Hibru 1:14 - Kamano

¹⁴ Hagi ankero vahera eri'za vahere, zamagra avamutaminkino Anumzamo'a zamahokeno zmavaresia vahete kegva huzamante'nigu huzmantege'za e'naze.

Anumzamofo Routage Avantafere

¹⁴ Hagi ankero vahera eri'za vahere, zamagra avamutaminkino Anumzamo'a zamahokeno zamavaresia vahete kegava huzamantenigu huzmantege'za e'naze.

Hibru 1:14 Referans Kwoze

Matiu 18:10

Tamagra kva hiho, amana ne'onse mofavre nagara zmage fenka otreho. Na'ankure nagrama nermasmuana monafina zamagri ankeromo'za, mika zupa monafinka mni'nea Nenfa avugosa negaze.

Aposol 27:23

Na'ankure meni keragera nagrama Agri vahe mani'nena erizama'a erinentoa Anumzamofo ankeromo'a navuga eme otino,

Aposol 5:19

Hu'neanagi ana kenegera Ramofo ankeromo'a eno kina vahe kafantmina eme anagino, zamareno atineramino, anage huno zamasmi'ne,

Aposol 12:7

Ana nehigeno ame huno, Ramofo ankeromo efore higeno, masamo kina vahe nona remsa hu'ne. Ankeromo Pitana asoparega aheno ame hunka otio! Higeno seni nofimo'a Pita azantetira evurami'ne.

Luku 1:19

ankeromo'a anage huno asami'ne, nagra ankero ne' Gabrieline, Anumzamofo tva'aonte nemanuankino, Anumzamo hunanteno knare musenke erinka ome asamio huno hunantege'na, eme negasamue. (Dan 8:16)

Matiu 1:20

Hianagi ana antahintahima retro nehigeno'a, mago Ramofo ankeromo ava'nafi eno anage huno asmi'ne, Josefe, Devit nemofoge, korera osunka Mariana aka'agi avro, na'ankure agri rimpafima mani'neana, Ruotge Avamu'mofo mofavre mani'ne.

Luku 16:22

Anante amunte omane nera frige'za, ankero vahe'mo'za eri'za Abrahamu nemnia kumate vu'naze. Vutageno afufeno nera anante frige'za eri'za ome asentageno,

Aposol 12:23

Ana kema nehazama'a, mago Ramofo ankeromo Herotina ahe tre'ne, na'ankure Anumzamofo ra agi omigeno agrira knimo amprigeno fri'ne.

Luku 2:9

ame huno ankeromo efore nehigeno, Ramofo msa'amo anamokizmi remsa hunezmantege'za koro hu'naze.

Luku 2:13

Anage nehigeno, ame huno rama'a ankeromo'za monafinti anante efore hu'za, Anumzamofo agi erisaga nehu'za anage hu'za,

Matiu 2:13

Antahi'zane vahe'ma vzageno, Ra Anumzamofo ankeromo Josefena ava'nafi efore huno asmi'ne, Otio! Mofavrene, nerera'nena znavrenka Isipi frenka vuo, anantega umani'nege'na Nagrama kasmisugenka eno, na'ankure Heroti'a ana Mofavre hakreno azeri haviza hugahie huno asmi'ne.

Taitus 3:7

Hu'neankita tahokeheno asunku zama'areti, kumipinti tazeri fatgo hu'negu huhamprima tantegeta avegama ante'nona mani'vava mani'zana erigahune.

Revalesen-Hufo Hu'ne 5:6

Anante kogeno mago sipisipi anentamo'a kini tramofone, 4'a kasefa hu'za zmasimuma ante'za mni'naza zgaramimofo amunompi oti'nege'za, 24'a elda kva vahe'mo'za regorave hunte'naze. Ana sipisipi anentara korapa ahenaza sipisipi anenta kna hu'ne. Ana sipisipi anentamofona 7ni'a pazive huntegeno, 7ni'a avurga hunte'neankino, e'i ana avurgamo'a Anumzamofo 7ni'a avamutaminkino, maka kaziga mopafi huzmantege'za nevaze.

1 Pita 1:12

Zamagrite'ma eriamama hiana zmagra'a zamaza nosazanagi, tamagriku knare musenkema huama hazafina, monafinti'ma e'nea Ruotge Avamumofo hanavere huama nehaze. Ankero vahe'mo'za anama huamama hzazama kesagura, tusiza huno zmavesi'ne.

Matiu 25:34

Anante kinimo'a azantmaga kazigama mani'namokizimigura amanage huno hugahie. Nafa'nimo'a asomu huramante'neanki, etma mona mopa tro osu'nenoma retro huramante'nea kuma emeriho hugahie.

