avesite tamage kereti tazeri fore hu'ne.

Jenesis 38:9

Hianagi Onani'a antahi'ne, kento a'mo, ksentesia mofavre'a agri mofavre omnigahiankino, nempua'mofo a' ene nemseno avufga rina, nefu mofavre antemi'zanku mopafi atre'ne.