Efesasi 6:11 - Kamano

¹¹ Maka Anumzamofo ha' kukena eri hankreho, ana nehutma Sata'ma reramatgama hania zampina oti hanavetitma manigahaze.

Anumzamofo Routage Avantafere

¹¹ Maka Anumzamofo ha' kukena eri hankreho, ana nehutma Sata'ma reramatgama hania zampina oti hanavetitma manigahaze.

Efesasi 6:11 Referans Kwoze

2 Korinti 10:4

Ha'ma huzantamima azeri'nonana, ama mopafi ha'zana omne'ne. Anumzamofo hankve ha'za me'neankino, Sata vihua ahe'nafru hugahie.

Romu 13:12

Hanizamo'a kofta huno vagaresigeno, masama fore'ma hania zamo'a kofta hu'ne. Ana hu'negu hanizamofo avu'ava zama nehuna zana netreta, msamofo ha' kukena hanune.

1 Tesalonaika 5:8

Hianagi tagra masare vahe mni'nonanki, atrenketa ama' tagutagesa nentahita, tamentintima huzane, vahe'ma avesinte avu'avazana tamimizare hanko reheriaza nehuta, Jisasi'ma taguvazino tavresiazanku nentahita amuhama nehunazana, fetori anteaza huta antegahune.

Efesasi 6:13

E'i zanku maka Anumzamofo ha' kukena hiho, ana hu'netma havi knafine ana maka'zama hanafina oti hanave tigahaze.

1 Pita 5:8

Tamagra negia onetma, kva hutma maniho. Ha' vahe'timimo Sata'a agra laionigna huno akoheno rerakaureno krafa huno vano nehuno, ahenoma nesia vaheku nehake.

2 Korinti 2:11

E'inahukna hanuta Sata reravataga hania zampintira evuoramisune. Na'ankure ko Sata reraheno kenaku tro hunte'nea havi antahizama'a, keta antahita hu'none.

Efesasi 4:14

Ana agafare tagra osi mofavregna huta omni'nunkeno, hagerimo erikranto kranto hiankna tamentintifina osnie. Na'ankure mago'amo'za ruzahu ke hunerasmi'za, anankea havige hu'za eri tamage kegna ke nerasmize.

Kolosi 3:10

Hagi menina magoke magoke'motma kasefa vahe nemanitma, troma huramante'nea nekna maka kna nehutma, mago'ene agrira antahi ama hugahaze.

Romu 13:14

Hu'neanagi atrenkeno, Ramo, Jisas Kraisi tamagripina mani'neno, kefozama hu tavesizana eri atreno.

2 Korinti 11:3

Hu'neanagi nagra kore'ma huana, krunage osifavemo Ivi revatga hu'neakna huno tamagrira, reramataga nehinketa fatgo huta, ruotge hu'neta Kraisi amage nevza kana netreta tamagena humizanku nehue.

2 Korinti 6:7

tamage kema huama nehumpine, Anumzamofo hankavefina, fatgo mani'zamofo ha'zamo'a tamaga tazampine hoga tazampina me'negeno,

Revalesen-Hufo Hu'ne 2:24

Hanki mago'a Taiataria mni'nazamota Jesebelima rempi huraminea kea amagera nontetma, rempima huraminea kea azenoritma, Satana oku'a antahintahia nontahitma, zamagrama hu'naza zana osu'nazankina, Nagra mago'a knazana ontamigahue.

Efesasi 4:24

Ksefa vahe tro huta nemanita, Anumzankna huta fatgo avu'ava zampi ruotage huta tamage ke'afi manigahaze.

Hibru 7:25

E'ina hu'negu Agrite'ma etenoma, Anumzamofontema esimofona magoke zupa agu'vazinkeno mni vava hugahie. Na'ankure Agra manivava hu'neno, Anumzamofontega nunamu huno zamaza nehie.

Juti 1:24

Hagi menina Anumzamo'a tanafama ruzankura kegva huneramantena, Agra tavaresigeta Agri'a msafi kumitami omanena, tusi'a musezampi manigahaze.

2 Korinti 4:4

Ama mopafi havige anumzamo, Sata'a zamentinti nosaza vahera antahintahizamia refinetege'za, knare musenkemofo msa Kraisina Anumzamofo amema'a nonkaze.

1 Korinti 10:13

Antahio! revatga zama ne-eana kagritekera nome, hakare'a vahete neankna huno ne-e. Anumzamo'a Agra knare hu'neankino atresigeno, ana revatgazamo'a hanavetino kazeri otregahie. Revatgaza ne-enkeno'a katresigenka evuoramigahananki, kana kaverina oti hanavetinka manigahane.

Maki 13:22

Na'ankure ana knafina mago'a havige kraisi'e huza efore nehu'za, kasnampa vahe efore hu'za, haviza hu'za kagu'vazane avame'za hugahaze. Anama hanazana Anumzamo'ma huhampri zmante'nea vahe'mokizmi, rezmataga hu'naku hugahaze. Hianagi zmagra Anumzamo'ma huhampri zmantenea vahe zmazeri savari hu'naku anara hugahaze.

Revalesen-Hufo Hu'ne 12:9

Ana koranke osifavea asgahutregeno erami'neankino, ana ne'kura korapa mani'nea osifave nehu'za, hankrore nehu'za, Sata'ema nehaza ne'ma ama mika mopafi vahema rezmatgama nehia nera, asgafetregeno ankero naga'ane mopafi erami'naze.

Revalesen-Hufo Hu'ne 19:20

Ana nehazageno ana afi zgane, havige kasnampa vahe'ene zanazerino kina reznante'ne. Ana kasnampa vahe'mo'a, afi zgamofo avure ruzahu ruzahu avame'za eri fore nehuno, ana afi zgamofo nampama eri'naza vahe'ene, afi zgamofo amema'are mono hunentaza vahe'ene rezmataga hu'ne. E'ima rezmatga hu'nea kasnampa vahe'ene ana afi zgane mani'nakeno havere tevava nehia teve tirupi znavre atrenigeke manigaha'e.

Jemisi 4:7

E'ina hu'negu Anumzamofo agorga anteramita nemanitma, Satana ha'renteta retufe atrenkeno tamatreno freno.