Efesasi 1:7 - Kamano

⁷ Kraisi koranu tahokeheno miza seneranteno, maka kumitia eri fnane nehuno, tusi'a asunku zama'areti Agra asuragiranteno taza hu'ne,

Anumzamofo Routage Avantafere

⁷ Kraisi koranu tahokeheno miza seneranteno, maka kumitia eri fanane nehuno, tusi'a asunku zama'areti Agra asuragiranteno taza hu'ne,

Efesasi 1:7 Referans Kwoze

1 Pita 2:24

Agra avufare kumiti erino rugeka zafare hantinegu, tagra kumi'ma huzampina nefrita, fatgo tavutavama huzampina, kasefa huta manigahune. Na'ankure Agri avufgama aguzama ru'nazazamo, tagrira tazeri so'e hu'ne.

Romu 3:24

Anumzamo'a knare erizama asuragiranteno Kraisimpi eri'nea zanteti, tamagra fatgo vahe mani'naze hu'ne. Agra e'i anazana Kraisimpi miza seranteno katufegeta, kumipintira fru huta mani'none.

Kolosi 1:14

Agrama kefozampinti mizaseranteno, kumitima apaserante nemofompi nerante.

Hibru 9:22

Mosese kasegemo'ma hu'nea kanteke, tamage huno ana mikozamo'a korantetike sesehu agru hugahie. Na'ankure mago zga aheno korana erifegu otreresina kumima atrentezana omaneresine. (Diu-Kas 24:6-8)

Matiu 26:28

Na'ankure Anumzane huhagerafita manisnaza'zamo avempa huno mesnigu ama'i korani'e. Mika vahe'mofo kefo zazmi eri apase zmantenigu korani'a tgi neramue.

Revalesen-Hufo Hu'ne 5:9

Hagi zmagra kasefa zgame nehu'za anage hu'naze, Kagra avontafera erinka rekamrente'naza fukintamina eriganopega hu'nane. Na'ankure Kagrira kahe frizagenka koranka'anu, mika nofi nagapinti'ene, zmagerupinti'ene, vahepinti'ene, mopafi vahera mi'za sezmante'nane.

1 Joni 2:12

Osi mofavrenimota ama avoma kre neramuana, Anumzamo'a Jisasi agifi kumitimima apaseramantenegu kreneramue. Na'ankure Agri Agire kumitimia apasermante'ne.

Filipai 4:19

Nagri Anumzamo, hakare upa'ma hanaza zana tamigahie. Agri'a hanave'amo avite'negeno Krais Jisasimpi runtanino tamigahie.

Efesasi 2:7

ana nehuno henkama fore hania knarera, agtere'nea zana Agri'a mrerisa asunku'zanu tagrira Kraisi Jisasimpi tza huno agampu hurantesie.

1 Korinti 1:30

Hu'neanagi, Agrama eri'nea eri'zamo higeta, Krais Jisasimpi mani'naze. Kraisi'a Anumzamofontegati knare antahintahi zantia efore hu'neana, e'i fatgo avu'ava'zane, mani ruotge huno mani'zane, miza hurante Ne' mani'ne.

Efesasi 3:16

Nagra nunamu nehue, Agra'a mrerisa knare'za huhampri tamanteno hanave'afi tamazeri hampo'na hanigu, Agra'a Avamu vahe'mofo agu'afinka ante'ne.

2 Korinti 8:9

Na'ankure Rantimofo Jisasi Kraisi asunku'zana tamagra antahi'naze. Fenone nemo'agi, tamagriku huno amunte omne nekna hu'ne, e'i anama hu'neana Jisasi amunte omnezama'afinti feno vahe tamazeri feno vahe fore hanigure.

Romu 2:4

Kagra nonkano knaza amunanagi knarezantfa huno agazone huneranteno, akoheranteno mani Anumzamo'ma kagri'enema mani'neana? E'i anazamo'a kagritera amneza me'nefi? Kagra nonkano knare'ma hunegantenoma kumipintima kagu'a rukrahema hnazegu'ma knama kaminoma ne-eazana nontahino?

