Galesia 6:7 - Kamano

⁷ Kagraka'a regavatga nehunka, Anumzamofona azeri haviza hu naneke huonto, nazano kagrama kri'nesana zana, kagraka'a kafigahane.

Anumzamofo Routage Avantafere

⁷ Kagraka'a regavatga nehunka, Anumzamofona azeri haviza hu naneke huonto, nazano kagrama kri'nesana zana, kagraka'a kafigahane.

Galesia 6:7 Referans Kwoze

2 Korinti 9:6

Nagra menina amanage nehue, osi'a avimzama nesaza vahe'mo'za, osi'a ana avamente nezana nevasgaze. Hanki rama'a avimaza nesaza vahe'mo'za, ana avamente rama'a nezana nevasgaze.

1 Korinti 15:33

Hanki negi vahera omniho. Havi zamavuzmava nehaza vahe'mo'zane utagroteta mnisazana tmazeri havige vahe asegahaze.

Proveps-Knare Nomaniza 11:18

Kefo avu'avama nehaza vahe'mo'za, antesaza feno zmimo'a atupa knafi megahie. Hianagi fatgo vahe'mokizmi mizamo'a, zaza kna megahie.

Proveps-Knare Nomaniza 1:31

E'ina hu'negu zamagrama hu'nesaza zamuzmamofona rga'a nesageno, oku'ma hu'naku retroma hu'nesaza zamavu'zmavamofo nona'a havi miza erigahaze.

Efesasi 5:6

Atrenkeno mago nemo'a avufa'a omne keretira reramatga osino, na'ankure e'i ana zamo Anumzamofo rimpa he'zana erino kema nontahiza vahetera ne-e.

1 Korinti 6:9

Anumzamofo Kumara fatgo osu veamo'za erisanti ohregahaze hu'nea kea tamagra ontahi'nazafi? Atrenkeno tmagri'a antahintahimo'a tmazeri havia osino! Monko avu'ava'zamo azeri haviama nehia vahe'ma, amema'a omne zante monoma hunentea vahe'ma, ru vemofo a'nene, aravema hu'nea vemo'o, a'mo'ma atreno ru vene savri nehiane, vene'nemo vene'nene monko'za nehia vahe'mo'zane,

Proveps-Knare Nomaniza 6:14

Havi avu'avazama erifore'ma hu'zamo zamagu'afina avitenege'za, kefo avu'avazana hakare zupa nehu'za, hazenkea eri hakare hu'za nevaze.

Luku 16:25

Abrahamu'a amanage huno asmi'ne, Mofavre'moka kagesa antahio. Mopafi mani'nenka knare zampi mani'nankeno Lasarusi'a haviza huno mani'ne. Hu'neanagi menina Lasarusi'a fruzampi emani'negenka kagra kata zampi mani'nane.

Jemisi 1:22

Amnea Anumzamofo Ke'agera ontahio, kagraka'a regavatga hugahananki, ana nanekemoma hania kante antenka amage anto.

1 Joni 3:7

Osi mofavre naga'mote, atrenkeno mago'a vahe'moza reramatga osiho, fatgo avu'ava nehaza vahe'mo'za fatgo vahe'mani'ne'za, Jisasi'ma mani'neakna hu'za fatgo hu'za nemani'ze.

Galesia 6:3

Na'ankure mago'mo'ma agima omnenenimo, nagi me'ne huno agesama antahisiana, agra'a revatga hugahie.

Jemisi 1:26

Mago'moka mono vahe'mani'noe nehunka kagefu'na kegva osnanana, kagra'a regavatga hanankeno mono kamo'a amnezankna hugahie.

1 Korinti 3:18

Mago vahe'mo antahintahi huno, nagra knare antahi'zane vahe ama knafina mani'noe hania vahe'mo'a, agra'a ravatga osino. Hanki atrenkeno neginagi vahe maniteno, henka knare antahi'zane vahera efore hino.

1 Joni 1:8

Tagrama huta, kumi osu'none hanuta, tagra'a reravatga hanunkeno, tamage kemo'a tagri tagu'afina omanegahie.

Luku 21:8

Jisasi'a anage hu'ne, tamagra kva huneta atrenkeno mago'a vahe'mo'za havi kantera tamavreza oviho. Na'ankure rama'a vahe'mo'za Nagri nagifina eza anage hugahaze, nagra ana neki, hago knamo'a koftahie hanigeta, tamagra zamage anteta ovutfa hiho.

Juti 1:18

henka vagare knafina hunte'za kiza zokago ke hunte vahe fore nehu'za Anumzamofoma zamage'na hunemi'za, kefo zamavuzamava hanaza vahe manigahaze.

Proveps-Knare Nomaniza 6:19

Keagama refkohu trate osu'nea zanku tamage nehie huno havige hu vahe'ma, zamagipintima krunagema hu'zama atineramia zane, naga'afima hazenke zama eri hakare nehiazana Anumzamo'a agonete.

2 Tesalonaika 2:3

Atrenkeno mago kampintira vahe'mo'za reramatga osino, na'ankure ana kna fore osu'nenigeno, kote'zana rama'a vahe'mo'za Anumzamofona zamefi humitesageno, kasegema rutagre ne'mo'a efore nehina, ana ne'mofona azeri haviza hugahie.