Hibru 9:26 - Kamano

²⁶ Hanki anara hugara hu'nesiana, ama mopama troma huneregatira fri vava huno visine. Hianagi anara osu'ne. Kumi'mofo hanavema eri atrenaku, Agra'a avufga tagrikure huno vgare knafi avufga agu'za runo magoke zupa, ana maka knamofonkura fri'ne.

Anumzamofo Routage Avantafere

²⁶ Hanki anara hugara hu'nesiana, ama mopama tro'ma huneregatira fri vava huno visine. Hianagi anara osu'ne. Kumimofo hanavema eri atrenaku, Agra'a avufga tagrikure huno vagare knafi avufga agu'za runo magoke zupa, ana maka knamofonkura fri'ne.

Hibru 9:26 Referans Kwoze

1 Pita 1:20

Na'ankure korapa Anumzamo'a, monane mopane tro osu'neno, tazama hanigura Kraisina huhamprinte'ne. Hianagi menina vgare knafina tamagri'ma tamaza hanigu efore hu'ne.

Hibru 9:12

Hagi magoke zupa miko knama kresramnama vuzankura Kraisi'a korana erino ruotge huno ruotge hu'nefinka ufrene. Hianagi e'i ana korana memene anenta kaomofo koranompage, Agra'a koranuti tagu'vazino mni vavama hanunkura miza sene.

Matiu 25:34

Anante kinimo'a azantmaga kazigama mani'namokizimigura amanage huno hugahie. Nafa'nimo'a asomu huramante'neanki, etma mona mopa tro osu'nenoma retro huramante'nea kuma emeriho hugahie.

1 Pita 3:18

Na'ankure Kraisi'a maka vahe'mofo kumiku huno, magoke zupa fatgo ne'mo, fatgo osu vahe'motagu fri'neankino, Agra tavareno Anumzamofonte vanigu ahazageno fritegeno, Anumzamofo Avamu'mo azeri otigeno, kasefa huno mani'ne.

Hibru 1:2

Hianagi menima vgare knafina Nemofompi huvazino keaga huramiana, e'i ana Mofavre'amofo azampinti ama mopa erifore hu'nemofo maka'zana erisinti harete'ne.

Hibru 10:4

Na'ankure burimakaomofo koramo ene mememofo koramo'a kumira sese hugara osu'ne.

Hibru 7:27

Agra ruga'a prisi vahe'mo'zama nehazaza huno mika kna kresrama vuvava nosie. Zamagra kumikura kresramana vute'za, vahe'mokizmi kumikura kre sramana nevazanagi, Jisasi'a magoke zupa Agra avufga eme aguza runo, maka vahe kumikura keka zafarera fri'ne.

1 Joni 3:5

Hanki tamagra antahi'naze, Jisas Kraisi'a efore'ma hu'neana kumi eri atre'naku e'neakino Agripina kumira omane'ne.

Hibru 10:12

Hianagi tagri Ugagota Prisi nemo'a magoke zupa tagri knare zanku, Agra'a avufga Anumzamofo amigeno, kumitigura avufa agu'zarutegeno, Agra Anumzamofo azantamaga kaziga mani'ne. (Sam-Zga 110:1)

Hibru 10:10

Jisas Kraisi'a Anumzamofo avesite Agra'a avufga magoke zupa tamigeno mika kna, mika vahera tazeri ruotge hu'ne.

Hibru 9:14

Hagi tamagesa antahiho, Kraisi koramo'a razankrefa me'neankino, fri avu'avazama nehunkeno tagutagesa azeri agru higeta, kasefa huno mni'nea Anumzamofona monora hunentone. Na'ankure manivava Avamumofo hankavere, Kraisi'a kefozama'a omne ne'mo, Anumzamofontera Agra'a avufga tagri kumikura aguza rune.

1 Pita 2:24

Agra avufare kumiti erino rugeka zafare hantinegu, tagra kumi'ma huzampina nefrita, fatgo tavutavama huzampina, kasefa huta manigahune. Na'ankure Agri avufgama aguzama ru'nazazamo, tagrira tazeri so'e hu'ne.