1 Joni 2:2

Agra'a kumitimofona nona huno apaserante'ne, tagri kumike sese huorante'neanki, maka mopafi vahe kumi'ene sese huzmante'ne.

Taitus 2:14

Tagriku huno Agra'a avufga atreno kefo'zampinti miza seranteno tvare atre'ne, Agri'a vahere huno sese huranteno, tvare Agrarega tante'negu, muse nehuta knare'zanke hanune.

Aposol 2:38

Hazageno, Pita'a zamagrikura anage hu'ne, tamagu'a rukrahe nehutma, Jisas Kraisi agifi mono tina frenkeno, kumi'timia apaseramante'na, ruotge Avamu'mofo museza tamagra erigahaze.

Matiu 20:28

Anahu kna huno Vahe'mofo Mofavre'ma e'neana, Agri eriza erintehogura ome'ne, Agra'a erizana enerino, asuragino rama'a vahe zmaza huno misa senaku asimu'a atregahie.

1 Joni 4:10

Ama ana avesi'zana, tamage tagra Anumzamofona avesi ontenonkeno, Agra'a tagrira avesi ranteno, magoke ante'nea Nemofona huntegeno, kumitimofona nona huno apaserante'ne.

Aposol 20:28

Tamagratmia kegva nehutma, lama afu kevua kegva hiho, Ruotge Avamu'mo tamazeri antegetma kva hu'naze. Agrama magoke Mofavre ama huntegeno koranteti'ma mizama ase'nea Anumzamofo mono nagara zamazeri fatgo hutma kavagri zamantegahaze.

1 Pita 3:18

Na'ankure Kraisi'a maka vahe'mofo kumiku huno, magoke zupa fatgo ne'mo, fatgo osu vahe'motagu fri'neankino, Agra tavareno Anumzamofonte vanigu ahazageno fritegeno, Anumzamofo Avamu'mo azeri otigeno, kasefa huno mani'ne.

Efesasi 3:8

Nagra mago'a mono eri'za (saints) vahepina, osi'tfa hu'nogeno asunku hunanteno, urefa erefa'a omne naneke megi'a vahepi huama huo huno namige'na, Kraisimpi knare'za me'neaza eriama hu'na neramasmue.

Aposol 10:43

Agrikura korapa mika kasnampa (profeti) vahe'mo'za kea hunte'za, miko'mo'ma Agri agire'ma amentinti hanimofona, kumi'a atrentegahie hu'naze.

Joni 20:23

Hagi tamagra vahe'mokizmi kumi atre zamantesageno'a, kumi'zmia atre zamantegahie, hagi tamagra ma kumi'zmi atre ozmante sageno'a, atre ozmante'gahie.

Maki 14:24

Nenageno amanage huno zamasmi'ne, ama'i Nagri korane, ama ana koramo Anumzane huhagerafita manisaza manizana eri kasefa hugahie. Maka'mofonku huno tagine.

Taitus 3:6

Anama hu'neana Jisasi Kraisi tzahu ne', Agripi Avamura azeri usasi okino tagi tregeno e'ne.

1 Timoti 2:6

Tusi'a mizanteti Agra'a avufga atreteno, maka veara miza seranteno, Anumzamo huhampri ante'nea kna eri ama hu'ne.

Kolosi 2:13

Tamagrama kumipi frinetma, kumira otrenageno, Anumzamo'a Kraisi'ene magoka tamazeri kasefa nehuno, mika kefozantamia eri atreramante'ne.

Kolosi 2:2

Nagrama eri'zama e'neruazamofo agafa, zamagu'a zamazeri hankavenetisuge'za zmavesizampina erimago nehu'za, knare antahizampina avinetezma, Anumzamofo oku fraki'nea zama'a antahi ama hanazana, e'i Kraisi'e.

Kolosi 1:27

Anumzamo'a Agra'a avesite oku'a me'nea kea taveri hu'ne. Ama ana kea knare hu'neankino, maka vahemokizmi zamaza hugahie. Ama ana kea Kraisi agra tamagrane mani'neakino tamavreno vanigetma so'ezana kuma'afinti ome erigahaze.

