Hibru 13:17 - Kamano

¹⁷ Vugotama hurmantenesimofona agorga nemanita, ke'zamia amage anteho. Na'ankure zamagra tamagri tamagu'are kegva nehu'za, henkama Anumzamofo refako huzampina tamagri tamagenkema hu'ama hanaza vahe mani'naze. Hagi ana eri'zama erisazana zamatrenke'za musezampinti e'neri'za zamata e'oriho, na'ankure ana zamo'a tamaza osugahie.

Anumzamofo Routage Avantafere

¹⁷ Hagi vugotama hurmantenesimofona agorga nemanita, ke'zamia amage anteho. Na'ankure zamagra tamagri tamagu'are kegava nehu'za, henkama Anumzamofo refako huzampina tamagri tamagenkema hu'ama hanaza vahe mani'naze. Hagi ana eri'zama erisazana zamatrenke'za musezampinti e'neri'za zamata e'oriho, na'ankure ana zamo'a tamaza osugahie.

Hibru 13:17 Referans Kwoze

1 Timoti 5:17

Elda vahera, Anumzamofo eri'zante kvagri so'e nehza vahera, zamagi erisaga nehuta antegna huta zamiho (dabol ona), e'ima hanaveti'za mono ke nehu'za, rempima hunezmi'za vahera zamaza hugahaze.

Hibru 13:7

Vugotama huramantenaza vahe'mozama Anumzamofo nanekema tamasminaza kegu tamagesa antahiho. Nomani zazmia refako huta negeta tamentintifina, zamagrikna huta maniho.

1 Pita 5:5

Kahefa vahe'mota, anahukna hutma ugagota huramantenesaza ra vahe'mokizmi naneke antahizmita zamage anteho. Makamotma anterami tamavutamavara kukena hiaza nehutma, rumokizmi zmagorga umani emani hiho. Tamage huno avontafemo'a anage hu'ne, zmagra zmavufgama erisaga haza vahera Anumzamo'a ha'renezamanteno, zmavufgama anteramiza mni'naza vahera knare hunezmante. (Pro-Knr 3:34)

Aposol 20:28

Tamagratmia kegva nehutma, lama afu kevua kegva hiho, Ruotge Avamu'mo tamazeri antegetma kva hu'naze. Agrama magoke Mofavre ama huntegeno koranteti'ma mizama ase'nea Anumzamofo mono nagara zamazeri fatgo hutma kavagri zamantegahaze.

1 Korinti 16:16

Hanki tamagranena e'inahukna vahe'mofo avu'ava avaririta mani'neta, hagi anahukna eri'zama zmaza hu'za erisazamokizmine, nezmavariritma zmagorga'a manihogu neramasamue.

Filipai 2:12

E'izanku navesi neramantoa nafuhetma, tamagranema mani'nogetma ke'ni'a erizafa nehazankna hutma, omanisua knafina ke'ni'a amage anteho, tamagra tmazama hu'nea zanku hutma tmano nevazino, tamahirahi nerena kazigazi hutma amage anteho.

Filipai 2:29

Uhnatisige'tma Rantimofo agifi tmagu'a muse nehutma avreho, e'inahu vahera antahi nezamita muse huta zamavreho.

Romu 14:12

Ana hu'neankita magoke magokemota Anumzamofona maka'zama nehuna zamofo kea asamigahune.

2 Tesalonaika 3:14

Iza'o ama avompima kre'nona kemofoma amagema ontesimofona, anamofona kenihunetma, agranena tragoteta omaninkeno agra agazegu hino.

Hibru 13:24

Kava vahetamine, maka mono naga'motarega musenke atreramantoe. Italima mani'naza mono nagamo'zanena musenkea hurmantaze.

Filipai 4:1

Nenfugta nensarogta, nagra navesi neramante'na tamage'naku nehumotma, tamagra nagri musezane, eri'zama eri'noazamofo nena'a mani'naze. E'ina hu'negu arone'nimota tamage hutma Ramofonte tamagra mani hanavetita maniho.

Filipai 3:18

Hakare'a zupa ko tamasmi'noe, menine mago ene anankege neramasmugeno navunura nehie. Na'ankure zamagri zamu'zmazamo'a tamage huno Kraisina rugeka zafa'a ha'arenente.

Jemisi 4:7

E'ina hu'negu Anumzamofo agorga anteramita nemanitma, Satana ha'renteta retufe atrenkeno tamatreno freno.

Filipai 1:4

maka nunamunia'fina musezamo avi'netege'na nunamu nehu'na maka'motma antahi neramue.

Luku 16:2

nentahino ugagota eri'za ne'a agi higeno egeno, na'a hu'nana naneke antahi'noe? Mafka eri'zama erinana avontafe ka'a erinka enka eme erifatgo huo. Na'ankure kagra mago'ene ugagota kva omanigahane huno higeno,

Proveps-Knare Nomaniza 5:13

Nahige'na rempi hunami vahe'mo'zane, nazeri kante ante kema nasami'za vahe'mokizmi kea ontahi'noane hunka hugahane!

Jenesis 16:9

Ra Anumzamofo ankeromo asmi'ne, Rukrahe hunka vunka, umaninenka ke'amofo amage antenka eri'zama'a omerinto,

Filipai 2:16

Kasefa hu'za mani'zamofo naneke azeri hanavetiho, ana nehnage'na Kraisi ete esia knafi neramage'na hanave'afi muse nehu'na nagare'na nevu'na eri'zama eri'noazamo'a amane zankna osu'ne hu'na hugahie.

Efesasi 5:21

Kraisina antahi'nemitma rumokizmia ovesinte avesinte hiho.