Juti 1:14

Hagi Inoku'a, Adamunteti maniza e'naza vahepintira 7nire ehanati'nea naga nofipinti ne'mo ama ana vahekura kasanampa kea hunteno anage hu'ne, Ramo'a hampriga osu'nea ruotge hu'namo'zane ne-eanki keho.

1 Pita 1:4

Ana kasefa tasimu erisanti harenunana, vga oreno, havizana osuno, fnanene osaniaza monafinka Anumzamo'a anteramante'ne.

Hibru 6:17

Anahukna huno Anumzamo'a huvempa hu'neakino, anama huvempa hu'nea kemofona azeri hanavetino, erisanti haregahaze hu'nea vahetera huvempa huzmantene.

2 Tesalonaika 1:7

Hianagi Ramo Jisasi'ma monafintima hanavenentake ankero vahe'anema, teve anefa'ane eama hanuno'a, Agra kanazampintira tamazeri o'za nehuno, tagri'enena knazantifintira eme tazeri o'za hugahie.

Filipai 2:25

Hianagi nagra antahuana tamagritega Epafroditusi'a vugahie. Nagri nenfu magoke eri'za enerita, tragoteta ha' nehu'a ne' (sondia), agra tamagri naneke erino eme nasmisnia ne'kino, upama nehuazana naza nehia nere.

2 Korinti 9:12

Na'ankure ama'i vahe'ma azahu erizama e'nerizazamo'a, Anumzamofo nagakera zmaza nosianki, Anumzamofo susu huntezampinti, ra agi amizamo'enena avinete.

Romu 15:27

Zamagra zagoma eri atruma hazazankura tusi'a muse hu'naze. Zamagrama antahizana nofi hu'nazaza katufeankna hu'naze. Na'ankure megi'a vahe'mo'za Avamumofo asomuma eri'naza zanku, Jiu vahera amega zamufamofo zmaza hu'za zami'naze.

Romu 15:16

Kraisi Jisasi eri'za erina megi'a vahetega prisi vahe' kna hu'na, Anumzamofo knare musenke huama nehue. Ana hanige'za megi'a vahe'mokizmia Ruotge Avamumo zmazeri ruotage hu'nige'za, Anumzamo muse huno eneria kre sramnagna hugahaze.

Romu 13:6

Ama ana agafare takisi zagoa miza nehune. Na'ankure kamani vahera Anumzamofo eri'za vahe mani'naze, hakare'a knazupa zmagra vahe'ma kvagrizmante eri'za enerize

Aposol 13:2

Anamo'za Ramofonte mono hunente'za, ne'za a'o hu'za nunamu nehzageno, Ruotge Avamu'mo'a anage hu'ne, Banabasine Soli kizni huhampri znante'keno, eri'za eriogu hua eri'zana eri'o hu'ne.

Aposol 11:22

Anama zamagrama hazankemo'a, Jerusale mono vahete ege'za nentahi'za, zamagra Banabasi huntageno Antioku vu'ne.

Luku 1:23

Ra mono nompima kre sramnavu eriza kna'amo vgaregeno, atreno noma'arega vu'ne.

Matiu 24:31

Hagi ankero vahe'zga'a huntesige'za ufena nere'za, mopa omete emete huneregati'ma Agrama huhampri'ma zmante'nemokizmi, monamofo mago agentega vuno mago agentegatira zmavare atru hugahaze.

Matiu 13:41

Ana knarera Vahe'mofo mofavremo'a ankero vahe'a huzmantesigeno, kumi'ma nehu'za vahe'mokizmia zmazeri kumipima nentaza vahera, Agra'a kumapintira zmazeri megi atregahie.

1 Pita 3:7

Hanki vene'nemota knare antahintahi avariritma, a'ne tamimozanena so'e hutma maniho. A'nemo'za hanave oti'nagu, knare tamavutmava huzmanteho. Tamagrama antahi'nazana a'nemo'za zamagranena zmasimu erigahaze. E'inahu hutma avaririsageno'a, magozamo'a nunamuma hanaza nunamuntamia rehizara osutfa hugahie.

Jemisi 2:5

Antahiho, knare nafuheta, Anumzamo'a ama mopafi vahe zamavufi zamunte omane vaheku' zamentintifi feno vahere huno huhampri zamanteno, Anumzamofo kuma erisanti haregahaze huno Agri'ma avesinentaza vahe huvempa huozmante'nefi?