Efesasi 2:4

Hu'neanagi Anumzamofo asuragi'zamo vite'ne, na'ankure tusi'a avesi'zanu Agra agu'areti tagrira avesi rante'ne.

Romu 9:23

E'i ana zama hu'neana, Agri'a mrerinea masa'zama eriama huno asunku'ma huzmantenea vahetera eriama hu'ne. E'i anazana ko Agra'a retro huzmante'nemo'za erigahaze.

Aposol 3:19

E'i zanku, kasunku hunka kagu'a rukarehe hunka, Anumzamofonte egeno, kumika'a eri atregantegahie.

Luku 24:47

Vahe'mo'za Agri agifi, zamagu'a rukrahe hanageno, Anumzamo'a kefozazimi eritrezamantesia kea, Jerusale kumate erigafa hute'za, mika kokankoka vahete vugahaze.

Luku 1:77

Kagra, Agri vahera Anumzamo'ma zmaguma vazino kumizimi eri apasezmante'nia kea zmasami'sanke'za, zmasunku hanageno zamagu'vazigahie. Agra monafi msa huntenigeno eme remsha hugahie.

Revalesen-Hufo Hu'ne 14:4

Hanki ana vahe'mo'za a'nene savrira osu fatgo hu'za mani'naze. Na'ankure zamagrazmi agru hu'za mni'naze. Ama ana vahe'mo'za Sipisipi Anentamo'ma inaregama viana zmagra nevaririza vahere. Ana vahera Anumzamo'a ese hoza vasageakna huno maka vahepinti miza sezmante'neankino, Anumzamofone Sipisipi afu Anentamofo naga manigahaze.

Efesasi 1:6

Anumzamo, avesinentemofo Jisas Kraisimpi taza hu'zana eri tagitregeno erami'neazankura, ra agi amisune,

Jona 4:2

Ramofontega nunamu huno asmi'ne. Ramoka muse (plis) hugantoe. Ese agafareti nagra ko antahi'noe, Ninivea eri haviza osugahane hu'na kumani'are mani'nena antahi'noe. Antahite'na mopani'a atre'na, Tasisia nagra fre'na vu'noe! Na'ankure, Kagra kasunku nehunka knare huzmante Anumzane, agzone huzmantenka kasunku'zamo avite Anumzane, zamazeri haviza hugahue hana vahera ana nosane.

Matiu 6:12

Kumitia atre'rantegeta, anahu kna huta kumi hurante'namokizmi'a atre'zmanta maneno.

Romu 3:25

Anumzamo'a, Jisasina tamigeno kumitimofo nona huno korama'a tagino, kumitia apaserante'nea zamo'a Anumzamo'a agru huno ftago huneankita, Agritema tamentinti hanuta Anumzamofontera egahune. Anumzamo'ma e'inahu hu'neazamo, Anumzamo'a fatgo hu'ne nehie. Ko'ma kumi hu'naza vahe'ma akoheno mni'neno kumizmia atrezmante'nea zamo'a eama hu'ne. E'ina zamo'enena eriama huno Jisasimpima zamentintima haza vahe'ma nezmavrea zamo'a taveri huno Anumzamo'a fatgo hu'ne nehie.

Efesasi 1:8

Agra rama'a zampi tagrira tza hu'ne. Mika fatgo antahintahine, knare tagu tagesa tami'ne.

Efesasi 1:14

Avamu'ama tami'neana agu'areti huhampri tanteno neramino, tahokeheno Anumzamo Agrarega tavrente'negu, muse hunenteta ra agi amisune.

Efesasi 1:18

Nagra nunamu nehuankino antahintahitamofona msa tamina, tamagu'amofo avurgamo hari nehanigetma, Agrama kezatino fore hugahie huno tamagima nehiazana, tamagra kegahaze. Mizama'a mreri'nea zantmi, hihamu'ane msazama'afi Anumzamo'a tamina, Agrite mni ruotge nehaza vahe'mo'zane, tamagra erigahaze.