Hibru 11:13 - Kamano

¹³ Ama ana miko vahe'ma fri'nazana, huvempama huzmante'neazana e'orine'za fri'nazanagi, zamagra zmentinti nehu'za, afete'ma ne-eazama kenaza zankura muse nehu'za, ruregati zoka vahekna hu'za emani'naze.

Anumzamofo Routage Avantafere

¹³ Ama ana miko vahe'ma fri'nazana, huvempama huzmante'neazana e'orine'za fri'nazanagi, zamagra zmentinti nehu'za, afete'ma ne-eazama kenaza zankura muse nehu'za, ruregati zoka vahekna hu'za emani'naze.

Hibru 11:13 Referans Kwoze

Hibru 11:27

Mosese'a amentinti hu'negu kini ne'mo'ma arimpa ahentezankura koro osu Isipi mopa atreno vu'ne. Na'ankure agra onkenemofonte avuraga kenteno kazigazi huno vu'ne.

Jenesis 23:4

Tamagra antahi'naze, nagra mopa agafa nera omni'noe, amne tmagri mopafi emani'noe. A'nimo fri'nege'na tmantahi'negoe, mopa miza hu'na anampi ome asenteku nehue.

Joni 8:56

Neramafa Abrahamu'a Nagri kna kenaku muse nehuno, keteno tusi'a muse hu'ne.

Hibru 11:39

E'i ana maka vahe'mo'za zmentinti hazagu, Anumzamo'a hugnare huzmantene. Hu'neanagi Anumzamo'ma huvempa huzamante'nea zana e'orine'za fri'naze.

Efesasi 2:19

E'i zanku tamagra menina megi'a vahe'mota, emani vahe knara osu'naze. Hianagi tamagra Anumzamofo naga'ene noma'afi nemanize.

Romu 8:24

Ama ana zama fore hanigu nentahunkeno tagura nevazie. Hu'neanagi fore hanigu antahintahi hu'zama fore hanigeno kesiana, e'i fore hanigu antahitahi hu'zana omnene. Hagi koma fore higeno ke'nea zankura iza fore hanigeno kesigura nentahie.

1 Pita 2:11

Navesima neramantoa nenafugta, tamagra zoka vahe mopazmi omne vahekna hutma ama mopafina mni'naze. E'ina hu'negu, tamavufamofo havi avesizamo'ma ha'ma reneramantea zampina uofreho hu'na nagra huneramasamue.

1 Pita 1:17

Tamagrama hutma nerafa'e nehaza Anumzamo'a, Agra magokemofonkuke osu Anumzankino, maka vahe'mo'za zamavuzmavama nehazare refkoa huzmantegahie. Ana hu'negu, ama mopafima zoka vahekna huta atupa knafima mni'nenarera, Anumzamofonku kore hunentetma ra agi amiho.

Romu 4:21

Anumzamo'a huvempama hunante'neazana amane hunantegahie huno rimpa fru Abrahamu'a erine.

Jenesis 49:18

Ra Anumzamoka nahoke ahesnanegu, kvega mani'noe.

Jenesis 47:9

Higeno Jekopu'a Feronku anage hu'ne, Ama menima upsa knama mani'noana, 130'a zgegfu hu'noe, kna navenesige'na osi'a kna mani'noe. Hagi nafahe'za maniza e'naza knafina, nagtere'za zaza kna mani'naze.

Jenesis 25:8

Abrahamu ozafa'rfa reteno hakare'a zgegfu hu'neazanku muse nehuno, vgare asimu anteteno frino naga'ane umani'ne.

1 Joni 3:19

Ana tavutva'ma hanuta, tamage tavutava nehune huta tagra keta antahita nehuta, tagutagesamo keaga hunerantena, fru huta Agri avufina manigahune.

Matiu 13:17

Tamage hu'na neramasmue, korapa rama'a kasnampa vahe'mo'zane, fatgo vahe'mo'za amama negaza'za kenaku hu'nazanagi onke'za, nentahizankea, antahinaku hu'nazagi ontahi'naze.

Jenesis 49:33

Mofavre naga'amokizmi zamasmi vga reteno, agiarere sipare asuteno vgare asimu atrete'no (frino) naga'ane umani'ne.

Jenesis 49:10

Judaga kva vahe'mokizmi azompa kagripi mevava hugahie. Kva vahe azompamo agiarere amunompi me'nesigeno, Nafa'amo henka Sailo ehnatigahie, Hanige'za hakare ranra kumate veamo'za agri ke erizafa hugahaze.

Joni 12:41

Ama'i zanku'ma Aisaia'ma hu'neana, na'ankure Jisasi'a hanave'afi mani'negeno ke'negu huno, Agriku hu'ne.

Jenesis 50:24

Josefe'a amanage huno afuhe'ina zamasmi'ne, Nagra friza hue, Anumzamo tmagrira ke kvagri rmanteneno, tmavreno ama mopafintira mrerino Abrahamuma, Aisakima, Jekopuma huvempa huzmante'nea mopare vu'gahaze

Jenesis 49:28

Ama ana maka 12fu'a Israeli nagare, nezmafa asomu hunezmanteno zamasmi'nea naneke. Asomu huzmanteno, mago'mago mofona agri'a avamente asomu huzmantetere hu'ne.

Jenesis 48:21

Ana huteno Israeli'a, Josefena anage huno asmi'ne, kma nago, nagra hago friza hue, ana huanagi Anumzamo tmagrane mani'neno tmareno ete tmafahe'i mopare vugahie.

2 Korinti 4:18

Hagi negonazantera tavua onkesunanki, onke'nonazante tavua kesune. Na'ankure negona zamoa omanegosie, hianagi okenona zamo'a mevava hugahie.

2 Korinti 5:6

E'ina hu'negu tagra hakare zupa hanavenetita, ama tavufgare'ma mani'neta zahufa Ramo enena omni'none huta nentahune.

Hibru 11:14

E'ina hukna kema nehaza vahe'mo'za, zamagrama umani so'ema hanaza kumaku nehakaze.

Hibru 11:17

Anumzamo'a Abrahamuna amentinti reraheno kenaku, Aisakina ahenka kre sramana vunanto hu'ne. Huvempa kema huntenemo Abrahamu'a amentinti nehuno, magoke mofavrea Aisakina ahe fri'za hu'ne.

1 Pita 1:1

Nagra Pita'na Jisas Kraisi aposol ne'mo'na, Anumzamo'ma huhampri tamente'nea nagamotma, mopatmi atretma panini hutma Pontusi kazigane, Galesia kazigane, Kapodosia kazigane, Esia kazigane, Bitinia kazigama fretma vu'naza nagamotarega ama avona kreneramue.

Jenesis 21:34

Abrahamu'a zaza kna Filistia vahe mopare mani'ne.