Hibru 10:11

Knane knane prisi vahe'mo'za otine'za mono eri'za zamige'za ana hukna hu'za kre sramana vuvava nehazazamo'a kumiti eritregara osu'ne.

Hibru 8:6

Hianagi Jisasima eri'nea prisi eri'zamo'a mago'a prisi vahe'mo'zama e'neriza eri'zana agaterenegeno, Agra amuno ne' tagri'ene Anumzamofontera manino, koma huvempama hu'nea hagerafi, kea agatereno mani'ne.

Hibru 6:12

E'ina hu'negu feru vahera omaniho. Hianagi amentintifine akohe'za avegante avu'avazampi manine'za huvempa huzmante'nea zantamima erisintihare'naza vahekna hiho.

Hibru 5:9

E'i ana atazama eri'nea agofetu Anumzamo'a fatgo nere huntegeno, maka Agri'ma amage'ma antaza vahe'mokizmirera, manivava hanagu zmahokenea zamofo agafa'a mani'ne.

Filipai 2:17

Hianagi ana zanke hu'zama waini ofagna hu'zama korani'a tagi netre'za, kre sramna neviaza hanaza zamo'a tamentintia tamaza nehina, nagra nagu'areti musena neha'nena, tamagrane muse hugahaze.

Efesasi 3:6

Ama'i oku'a antahintahigino, megi'a vahe'mo'za (Gentiles) Jiu vahe'ene mago'zanke hu'za marerisa knare'zana, Anumzamofo mofavre ramine erigahaze. Ana tare kevumo'za knare muse nanekere zamentinti nehu'za, magoke avufa nemani'za, huhampri zamante'nea asomura Krais Jisasimpinti muse huza erigahaze.

Galesia 3:29

Hagi tamagrama Kraisi vahe'ma mni'nenuta, tamagra Abrahamu negehogata mni'neta, erisanti haregahazema huno Anumzamo huvempa hunte'nea vahera manigahaze.

Galesia 3:9

E'ina hu'negu iza'o amentintima hanimo'a, amentinti ne'ma Abrahamuma ami'nea asomura erigahie.

Galesia 3:7

E'ina hu'negu antahita ketama hanazana, zamentintima haza vahe'mozage, Abrahamu mofavre mni'naze.

Romu 8:17

Tagrama Anumzamofo mofavre mni'nesnuta, Anumzamo huhampri rantenea zamofona Kraisi'ene magoka erisinti haregahune, Kraisi'ma hu'neaza huta knazama erisuta, Kraisi'ene magoka rantagi erita manigahune.

Aposol 16:26

Ana nehakeno ame huno tusi'a imi enerigeno kina vahe nomofo agafa'amo'a tore tore hu'ne. Ame huno maka kafamo'a anagigeno, maka kina vahe zamazampi rente'naza nofimo'a evurami'ne.

Jenesis 32:24

Anante Jekopuna agrike atre'naze, mago ne' anante ege'ne oretufe aretufe nehakeno ko' atu'ne.

Matiu 4:11

Anante Sata'a, Agrira atreno vige'za, ankero vahe'mo'za e'za Jisasina eme aza hu'naze.

Maki 10:17

Jisasi'a otino kantega nevigeno mago ne'mo negeno, agareno agafi rena omenereno anage huno hu'ne, knare rempi hurami ne'moka, nankna hanuna manivava asimura erigahue?

Romu 11:14

Mago'a kankamumpinti megi'a vahe'mota tamagripi eri'zani'a enerisugeno, Jiu vahe'nimo'za kniveneresageno, zmahoke ahesiegu nehue.

1 Korinti 1:21

Anumzamofo antahintahimo'a ama hu'negenokino, zmatrege'za ama mopafi vahe'mo'za zmagra'a antahi'zantetira Agrira antahi ama nosaze. Hianagi Anumzamo'a musema nehiana, vahe'mo'za neginagi naneke hu'za nehaza nanekema huama hunke'za zmentinti nehaza vahe zmahoneke.

Hibru 2:3

Anumzamo'ma tahoke'neazama tamagenama humisuta, tagra inankna huta rimpa hezana agateregahune? Ama ana tahoke'zana esetera Ramo hu'ama higeno, Agrite'ma zamentintima nehaza vahete amara higeta ke'none.

Hibru 9:28

Hu'negu Kraisi'a magoke zupa frino rama'a vahe kumira eritrezamtene. Agrama henkama esu'no'a kumiti eritrerante'nakura omegahianki, Agriku'ma tusiza hu'za avegama ante'namokizmi zmahokeno zmavrenaku egahie.