Efesasi 5:6 - Kamano

⁶ Atrenkeno mago nemo'a avufa'a omne keretira reramatga osino, na'ankure e'i ana zamo Anumzamofo rimpa he'zana erino kema nontahiza vahetera ne-e.

Anumzamofo Routage Avantafere

⁶ Hagi atrenkeno mago nemo'a avufa'a omne keretira reramatga osino, na'ankure e'i ana zamo Anumzamofo rimpa he'zana erino kema nontahiza vahetera ne-e.

Efesasi 5:6 Referans Kwoze

Romu 1:18

Na'ankure Anumzamo'a, Agra'a monafinkatira rimpahezana eri'ama huno, Anumzamofo fatgo avu'ava nosu'za, fatgo osu zmavuzmava nehaza vahe'mozama ana zamuzmateti'ma, tamage kemofo rentrako nehaza vahera ha'rezamantegahie.

Matiu 24:4

Jisasi'a ke'nona zamirera anage hu'ne, mago'a vahe'mo'za havi kante tmavare'za vuzankura kva hiho.

Kolosi 2:8

Kva hunetma zamatrenke'za agafa'a omane antahintahi zantetira tamazeri neginagi osiho. Keaga zamimo'a knare'za hugahianagi, zamagra ama mopafi avamumofo hanavefinti e'neaza rempi huneramizanki, Kraisintegati enea'zana rempi hunoramize.

1 Joni 4:1

Ronenimote, vahe'mo'za maka avamuteti nehune hanaza zankura tamentinti osiho. Hianagi Anumzamofontegati ne-efi avame anteta keho. Na'ankure rama'a havige kasnampa vahera, ama mopafi vuno eno nehie.

Kolosi 3:6

Na'ankure e'inahu avu'avama nehaza vahete Anumzamofo rimpahezamo'a egahie.

Maki 13:5

Jisasi'a agafa huno zmasami'ne, mago'mo havige huno tmavareno havi kante vu'zankura, kva hiho.

Matiu 24:24

Na'ankure havige kraisi'a ene, havige kasnampa vahemo'za efore hu'za, tusi'a avame'zane kaguva'za hu'za zmazeri savari nehu'za, hampo'nama atisu'za, Anumzamo'ma huhampri'zmante namokizmia zmazeri savari hugahie.

1 Pita 2:8

zmagigo zamino zmazeri tanafa nehuno, zmazeri traka hu have fore hu'ne. (Ais 8:14) Na'ankure zamagra trakama nehazana, ke'arera amagera nontazanki'za, traka hu'za haviza hugahaze.

2 Tesalonaika 2:3

Atrenkeno mago kampintira vahe'mo'za reramatga osino, na'ankure ana kna fore osu'nenigeno, kote'zana rama'a vahe'mo'za Anumzamofona zamefi humitesageno, kasegema rutagre ne'mo'a efore nehina, ana ne'mofona azeri haviza hugahie.

Kolosi 2:4

Ama kema neramasamuana mago'mo atrenkeno knare masevenke'afinti reramatga osino.

Maki 13:22

Na'ankure ana knafina mago'a havige kraisi'e huza efore nehu'za, kasnampa vahe efore hu'za, haviza hu'za kagu'vazane avame'za hugahaze. Anama hanazana Anumzamo'ma huhampri zmante'nea vahe'mokizmi, rezmataga hu'naku hugahaze. Hianagi zmagra Anumzamo'ma huhampri zmantenea vahe zmazeri savari hu'naku anara hugahaze.

Kolosi 2:18

Mago'mo'ma avanama kenesia zankuma huno, tamagra anteramita ankeromofo mono hunteho hanigetma, tamagra atrenekeno tamagrira tamazeri fenka otreno. E'inahu vahe'mo'za korapa zamarimpampfo avu'ava nevaririza, zamagrama antahizana zmagra'ake knare antahizana eri'none hu'za zmavufga ra nehaze.

Hibru 3:19

Tagra refkoma huta konana zamagra zamentintia osu'nazagu, ama ana vahe'mo'za manifruhu kumapima uofre'naze.

Hibru 13:9

Hu'negu atrenkeno ruzahu ruzahu kasefa antahintahizamo'a tamavazu huno afetera ovino. Tamaguamofona atrenkeno Anumzamofo asunkuzamo tamazeri hakavetino, mago'amo'za zmavu'zmava'zama avaririza ne'zama retro'ma hu'za nezamo'a, tamazeri hanavea notie.