Hibru 9:24 - Kamano

²⁴ Na'ankure Kraisi'a vahe'mo azanu ki'nea mono nompina uofrene. Hagi mona kumapi tagriku huno Anumzamofontera amuno nera mani'ne. Mono hunte'naku kintenaza mono nompi Agra uofre'ne. Na'ankure monafinka me'nea mono nomofo avame'zane.

Anumzamofo Routage Avantafere

²⁴ Na'ankure Kraisi'a vahe'mo azanu ki'nea mono nompina uofrene. Hagi mona kumapi tagriku huno Anumzamofontera amuno nera mani'ne. Mono hunte'naku kintenaza mono nompi Agra uofre'ne. Na'ankure monafinka me'nea mono nomofo avame'zane.

Hibru 9:24 Referans Kwoze

Hibru 12:2

Tagra tavuraga Jisasinte kentesune, tamentintima azeri knarema huzamofo agafa'a mani'ne. Na'ankure Agranena musezamo avega'antenegeno, agazegura osuno kazigazi huno knazana erino keka zafarera vuteno, menina Anumzamofo azantamaga kaziga mareri agaterenea tratera mani'ne.

Hibru 9:23

E'ina hu'negu ama mopafi seli mono none agu'afima me'nea zantaminena, monafinkama me'neazamofo avamezane, zga kfamofo koranteti azeri agru hugahie. Hianagi tamage zama monafinkama me'nea zantamina azeri agruma husniana, zga kfamofo korama ageterenea koranteti azeri agru hugahie.

Hibru 8:2

Agra monafinka tamame seri mono nomofo agu'afi Prisi eri'za eri ne' manino, eri'zana e'nerie. Ana seri mono nona vahe'mo'za zamazantetira onki'nazanki, Ramo ki'ne.

Joni 16:28

Nagra Nenfantegati e'na, ama mopafina e'noe, hianagi ama mopa ete atre'na Nenfa hirega vugahue.

Kolosi 3:2

Monare zanku tamagesa areare nehuta, mopafi zankura tamagesa arerera osiho.

Romu 8:33

Anumzamo'ma huhampri zmantenea vahera iza keaga huzmantegahie? Agra e'i Anumzamo fatgo vahere huno hurantene.

Aposol 3:21

Ama ana Nera monamo avare'anagamu tenesigeno umani'nenigeno, Anumzamo'a mika zana azeri kasefa hugahie, Anumzamo ko' huama hu'ne, korapa knafima ruotge kasnampa vahe'mofo zamagipi huvempa hu'naze.

Luku 24:51

Anama hunezmantegeno, Anumzamo'a avregeno zmatreno monafi mareri'ne.

Maki 16:19

Anage huno zamasmitegeno, Anumzamo'a Jisasina avareno monafi marerino, azantmaga kaziga ome antegeno mani'ne.

Maki 14:58

tagra nentahunkeno ama ne'mo anage hu'ne, ra mono nona vahe'mo zmazanuti ki'naza no tapage hunetrena, tagufa knamofo agu'afi vahe'mo azanuti onki'nea mono no ru kigahue hu'ne.

Revalesen-Hufo Hu'ne 8:3

Anantera mago ankeromo kolire tro hunte'nea zuompa erineno kresramna vu itare eme otigeno, Anumzamofo kini tramofo avuga kolire tro hunte'naza kre sramnavu itare Anumzamofo nagamokizmi nunamune erinteno kresramna vanigu rama'a mananentake'zana ami'ne.

1 Pita 3:22

Hagi Jisasi'ma monafinka vuno Anumzamofo azantmaga umani'nege'za, maka ankero vahe'mo'zane, kegva hu'nazamozane, hanavemo'za, Agri agorga'a mani'naze.

Hibru 9:9

E'i ana seri mono nomo'a menima fore'ma haniaza taveri hu'ne. Na'ankure prisi vahe'mo'zama kre sramanama vazazamo'a zamagu zmagesafima me'nea antahintahizazmia zmazeri amara osugahie.

Hibru 8:5

E'i ama mopafi mono nompi kresramana vu eri'zama enerizana, monafinkama tamazama me'nea zamofo avame'za me'ne. Na'ankure Mosese'ma seri mono noma kinakuma retro nehigeno'a, Anumzamo'a Mosesena hanave ke asamino, e'sema ama agonare mikozama kaveri hu'noa kante antenka, seri nona kio huno huntene. (Ekso-Uti 25:40)

Hibru 6:20

Jisasi'ma tagri tagi erino vugoteno ufrenemo, Melkisedeki nona erino mani'vava Ugota Prisi nera mani'ne.

Hibru 1:3

Ne'mofavre'amofompi Anumzamofo msazama'amo'a remsa nehigeno, Agrikna huno mani'neno, Agri'a hanave ke'areti maka'zana erigasefa huno nevuno, kumi'ma eri agruhu eri'zama eriteno, Marerisgahu Anumzamofo azantamaga kaziga monafinka mani'ne.

Joni 6:62

Inankna hugahie, Vahe'mofo Mofavremo'ma negesageno ko'ma mani'nerega ete marerisigetma na'ane hugahaze?

Matiu 18:10

Tamagra kva hiho, amana ne'onse mofavre nagara zmage fenka otreho. Na'ankure nagrama nermasmuana monafina zamagri ankeromo'za, mika zupa monafinka mni'nea Nenfa avugosa negaze.

2 Korinti 5:1

Na'ankure tagra antahi'none, ama mopafi seri nopima mani'nona nomo'ma tagna vaziramisigeno'a, tagria mevava nontia (tavufga) vahe'mo azanteti tro osu'neanki, Anumzamo tro huntegeno monafinka me'neankino mevava hugahie.

Hibru 4:14

E'ina hu'negu tagrira mareri ageteresa prisi nera monafinka ufrenemofonte, Anumzamofo Ne' Mofavrere Jisasinte tamentintia azeri hankavetisune.

Hibru 9:1

Korapa hagerafi huvempa kemofona mono hu trake'a megeno mono hunte seri mono nona ama mopafina me'ne.