Galesia 2:20 - Kamano

²⁰ Nagra Kraisi'ene keka zafare ko fri'noankina, menima mni'noana nagra'a omani'noanki, Kraisi nagu'afina mani'negena, nagrama ama navufare'ma mani'noana, Anumzamofo Nemofonte namentinti nehu'na Agra'a avesinanteno asimu'a nami'nemofonte mani'noe.

Anumzamofo Routage Avantafere

²⁰ Nagra Kraisi'ene keka zafare ko fri'noankina, menima mani'noana nagra'a omani'noanki, Kraisi nagu'afina mani'negena, nagrama ama navufare'ma mani'noana, Anumzamofo Nemofonte namentinti nehu'na Agra'a avesinanteno asimu'a nami'nemofonte mani'noe.

Galesia 2:20 Referans Kwoze

Galesia 5:24

Hagi Krais Jisasimpi mani'namo'za, zamufamofo avu'avazane, zmesi'zanena rugeka zafare ahe fri'naze.

2 Korinti 5:15

Hagi Agra miko'mofonku fri'negu, iza'o kasefa huno maninesimo'a, agra'a vesizantera omanigahe. Hianagi zamagriku'ma huno fri'teno oti'nemofo Kraisi avesizante manigahaze.

Romu 6:8

Hagi tagra Kraisi'ene frisuta, tamentintima hunana tagranena Kraisi'ene manigahune.

Galesia 6:14

Hianagi nagra mago'zantere hu'na navufga erisaga osugahuanki, Rantimo Jisasi Kraisi nagriku huno rugeka zafare fri'nea zankuke navufga ra nehanugeno, Rugeka zafare'ma Kraisima eri'nea eri'zanteti ama mopafi kefo navu'nava'zamo'a ko nagripintira frigena, nagranena ama mopafi avu'ava zampina ko fri'noe.

2 Korinti 13:5

Tamagratmi'a avame antetma tamagu'a refko huta keho, tamentintifi maninazafi? Hifi tamagra'a tamaguafina refko huta nonkazafi, Jisas Kraisima tamaguafima mni'neana, Agrira keta antahita nosaze.

Romu 6:13

Atrenkeno mago tmavufgamo kumimofo eri'zana e'norina, Anumzamofo tamavufga ami vgareho. Na'ankure tamagra ko fri'nazane, hu'neanagi menina kasefa maniza erita mani'naze. Hagi ana miko tamavufgamo'a knare'zama eriforehu erizaza me'nenkeno, Anumzamofona ragi amino.

1 Tesalonaika 5:10

Jisasi'a tagriku huno fri'neankita, fri'nazo tasimu erita mani'nono, tagra Agrane magopi manisunku huno fri'ne.

Taitus 2:14

Tagriku huno Agra'a avufga atreno kefo'zampinti miza seranteno tvare atre'ne, Agri'a vahere huno sese huranteno, tvare Agrarega tante'negu, muse nehuta knare'zanke hanune.

Galesia 1:4

Jisasi asimu'a atreno kumitia atrerante'ne. E'inama hu'neana Anumza Nafatimofo avesi avaririno, mopafima amama meni mni'nona kefo avu'avazampinti tahokeno tazahunaku anara hu'ne.

Joni 17:21

ana hanuge'za zamagra maka'mo'za magoke hu'za, Nenfaga, Nagrane mago huta mani'no'a kna hu'za, Tagra ene mago hu'za zamagra mani'nesage'za, kokankokati vahe'mo'za nege'za, Kagra huntankeno e'ne hu'za zamentinti hugahaze.

Romu 8:37

Hakare'zana hurantega hazanagi, agatere hankavetia Kraisi avesirante'nemo manine.

1 Joni 5:20

Tagra antahita keta nehune, Jisas Kraisi, Anumzamofo Nemofo eno tamage Anumzana taveri hu'ne. Na'ankure antahi'none, Jisasi'ma e'neazamo tamage Anumzanehu antahintahia tamigeta, tamage Anumzane nehuta, tagra Agripina nemanita, Nemofo Jisas Kraisimpina nemanune. Tamage Anumzane nehuta manivava asimure huta nehune.

Efesasi 5:2

tamagra vaheku tamavesi nezmanteta, Kraisi'ma agu'areti avesiranteno agra'a avufga atreno tazama hu'neakna nehutma, Agra'a avufa tagriteku huno Anumzamofontega mananentake'za kre sramna vu'neakna hiho.

Filipai 4:13

Kraisi'a hanavea nenamigena, Agri hanavefi maka'zana amne hugahue.

