Jemisi 1:9 - Kamano

⁹ Mago'mo amunte omne'nenigeno, Anumzamofo amage nentenimo'a muse hino, Anumzamofo avurera ra agi erine.

Anumzamofo Routage Avantafere

⁹ Hagi mago'mo amunte omne'nenigeno, Anumzamofo amage nentenimo'a muse hino, Anumzamofo avurera ra agi erine.

Jemisi 1:9 Referans Kwoze

Proveps-Knare Nomaniza 19:1

Amunte omane vahe'ma manineno, maka zampima mani fatgoma hu'zamo'a, neginagi vahe'moma akrehe krehe ageru'ma aruzana agaterene.

2 Korinti 6:10

Tasuzampi mani'nonanagi, muse huvava nehune, tamuntera omane'neanagi, rama'a vahe zmaza hunke'za feno vahera nemnize. Fenona onte'nonanagi (avamupina) feno vahekna nehune.

Revalesen-Hufo Hu'ne 2:9

Nama'agna kazeri haviza nehazageno, kamunte omne'neana Nagra antahi'noe. Hianagi kagra tusia feno vahe mni'nane, zamagrama Jiu vahe mni'none nehazanagi, zamagra Jiu vahera omni'naze. Hianagi zmagra Sata naga mani'naze.

Luku 1:52

Agra hanave kini vahera, kini tratetira zmazuhu fenkama netreno, hanave'a omane vahera ana kini trate zamavre antene.

Proveps-Knare Nomaniza 17:5

Amunte omane vahe'ma huhaviza huntesia vahe'mo'a, tro'ma huzmante'nea Ra Anumzamofo huhaviza hunente. Hagi hazenkema erisaza zanku'ma muse hanimo'a, agra'a havi mizana erigahie.

Filipai 3:14

Anumzamo Krais Jisasimpi nagi hu'nege'na anagamuti miza omerisugu kazigzi hu'na nagare'na nevue.

Filipai 3:3

Tagra tamage tavufa tgahu vahe mani'none. Na'ankure Anumzamofo Avamupi husga huta Krais Jisasina mono hunenteta, vahe'mo'za zamufama tga nehaza zampina antahi muhara nosune.

Romu 8:17

Tagrama Anumzamofo mofavre mni'nesnuta, Anumzamo huhampri rantenea zamofona Kraisi'ene magoka erisinti haregahune, Kraisi'ma hu'neaza huta knazama erisuta, Kraisi'ene magoka rantagi erita manigahune.

Luku 10:20

Hianagi havi avamumo tagri ketia antahino amage antene hutma musena osiho. Hanki tamagri tmagima Anumzamo'ma monafi krente'neazanku musena hiho.

Luku 9:48

anage huno zmasami'ne, Iza'o ama mofavrema Nagri Nagifi avreno azeri so'ema huntesimo'a, Nagri navreno nazeri so'e hunantegahie. Iza'o Nagrima naveresimo'a, hunantegena e'nomofo avaregahie. Na'ankure iza'o amuno tamifi anteramino manisimo'a, maka'motma tmagatereno ra vahe manigahie.

1 Pita 2:9

Hianagi Anumzamo tamagrira huhampriramante'nea naga mni'neta, kinimofo prisi naga mni'neta, ruotge hu'nea naga mni'nazageno, Anumzamo'ma Nagri nagare huno hu'nea naga maninazankita, Anumzamo'ma hanimpintima tamagima huno, ruzahu msazama'arema tamante'nea so'ezama'agura huama hugahaze.

Luku 14:11

Na'ankure maka vahe'mo'za zmavufga ra hanamokizmia, Anumzamo'a zmazeri fenka tregahie. Hianagi zamagra zmavufga anteramisamokizmia, Anumzamo'a zmazeri sga hugahie.