Jemisi 1:25 - Kamano

²⁵ Hu'neanagi, inamo'ma kinafinti tazeri fru nehia, hentofa kasegefima avuma ke ankenereno, kazigazi huno avaririno antahi'nesia naneke age'okanino amage'antesimofona, mika'zama hanifina Anumzamo'a, asomu huntegahie.

Anumzamofo Routage Avantafere

²⁵ Hu'neanagi, inamo'ma kinafinti tazeri fru nehia, hentofa kasegefima avuma ke ankenereno, kazigazi huno avaririno antahi'nesia naneke age'okanino amage'antesimofona, mika'zama hanifina Anumzamo'a, asomu huntegahie.

Jemisi 1:25 Referans Kwoze

Luku 11:28

Hianagi Jisasi'a kenona huno, ana hu'neanagi Anumzamofo nanekema nentahino amagema nentemo, agatereno musena hugahie.

Joni 13:17

Tamagrama amazama keta antahita nehuta, anazama hanutma asomu erigahaze.

1 Pita 2:16

Kina vahera omi'nazanki, fru huta mni'nagu, fru huta mni'none nehutma, ana fru tamavutamava zampina antegafita, kefo avu'avazana osutma, Anumzamofo kazokzo eriza vahe maniho.

Jemisi 2:12

Hagi keaga tamifine, tamavu'tamava hanafina, kinafinti tamavre atre'nea kasegemo refako hurantegahie hutma antahiho.

Galesia 5:1

Kraisi'a kinafinti katufe tamente'neanki kina vahekna huta omnita, oti hanavetita nemnita, ete mago'ane kasegemofo kinafina omaniho.

1 Korinti 15:58

E'ina hu'negu tusiza hu'na navesi nermantoa nenfugata nensarogta, oti hanavetita kaza osu maniho. Hakare zupa Ramofo eri'zama eri'zankuke nentahita mniho. Hagi antahio, Ramofo eri'zama tamamu'nama nehagegetma e'neriza zamo'a amnezanknara osugahie.

1 Timoti 4:16

Kagrama kavukvama nehanazana kegvanegrinka, rempima vahema hunezmina kenena kegva nehunka, maka zupa anazanke hunka nevanankeno'a, Anumzamo kagrira kagunevazino, keka'a antahinamokizmia zmagu'vazigahie.

2 Korinti 13:5

Tamagratmi'a avame antetma tamagu'a refko huta keho, tamentintifi maninazafi? Hifi tamagra'a tamaguafina refko huta nonkazafi, Jisas Kraisima tamaguafima mni'neana, Agrira keta antahita nosaze.

Romu 11:22

E'ina hu'negu Anumzamofo fru avu'ava ene hihamu avu'ava'anenku tamagesa antahiho. Trakama hzamokizmia Anumzamo'a zmazeri haviza neheie. Hianagi tamagrira fru avu'ava hurmantegahie. Tamagrama Anumzamofo fru avu'avazma huta ovnageno'a, ru tamagri enena ana zanke huno hantgi tamatregahie.

Proveps-Knare Nomaniza 14:15

Osia antahintahima erinaza vahe'mo'za, maka zankura zamentinti nehaze. Hianagi knare antahizane vahe'mo'a, kama vu zama'afina kva nehie.

Romu 8:15

Ana hu'negu tamazeri kazokzo eri'za vahe tamanteno tamazeri korohu Avamura tamagra e'orinaze. Hianagi tamagra Anumzamofo mofavre hu Avamu erineta Anumzamofonkura Aba, Nerafa'e nehune!

Galesia 2:4

Hianagi havige mono nerafu'za mono vahekna hu'za atrumahumpi enefre'za, Kraisi Jisasimpi fruhuta mni'nonazana tavre'za korapa avu'avazampi kinarerante'naku efre'naze.

Joni 8:36

E'inahigu Nemofo'ma katufe tmantena knare hutma mani so'e hugahaze.

Revalesen-Hufo Hu'ne 14:13

Anante mago ageru monafinti arigena nentahugeno anage hu'ne, avona krento, Ramofompi mni'ne'za frinamo'za, menintetima agafa huno vaniana muse hugahaze! Ozo huno Avamumo'a hu'ne. Zamagrama mraguzati'za e'naza zana manifru hugahaze. Na'ankure zamagrama knare zmavu'zamavama hu'zama e'naza zmavuzmavamo'a, zamagrane magoka zamage zmavaririno ne-e.

1 Timoti 2:15

Hu'neanagi a'nemo'za mofavrema kse nezmante'za, zamentinti nehu'za, ovesinte avesinte nehu'za, mani ruotage hu'za nemni'za, zamagu'ane zamagi'ene, kva hanaza zamo knare mani'za erigahaze.

Romu 7:12

Hianagi kasegemo'a ruotge higeno, kasegema hunte'neana ruotage huno fatgo huno knare hu'ne.

Aposol 26:22

Anumzamo'a nagrira naza hiazana keme e'na ama knarera oe. Hagi ama oti'na mika vahera osi'mofonteti vuno ramofonte'ma vu'neana, nagra huama hu'na nezmasmue. Mago'a kea nosuanagi, Mosese'ene, kasnampa vahe'mo'zama hu'za, e'inahu'zana fore hugahie hu'naza'zamo fore nehie.

Aposol 13:43

Mono'ma osi mono nompi (sinagog) huvgarete'za, vu'za e'za nehageno, rama'a Jiu vahe'mo'zane, Anumzanku koro nehaza megi'a vahe'mo'za, Poline Banabasi kizani zanavriri'za nevzage'ne, zamazeri hanaveti ke hu'ne, Anumzamofo asunku'zampina hanavetita maniho hu'ne ana vahera zamasmi'na'e.

Hibru 12:15

Anumzamofo asunkuzampintima evuramizankura ogava agava hiho. Atrenkeno tamarimpa hezamo'a, tamagu'afina akara heno hazenkezana avreno omena, anazantetira miko vahe'mo'za havizana osiho.

Aposol 2:42

Ana vahe'mo'za aposol nagamokizmi naneke antahiza atru hu'za monora rempi hu'za nentahiza, magopi breti kori'za nene'za (Lords sapa) nunamuna hu'naze.

Revalesen-Hufo Hu'ne 22:14

Kukenazmima sesema hanamo'za muse hiho, anama hanageno'a hu izo huzmantenke'za, asimu eri zafa rga nene'za Anumzamofo rankumamofo kafantetira ufregahaze.

1 Joni 2:24

Hagi tamagra, ko'ma ese'ma antahi'naza tamage kea atrenkeno tamagripina meno, tamagra ko'ma antahinaza mono kemo tamagripi me'nenigeta, anahu kna huta Nemofonte'ene Nefampina manigahaze.

Kolosi 1:23

Hianagi tamage kegura tamamentinti huvava nehutma, anankere oti hanavetiho. Fore hanigeta kesnaza zanku'ma knare musenkefinti antahi'naza zana otreho. Ana knare musenkea miko ama mopafi zantaminte huama hu'nazankita ko antahinaze. Nagra Polina e'i anankemofo eri'za vahe mani'noe.

Romu 2:13

Hu'negu kasegema antahike'zama nehamo'za, Anumzamofo avurera fatgo osu'naze. Hianagi kasegema amage nentaza vahe'mo'za Anumzamofo avufina fatgoa hu'naze.

Romu 8:2

Na'ankure Jisas Kraisimpi asimuma ami Avamumofo kasegemo, kumimofone fri'zamofo kasegefintira kazuferamantene.

Galesia 6:2

Knazama oza aza hutma erinutma, Kraisi kasegea eri knare hugahaze.