Efesasi 5:15 - Kamano

¹⁵ E'i zanku kama vano hananana kva huo, antahi'za omne vahe knara osunka, antahi'za me'nea vahe kna huo,

Anumzamofo Routage Avantafere

¹⁵ E'i zanku kama vano hananana kva huo, antahi'za omne vahe knara osunka, antahi'za me'nea vahe kna huo,

Efesasi 5:15 Referans Kwoze

Kolosi 4:5

Zamentinti osu vahema maninesafina, kakamuma fore hanigetma hakarezama hanazana kva hunetma, ama antahintahi zanteti knare tamavutmava huzamaveri hiho.

Jemisi 3:13

Aza amu'nontamifintira ama antahintahine mika zampima anihu vahera mani'ne? Ana knare antahintahi'a atrenkeno knare erizama'amoki, avufa anteramino mni avu'ava zamo, erinte ama hino.

Filipai 1:27

Kraisi knare musenke'amo hu'nesia kante anteta mani'nenke'na eme tamagegahuo, ontamagegahuo, magoke tamagu tamagesare ene antahintahi tmifina hanavetitma mani'netma, Knare MusenKe'afi tamentintia nehinke'na tmantahi'neno.

1 Korinti 14:20

Nenafugatane nasarehetma, osi mofavregna huta antahintahia osiho, havi avu'ava huzankura aminte mofavre'gna hiho. Hagi antahintahi tamifina ra vahe kna huta maniho.

Proveps-Knare Nomaniza 14:8

Knare antahi'zane vahe'mo'a kama vania kana antahi ani' hu'neno vugahie. Hianagi neginagi vahe'mo'za, zamagrazmi rezmatga nehaze.

1 Timoti 6:9

Ana hianagi feno vahe maniku hanaza vahe'mo'za, rezmatagafi evurami'za krifu aheaza hanageno, maka havi avu'avamofo zamesi'zampi negi vahe kna nehu'za, zamazeri haviza huzante kezmasane hanageno, ana vahera zamahe haviza huno havi kampi zamareno uramigahie.

1 Pita 1:22

Tamagrama tamage kerema amagema antetma nevazazamo, tamazeri agru tamagu tamena higetma, neramafuma ovesinte avesinte tamagu'areti nehutma, tamaguareti hutma mago magomota ovesinte avesintea nehaze.

Matiu 10:16

Antahiho, Nagrama humanermantoana afi kramo'za avite'za maninafi sipisipi afumo ufrea kna hu'na huneramantoe, hagi osifavemoma nehia kna hutma kva hunetma, knare antahintahi eneritma, maho namamo nehia avu'ava hutma mago havizana osiho.

1 Tesalonaika 5:15

Mago'mo'e huno havizama huntesimofona, nona'a havizana huonteno. Hianagi maka kna knare avu'avaza ohunte ahunte nehutma, maka vahetera anahukna tamavutmava huzmanteho.

Luku 24:25

Jisasi'a amanage huno znasami'ne, Kasnampa vahe'mo'za hu'naza maka nanekegura negi nenetma tamagu'afina tamentintia nosaze!

Galesia 3:3

Tamagra negi nenazafi? Avamumo eri agafa hu'nea eri'zana, tamagratami hanavereti erivgare'za nehazo?

Hibru 12:25

Kema neramasamia Anumzamofo kema rutregezankura kava hiho. Na'ankure Israeli vahe'mo'za Sainai agonareti kema zamasamige'za rutagre'nazana Agrira agate'orenazanki, tagra inakna huta monafinti kema rutragesunana Agrira agateregahune?

Matiu 27:24

Paeroti'a keana maka vea'moza ra kege hazageno, mago'za huga nosuno tifino hakare vea zamufi aza sese nehuno, ama ne'mofo kora kumira nagripina omanegahianki, tmagri zane hu'ne.

Revalesen-Hufo Hu'ne 19:10

Anante nagranena agiafi narena rena mono hunte'za huanagi, ana ankeromo'a anage huno nasamine, e'inahura osuo, kagrane negafuzane nehazaza hu'na nagra Anumzamofo eri'za vahe mni'neta, Jisasi'ma hu'nea ke'mofo huama nehuta, Anumzamofo monora huntegahune. Na'ankure Jisasi'ma hu'nea kemo vahe'mofona azeri otigeno, kasnampa kea huama nehaze.

Matiu 8:4

Jisasi'a ana nera asami'ne, Kagra kva hunka, ama zankura mago'mofona osamitfa huo. Hagi prisi nete vunka, kvufa ome averinka ofa erinka vunka, Mosesima hu'nea kante antenka zamagrite eri ama huo.

Efesasi 5:33

Anahuga hianagi, amu'nontamifina mago mago'mo'a nenaronkura avesi nenteno agra avufagu agesa nentahiankna nehnigeno, nenaro'a anazanke huno nevena antahi nemino ke'a erizafa hugahie.

Kolosi 1:9

Hanki e'iana agafare, tagrama tamagenkema antahuna knaretima e'neana, tagra tamagrira Anumzamo Agra'a avesite avamupi knare antahizane, antahi ama hu'zana antevitermantesiegu nunamuna huvava huta antahi'negone.

Galesia 3:1

Tamagra neginagi Galesia vahere, Nagra Jisasima rugeka zafare ahegeno fri'nea kea ko huama hugeta antahi'nazanagi, ina ne'mo antahintahitamia tamazeri savrira nehie?

Matiu 27:4

amanage hu'ne, hazenke'a omane ne'ma komoru hu'na avare tamuana, nagra kumi hue huno hige'za zamagra anage hu'naze, tagri zana omane'neanki kagri'zane hu'naze.

Matiu 25:2

Mago 5fu'a vene omase mofane'mokizmia knare antahintahia omanene. Hagi mago 5fu'a vene omase mofane'mokizmia knare antahintahi me'ne.

Proveps-Knare Nomaniza 15:21

Antahizama'a omane vahe'mo'a, neginagi avu'avazankura muse hugahie. Hianagi ama' antahizane vahe'mo'a, knare zanke nehuno, fatgo kante nevie.

Efesasi 5:2

tamagra vaheku tamavesi nezmanteta, Kraisi'ma agu'areti avesiranteno agra'a avufga atreno tazama hu'neakna nehutma, Agra'a avufa tagriteku huno Anumzamofontega mananentake'za kre sramna vu'neakna hiho.