Efesasi 6:12 - Kamano

¹² Na'ankure tagra mopafi vahe'enena hara nosune, hagi mopafi kva hu'naza vahe'ene, hihamune havi avamutamine, mopafi hanizamofo kva hu'naza ha' vahe'ene, mona kankamumpi kefozamofo ha' avamu'ene hara nehune.

Anumzamofo Routage Avantafere

¹² Na'ankure tagra mopafi vahe'enena hara nosune, hagi mopafi kva hu'naza vahe'ene, hihamune havi avamutamine, mopafi hanizamofo kva hu'naza ha' vahe'ene, mona kankamumpima kefozamofo ha' avamu'ene hara nehune.

Efesasi 6:12 Referans Kwoze

Kolosi 1:13

Na'ankure hanizamfo hanavefintira taza huno tavreno avesinentea Ne' Mofavre'amofo kumapi nerante.

2 Korinti 4:4

Ama mopafi havige anumzamo, Sata'a zamentinti nosaza vahera antahintahizamia refinetege'za, knare musenkemofo msa Kraisina Anumzamofo amema'a nonkaze.

Efesasi 2:2

Tamagranena maka mopafi vahe'mo'za nehazankna huta havi kante nevzane, kumi'tmimo avite'negeta, Sata kerera amage anteta, kankamumpi nemniza hihamu'ane kva avamutamimofo amage' anteta, Sata eri'zana enerita Anumzamofonte zamagu'a onte'za zamefi hunemi'za vahe'ene nemanizane.

Kolosi 2:15

Hankave avamutamimofo hankavene hankave zantamimofo hankavea keka zafare erinetreno, Anumzamo'a miko vahe zamaveri amate huno, ana mikozamofo hankavea Kraisi'a keka zafare eri netreno zmazeri haviza huno zmazeri amnezankna hutre'ne.

Aposol 26:18

zamurga erihari hananke'za hani'zampintira atre'za msare egahaze. Hagi Sata hanavefintira Anumzamofo hanavere esageno, kumi'zamia atrezamantesnige'za, Nagrite zamentinti hazage'na, kumi'zmi eri fanane hu'noa naga'enena erigahaze huno hu'ne.

Efesasi 1:21

Mreri onagate'nea tra'ma kvahu hanavema, hampo'na'ma, makazante kvama hu'neane, mika zamofo agima ko'ma antemi'neane, menima ama mani'nona knafinkerompage, henkama esia knafi'nena agtereno onaga'a manigahie.

Romu 8:38

Nagrama hankave antahintahima nentahuana, frizamo'o, asimu erino manizamo'o, ankeromo'zo, havi avamumozo, meni fore nehza zamozo, henka'a fore hanaza zamozo, mago'a hihamu hankvemozo,

Efesasi 3:10

E'ina hu'neankino Anumzamofo ruzahu ruzahu knare antahi'zana mono vahe'mo'za eriama hu'naze. Mona kumate kegva nehaza vahe'ene, manisga hu'naza kva vahe'mo'za kegahaze.

Efesasi 1:3

Anumzamofo ra agi amisune, Ranti Jisas Kraisi Nefa'ma mona kumapinti Kraisimpi, avamupina maka asomura hurante'ne.

1 Korinti 15:50

Nenafugta nensarogta amanage hu'na neramasamue, ama tavufgarera Anumzamofo Kumara erisanti oharegahune. Anahu kna huno fnanene hu'zamo'a manevava zana erisanti oharegahie.

1 Pita 3:22

Hagi Jisasi'ma monafinka vuno Anumzamofo azantmaga umani'nege'za, maka ankero vahe'mo'zane, kegva hu'nazamozane, hanavemo'za, Agri agorga'a mani'naze.

Hibru 12:1

E'i ana hu'negu korapama Anumzamofontema zamentintima hu'naza vahe'moza, hamponkna hu'za regagirantenazagu, tazeri knama nehia zane, kumimo'enema rugagino tazeneria zana netreta, Anumzamo'ma tagima hu'nea agamareno tragi zokagopina tagareta kazigazi huta vanune.

Joni 14:30

Nagra za'zatera nanekea ontamasmigahue, ama mopa kva nehia ne' Sata'a hago ne-e, agrira hanave'a omne'neankino, Nagrira nagateoregahie.

Joni 12:31

Menina ama mopa refkohu knae, menina ama mopafi kva hu'nea nera retufe atregahie.

Joni 16:11

Hagi kema refko haniaza eme huramerigahie, na'ankure ama mopa kva hu'nemofona hago keaga hunte'noe.

Luku 22:53

Hakare zupa kna'ane kna'ane ra mono nompi tamagrane magopi mani'noana nazeori'naze. Hanki ama kna tamagrizane. Hanizamofo hanavemo'a agatere.

Luku 13:24

Osi kafantema ufrenakura hanavetita ufreho. Na'ankure rama'a vahe'mo'za osi kafanteti ufrenakura hanazanagi, uofregahaze.

2 Timoti 2:5

Ana zanke huno mago ne'mo zokagopi taragino nevuno, kasege amage' ontesimo'a muse'zana kini fetorira e'origahie.

Matiu 16:17

Jisasi'a anage huno asmi'ne, Saimoniga, Jona nemofoga, asomu hugantesie. Na'ankure vahe'mo amazana erigaveri nosie. Hu'neanagi Nenfa monafi mni'nemo erigaveri nehie.

Hibru 12:4

Kumi'ma agaterenaku'ma hama hutama e'nafina, korana oraginaze.

Galesia 1:16

Agra'a nemofona naveri hige'na, megi'a vahepina knare musenkea huama nehue. Mago vahe'mokizmia ame hu'na nagra zmantahi'onke'noe.

Maki 4:19

mopafi zankuke zmagesa nentahi'za, zago afu fenoma eri atruma huzamo rezmatga nehuno, mago'azama zamesinte'zamo zmagu'afina efreno Anumzamofo nanekea rentrako higeno ne'za raga'a renonte.

2 Korinti 11:14

Na'ankure antri osiho, Sata'enena krunage huno msa ankero vahe kna hugahie.