Hibru 6:12 - Kamano

¹² E'ina hu'negu feru vahera omaniho. Hianagi amentintifine akohe'za avegante avu'avazampi manine'za huvempa huzmante'nea zantamima erisintihare'naza vahekna hiho.

Anumzamofo Routage Avantafere

¹² E'ina hu'negu feru vahera omaniho. Hianagi amentintifine akohe'za avegante avu'avazampi mani'ne'za huvempa huzmante'nea zantamima erisintihare'naza vahekna hiho.

Hibru 6:12 Referans Kwoze

Hibru 13:7

Vugotama huramantenaza vahe'mozama Anumzamofo nanekema tamasminaza kegu tamagesa antahiho. Nomani zazmia refako huta negeta tamentintifina, zamagrikna huta maniho.

Hibru 10:36

Akohenka maninenka knazana erinka vanunka, Anumzamofo avesi nevaririnka, Anumzamo'ma huhampri kante'neazana erigahane.

1 Joni 2:25

Agra'ama huvempa kema hurante'neana, mani'vava asimu erigahaze huno hurante'ne.

Romu 12:11

Tamavesra osutma hanavetitma eri'zana erinkeno, Avamumo'a tamazeri otina Ramofo eri'zana eriho.

Hibru 5:11

Rama'a ama nazamofo nanakea me'negeta tamasmi'naku hunanagi, eriama'ma huno tamasmi'amo'a amuhohie, na'ankure kema ame hutma antahi ama hu'zamo'a amuho huneramante

2 Pita 1:10

E'ina hu'negu nenafugata, hakarezama hanafina, Anumzamo huhamprintanteno tagi hune hutma hanavetitma ketma antahitma nehutma, mani fatgo hiho. Na'ankure tamagrama e'inahu tamavutamavama hanutma trakara osugahaze.

Jemisi 1:3

Na'ankure tamagra antahi'naze, tamentintima reramaheno ke'zamo'a, knazampima oti hankavetineno, knazama kazigazi huno erino vu'za erifore nehie.

Hibru 12:1

E'i ana hu'negu korapama Anumzamofontema zamentintima hu'naza vahe'moza, hamponkna hu'za regagirantenazagu, tazeri knama nehia zane, kumimo'enema rugagino tazeneria zana netreta, Anumzamo'ma tagima hu'nea agamareno tragi zokagopina tagareta kazigazi huta vanune.

Hibru 1:14

Hagi ankero vahera eri'za vahere, zamagra avamutaminkino Anumzamo'a zamahokeno zmavaresia vahete kegva huzamante'nigu huzmantege'za e'naze.

Romu 4:12

Anazanke huno oku zamufga tga hu'nazamo'za Abrahamuma oku avufga tga osu'neno amentinti higeno, fatgo nere hu'neakna hu'za zamentinti hanaza vahe'mokizmia, Abrahamu'a avamupina nezmafa mani'ne.

Romu 2:7

Iza'zo knare zamuzma huvava hu'za nevu'za, ra zmagima erisagu nehake'za, himamu hankave erisigu nehake'za, haviza osniazanku nehakesamokizmia, Anumzamo manivava zmasimura zamigahie.

Proveps-Knare Nomaniza 18:9

Zaferina omane feru vahe'mo'a, makazama eri havizama nehia vahe'mofo nefu manine.

Revalesen-Hufo Hu'ne 13:10

Izano Anumzamo huno avreno kina huntegahie hunesimo'a, kina ome hino. Izano kazinknonteti ahefrigahie hunesimofona kazinknonteti ahefrigahie. Hanki ama ana zmavu'zmavazana akohe'za mni'neza kazigazi hu'za knazama eri'za vnagu kea hu'ne!

Hibru 11:33

E'i ana zamentintima haza vahe'mo'za ru kumate vahema ha'ma huzmantazana zmagatenere'za, fatgo zamavuzmava hazagu huvempama hu'nea zana enerizageno, laionimo'a zmaheno none'ne.

Hibru 6:15

Hu'negu akoheno avega anteno mni'neno Abrahamu'a, Anumzamo huvempama hunte'neazana erine.

2 Tesalonaika 1:4

E'ina hu'negu, tamentinti nehutma, maka tamazeri havizama nehazafine, knazama tamizafima kazikazi hutmaneaza zankura, Anumzamofo mono nagamofo amu'nompina tamagri tamagenkema nezamasamita, tamagrikura akaginerone.

Luku 8:15

Hianagi tima'ane mopafima rurani'nea avimzana, Anumzamofo kea e'i anamo'za antahite'za azeri antrako hu'za, tamage hu'za fatgo zmarimpareti nena raga'a rente'za kazigazi hu'za nevaze.

Matiu 22:32

Nagra Abrahamuma Aisaki'ma Jekopu Anumza mni'noe hu'neana? Agra fri vahe'mofo Anumzana omni'ne, hagi kasefa hu'za mni'naza vahe'mofo Anumzane. (Ekso-Uti 3:6)

Proveps-Knare Nomaniza 15:19

Eri'za e'ori feru'ma mani vahemofo kamo'a, ave'ave trazampima neviankna hu'ne. Hianagi mani fatgo hu'za mani vahe'mokizmi kamo'a ranka me'nege'za nevaze.

Proveps-Knare Nomaniza 13:4

Feru vahe'mokizmi zmagu'amo'a, rama'a zama erizanku zmave'nesianagi, anazana e'norize. Hianagi amuho hu'za eri'zama erisaza vahe'mo'za, zmavesizana eri knare hugahaze.

Proveps-Knare Nomaniza 12:24

Hanavetinka eri'zama erisanana, kva vahe fore hugahane. Hianagi feru vahe'ma manisanana, kazokzo eri'za vahe manigahane.

1 Tesalonaika 1:3

Na'ankure tamagrama Anumza Nafatimofonte tamentinti nehuta, erizama enerita, avesintezamofo eriza enerita, Rantimo Jisas Kraisi'ma eforema hanigu, kazigazi hutma Anumza Nafatimofo avure e'nerizazankura antahirami vava nehune.

Luku 16:22

Anante amunte omane nera frige'za, ankero vahe'mo'za eri'za Abrahamu nemnia kumate vu'naze. Vutageno afufeno nera anante frige'za eri'za ome asentageno,

Matiu 25:26

kva'amo ke nona hunteno, kagra haviza hunka, eriza e'ori ne' mani'nane. Kagra ko nagenka nantahinka hu'nane, ohankre'noa hoza nevasage'na, avimza orani'noa ne'za enerugu,

Proveps-Knare Nomaniza 2:20

E'ina hu'negu knare vahe'mo'ma nevia kante nevunka, fatgo avu'avama nehia vahe'mofo kante vugahane.

Proveps-Knare Nomaniza 28:10

Iza'o fatgo vahe'ma avreno kefo avu'avama hu kante'ma vanimo'a, agra'a asentenesia keri ramigahie. Hianagi tamagema huno manisimo'a, knare'za erisanti haregahie.

Proveps-Knare Nomaniza 26:14

Kafamo'ma hantintenare'ma me'neno anagino erigino hiankna hu'za, feru vahe'mo'za nemasaza tafe zamire, rukrahe rukrahe nehaze.