Efesasi 3:17

E'ina hanageno, tamentinti nehzagu Kraisi'a tamagu'afi mani'nesigetma, tamagra mopafi zafamo rafu'na reno oti hanave tiankna huta Anumzane, tamararuhe'i kizmia tmagu'areti zmavesi zmantegahaze.

Galesia 3:11

Hagi mago vahe'mo'e huno kasegema amage'ma antezampintira Anumzamofo avufina fatgo vahera omnigahie. Na'ankure fatgo vahera zamentintima hanagu manigahaze. (Hava 2:4)

Joni 3:16

Anumzamo tusiza huno mopafi vaheku avesi nezmanteno, magoke ante'nea Ne'mofavre'a zami'ne. Agrite zamentinti hanamo'za fananne osu'za manivava hugahaze.

1 Joni 1:7

Hu'neanagi tagrama msare'ma vano huta, Agrama msare mani'nea kna'ma nehuta, tagra trogoteta manisunkeno'a, Anumzamofo Nemofo Jisasi koramo mika kefozanti sese hunerante.

Kolosi 1:27

Anumzamo'a Agra'a avesite oku'a me'nea kea taveri hu'ne. Ama ana kea knare hu'neankino, maka vahemokizmi zamaza hugahie. Ama ana kea Kraisi agra tamagrane mani'neakino tamavreno vanigetma so'ezana kuma'afinti ome erigahaze.

Romu 5:2

Na'ankure Kraisimpi tamentinti hu'nazamo tavreno amama mreri agatere'nea kumapi efregeta menina otineta, hankavea e'nereta, Anumzamo'ma msazama'anema esigura avega ante'nonazamo higeta musena nehune.

Romu 1:17

Na'ankure ama ana knare musenkefi, Anumzamo fatgo avu'avaza hurante'nea avu'avamo'a efore hu'ne. Eri agafa huneretima vuno vagaretema uhanatisiana, amentintima hu'zamo azeri ruotagera hugahie. Avontafepi huno, Fatgo vahe'mo'za zamentinti zanteti zamasimura eri'za manigahaze hu'ne. (Hab 2:4)

2 Korinti 13:3

Kraisi'ma nagri nagipi huvazino nehia kemofo agafa'a kesuneguma nehaza zankura, emeri ama hugahie. Kraisi'ma tamagripima erizama eneriana fru huno e'norianki hanavetino erizana enerie. Agra himamu hankave tamagripina me'ne.

Revalesen-Hufo Hu'ne 1:5

Jisas Kraisi fatgo huno, Anumzamofo ke'a huama nehimo, Agra'a fri'naza vahepintira ugagota huno ese oti'nemo, maka mopafi vahe'mokizmi kini vahe kegva huzmante'nea ne'manin'eankino, Agra kumitifima mani'nonkeno, avesiranteno korama'areti mizaseno katufe tantenegu agi'a erisaga hanune.

1 Tesalonaika 1:10

Hagi monafinti Anumzamofo mofavremo esigu avega anteta mani'nomofo, frinefinti azeri oti'nea Ne' Jisasi, Anumzamofo rimpa hezampinti tahokeno taguvazi'nea zankura kea neheze.

Joni 10:11

Nagra'ni'a knare sipisipi kva ne' mani'noe, Knare sipisipi kva vahe'mo'a Agra'a sipisipireku huno asimura atregahie.

Joni 6:57

Mani'nea Nenfa, Nagrira hunante'ne, na'ankure Nenfa'ma mani'negu Nagra mani'noankino, aza'o Nagri'ma nesimo'a, Nagra mani'nogu agra manigahie.

Revalesen-Hufo Hu'ne 3:20

Keho, Nagra kafante oti'nena vagre vagre nehue. Iza'o Nagri nageru antahino, kafama anagisimofona, Nagra efre'na agrane nezana nesugeno, agra Nagrane negahie.

1 Pita 1:8

Hanki tamagra Agrira onke'nazanagi avesinentetma, menina Agrira onkenazanagi, Agritera tamentinti nehuta, tusi musenkase hunteta agi'a erisaga nehaze.

Matiu 20:28

Anahu kna huno Vahe'mofo Mofavre'ma e'neana, Agri eriza erintehogura ome'ne, Agra'a erizana enerino, asuragino rama'a vahe zmaza huno misa senaku asimu'a atregahie.

Joni 15:13

Mago'mo'ma rone'agu avesinteno, agra asimuma atreno frisimo'a, tusi'a ugota hu'nea avesiza huzmerigahie.