Revalesen-Hufo Hu'ne 17:8

Ana afi zga kenanana, korapa mni'neana, menina omni'neankino, kofa'a knafi riga omne kerifinti hnatino, eama huteno haviza hugahie. Ama mopama tro'ma osu'negeno, mopafima mni'naza vahe'ma zmagima asimu eri avontafepima kreonte'nea vahe'mo'za, korapa mni'neana, menina omani'neankino, henkama eamama hanige'za kesnu'za antri hugahaze.

Hibru 4:3

Na'ankure Anumzamo'ma hu'nea kante anteta tamentinti nehumotage manifruhu kumapina ufregahune. Esera ama mopama tro'ma hiregati mni fru hu kumara ko trohu vgareneankino, zmentitima nosaza nagakura Anumzamo huno, Nagra Narimpa henezmate'na huvempa kenia huama nehuanki'za, zamagra tamage hu'za manifru kuma niafina uofregosaze.

Taitus 2:14

Tagriku huno Agra'a avufga atreno kefo'zampinti miza seranteno tvare atre'ne, Agri'a vahere huno sese huranteno, tvare Agrarega tante'negu, muse nehuta knare'zanke hanune.

Efesasi 5:2

tamagra vaheku tamavesi nezmanteta, Kraisi'ma agu'areti avesiranteno agra'a avufga atreno tazama hu'neakna nehutma, Agra'a avufa tagriteku huno Anumzamofontega mananentake'za kre sramna vu'neakna hiho.

Efesasi 1:10

Anumzamo ofenka'ati mago knama esia zupa, monane mopane eri mago huno, maka Kraisi kvafi antenaku antahi'neane,

1 Korinti 10:11

Ama ana zantmima zmagrite fore'ma hu'neazamo'a, tagri rempi huramiza me'neno tazeri fatgo hanigu krente'ne. Ama vgare knafima ehnatisia zanku hu'ne.

Revalesen-Hufo Hu'ne 13:8

Maka ama mopafi mni'naza vahe'ma, ahe'naza Sipisipi Anentamofo asimu eri avontafepi zmagima, monane mopanema tro'ma osu'neno kre ontenesia vahe'mo'za, ana afi zgarera monora huntegahaze.

Hibru 10:26

Nafuheta ko'ma tamage kema antahinetama, kumi'ma huvava hanunana, mago'anena ana kumi'ma eriatre kre sramana vu'zana omnegosie.

Galesia 4:1

Nagra anage hu'na nehue, nefa fenozama erisantihare ne'mo'ma osi mofavrema mni'nenuno'a, maka'zana agri'za megahianagi, kazokzo eri'za vahekna huno manigahie.

Joni 17:24

Nenfaga, Nagri'ma nami'nana vahe'zga, Nagrama manisufi manisazegu navenesie, ana hu'ne'za Nagri'ma nami'nana hanavea kesaze, na'ankure Kagra korapa mopa omne'nea knafi, Nagrite kagu'a antenka hanavea nami'nane.

Joni 1:29

Anante kotigeno Jisasi'a agrite egeno negeno, Joni amanage hu'ne, keho, Anumzamofo sipisipi anentara, ama mopafi vahe'mokizmi kumira, Agra eri atregahie!

Matiu 13:39

Hagi ha' vahe'mo havi traza kri'neana Sata'e. Hozama hamre kna, mopa vgare kne, hoza hamare vahera, ankero vahezge.

Matiu 13:40

Havi traza eri tru hu'za tevereti kre'nazana anahu hu'ne, vgaresia knarera tevefi kregahie.

1 Pita 4:7

Makazama vgaresia knamo'a, hago kofta hie, e'ina hu'negu antahintahia hu so'e nehutma, nunamuma hu tamavutamavamofo azeri hanavenetita, kazigazi hutma viho.

1 Joni 3:8

Mago'mo'ma kumi avu'ava himo'a, Sata vahe nemanie. Na'ankure Sata'a ese agafare kumi hu'negure. Ama ana agafare Anumzamofo mofavremo, eama huno Sata erizana eri haviza hu'naku mopafi efore hu'ne.