Galesia 2:16

Tamagerafa huno vahe'mo'za kasegemofo erizantetira fatgo vahera omanigahaze. Hianagi Jisasi Kraisinte'ma zmentinti hazamo'za fatgo vahera nemnizankita, tagranena Jisasi Kraisinte tamentinti nehuta fatgo vahera nemnunankino, kasegema avaririzamo tazeri fatgo vahera noseankita, Jisas Kraisinte tamentinti hanunazamo fatgo vahera nemnunanki, kasegema avaririzamo'a vahe'mota tazeri fatgo nosie. Kasegemo'a mago vahera azeri fatgo osugahie.

2 Korinti 10:3

Tamage mopafi vahe mani'nonanagi, mopafi vahe'mo'za hzaza huta hara nosune.

Joni 6:69

Tagra tamentinti nehuta Kagrira antahita keta hu'none, Kagra magoke Anumzamofo Ruotge' ne', hugantegenka e'nane.

Joni 1:49

Higeno Natanieli'a Agri ke'nona amanage hu'ne, Hurami nere, Kagra fatgo hunka Anumzamofo nemofoga mani'nane. Kagra Israeli vahe'mokizmi Kini nere.

2 Korinti 1:24

Hianagi tamagri tamentintimofo kvagrirmante'nakura nosunanki, magoka tamagrane eriza erisunketa tamagra muse hugahaze. Na'ankre tamentintifina, tamagra oti hanavetigahaze.

Aposol 9:20

Ame huno, ana zupage Jisasi agigenkea osi mono nompi marerino, ama Nera Anumzamofo Mofavre huno huama huno zamasmi'ne.

Efesasi 5:25

Vene'nemotma, a'ne tmia tamagu'areti zmavesi zamanteho, Kraisi'ma mono kevu'agu agu'areti avesi zamanteno zamahoke heno ana a'ku (sios) fri'nea kna hiho.

2 Korinti 5:7

Na'ankure tagra onke'nonanagi, tamentinti nehune.

Joni 3:35

Nefa'a, Nemofona avesinteno mika'zana kva hugahie huno, Agri azampi ante'ne.

1 Joni 4:14

Tagra negeta huama huta Nefa'a, Nemofo huntegeno ama mopafi vahe'mota tahoke heno taza hunaku e'ne.

Aposol 8:36

Anama hu'za karankama nevu'za mago'a ti me'nere ageno, agonkna'zama hari'nea ne'mo'a, Keho! Ti me'neaki! Na'amo mono tima frezanifina nazerigahie? huno nehigeno,

Matiu 4:3

Revatga hu ne'mo anante ehanatino Jisasinku anage hu'ne, Kagrama Anumzamofo mofavre mani'nesunka, ke nehugeno ama have'zgamo'a breti fore hino.

Romu 3:22

Tagrama fatgo huta Anumzamofonte manisune hanuta, Jisas Kraisinte tamentintia hanunkeno, Anumzamo'a ftago vahe mni'naze huno hurantegahie. Mago kana omnetfa hu'ne. I'o.

Romu 4:25

Na'ankure tagri kumiku Jisasina atregeno efri'nemofo azeri oti'nea zamo, Anumzamofo avurera tagrira tazeri fatgo vahera se'ne.

Romu 5:6

Tagrati'a taza hugara osu'nonkeno, Kraisi'a kumitigura kna fatgo'are efri'ne.

Romu 5:8

Hianagi Anumzamo'a tusiza huno avesirantenea zama eriama hu'neana, kumi vahe mani'nonkeno Kraisina huntegeno, tagri kumiku huno efri'ne.

Romu 8:10

Kumimo amega tamavufga tamahe frigahianagi, Kraisima tamagu'afima maninesnigeta tamasimu erita fatgo vahe manigahaze. Na'ankure Anumzamo tamavrene.

Romu 14:7

Na'ankure tagra tasimu erita mani'nonana tagra'a suzana omanene, nefruna zana tagri'a zana omanene.

1 Korinti 6:17

Hianagi mago'moma Ramo'ene hagerafino manisimo'a, avamupina znagra magoke Agranena hu'ke mani'na'e.

2 Korinti 5:14

Kraisi avesizamo kva huranteno tazeri onetigeta tagra antahinone, na'ankure magokemo, miko'mofonku huno frine, e'ina hu'negu ana miko'mota fri'none.

2 Korinti 11:10

Tamage huno Kraisi tamage nanekemo nagu'afi me'nesigena, nagri'ma naza osazazankura Akaia kumate Grisi kaziga huama nehanuge'za, tagano hu'za huonantegahaze.

Filipai 1:21

Na'ankure nagrama ksefa'ma manisnuana Kraisinte manigahue. Hagi frisnuana knare'zantfa erigahue.

Hibru 8:3

Miko ugota prisi vahe'mo'za musezane, kresramana vu'za eri'za ome kre sramana nevazankino, tagri Ugagota Prisi Ne'mo kresramana vugahie.