Efesasi 1:4 - Kamano

⁴ Korapara Agra mopa erifore osu'nea knafi agu'areti avesiranteno, Kraisi'ene otage huta fatgo zampi, havizana omanesigeta Agri avure manisnune huno tagrira huhamprirante'ne.

Anumzamofo Routage Avantafere

⁴ Korapara Agra mopa erifore osu'nea knafi agu'areti avesiranteno, Kraisi'ene otage huta fatgo zampi, havizana omanesigeta Agri avure manisnune huno tagrira huhamprirante'ne.

Efesasi 1:4 Referans Kwoze

2 Timoti 1:9

Kefo zantifinti tza huno tvareno ruotge kezampinti tagihu'ne. Mago knare eriza eri'nona zanteku anara osu'ne, hagi Agra agafa'a me'negu huno asunku'zanteti Krais Jisasimpi ofenka'ati tza hu'neazamo mevava nehie.

Efesasi 2:10

Na'ankure tagrira, Agra'a tro hurante'ne, Krais Jisasimpi knare eri'za erisnunku, Anumzamo korapa ana kana retro hunte'neankita, knare eri'za enerita ana kantera vugahune.

Matiu 25:34

Anante kinimo'a azantmaga kazigama mani'namokizimigura amanage huno hugahie. Nafa'nimo'a asomu huramante'neanki, etma mona mopa tro osu'nenoma retro huramante'nea kuma emeriho hugahie.

Jemisi 2:5

Antahiho, knare nafuheta, Anumzamo'a ama mopafi vahe zamavufi zamunte omane vaheku' zamentintifi feno vahere huno huhampri zamanteno, Anumzamofo kuma erisanti haregahaze huno Agri'ma avesinentaza vahe huvempa huozmante'nefi?

1 Pita 2:9

Hianagi Anumzamo tamagrira huhampriramante'nea naga mni'neta, kinimofo prisi naga mni'neta, ruotge hu'nea naga mni'nazageno, Anumzamo'ma Nagri nagare huno hu'nea naga maninazankita, Anumzamo'ma hanimpintima tamagima huno, ruzahu msazama'arema tamante'nea so'ezama'agura huama hugahaze.

Revalesen-Hufo Hu'ne 13:8

Maka ama mopafi mni'naza vahe'ma, ahe'naza Sipisipi Anentamofo asimu eri avontafepi zmagima, monane mopanema tro'ma osu'neno kre ontenesia vahe'mo'za, ana afi zgarera monora huntegahaze.

Joni 15:16

Tamagra, Nagrira huhampri'onante'naze, hianagi Nagra, tmagrira huhampritamantena, tmazeri oti'noe, vuta nena rga'a ome rentesageno, ana rgamo me'nena, na'ankuro Nagri nagifi Nenfama antahigesageno'a, Agra amne tmigahie.

1 Pita 1:2

Anumzana Nafatimo'a, ko antahino keno hu'nea kante, Ruotge Avamumo tamazeri agru hu'nea nagamota, Jisas Kraisi amage'ma antageno, korama'a tagitreno sese huramante'nea nagamotma, asunku'zane rimpa fruzamo'a tamagrane aviteno mesie.

1 Pita 1:20

Na'ankure korapa Anumzamo'a, monane mopane tro osu'neno, tazama hanigura Kraisina huhamprinte'ne. Hianagi menina vgare knafina tamagri'ma tamaza hanigu efore hu'ne.

Kolosi 3:12

E'ina hu'negu Anumzamo'ma huhampri ramantegeta ruotge hazageno'a, Agra tusiza huno avesiramantenegu, tamagra rumokizmia tamasunku huzmanteta zmazeri so'e nehutma, vahe'mofo knare tamavu'tamava hunezmanteta, anteramita nemanita, agazone tamavutamava nehuta, akoheno avega anteno mani tamavutmavara kukena hiaza hiho.

Kolosi 1:22

Hianagi menina Kraisi'a ama avufgare eme frino, tamazeri mago huno Anumzamofo avurera tamazeri ruotge hu'neakino, magomo'a kea huoramantege, hazenke vahere huoramantesigetma, havigema huramante zampintira fru hutma manigahaze.

Efesasi 5:27

Anama hu'neana zamavreno Agrarega zamantesige'za, ana mono kevumo'za msazampima pehena omneno, kasmu' oneno, avufa ohakne: otage hu'za fatgo zampi hazenke omnenke'za manisnazegu ana hu'ne.

Revalesen-Hufo Hu'ne 17:8

Ana afi zga kenanana, korapa mni'neana, menina omni'neankino, kofa'a knafi riga omne kerifinti hnatino, eama huteno haviza hugahie. Ama mopama tro'ma osu'negeno, mopafima mni'naza vahe'ma zmagima asimu eri avontafepima kreonte'nea vahe'mo'za, korapa mni'neana, menina omani'neankino, henkama eamama hanige'za kesnu'za antri hugahaze.

Aposol 13:48

Megi'a vahe'mo'za ana naneke nentahiza muse nehu'za, Ramofo kegu tusi'za hu'za musenkase nehazageno, mani'vava zamasimu erigahaze huno huhampri zamante'nea vahe'mo'za zamentinti hu'naze.

Joni 17:24

Nenfaga, Nagri'ma nami'nana vahe'zga, Nagrama manisufi manisazegu navenesie, ana hu'ne'za Nagri'ma nami'nana hanavea kesaze, na'ankure Kagra korapa mopa omne'nea knafi, Nagrite kagu'a antenka hanavea nami'nane.

1 Tesalonaika 4:7

Na'ankure Anumzamo'ma tagrima tagima hu'nea agafa'a, agru osu avu'avaza avaririhogu tagi osu'neanki, mani ruotge hanunegu tagi hu'ne.

Filipai 2:15

Anama hanage'za, vahe'mo'za neramagesagetma fatgo hutma, ketmia omnesigetma nemanitma, Anumzamofo mofavre tro hutma nemanitma, havige huormantesagetma, kazaki'zampi kazigzi nehnaza vahe amu'no zamifina nemanitma, ofumo remsa hiaza hutma ama mopafina remsa huzmantegahaze.

2 Timoti 2:19

Ana hu'neanagi Anumzamofo nanekemo avempa huno arafuna reno me'ne, azanko avo (seal) me'negeno amanage huno kre'ne, Ra Anumzamofo nagare hu'za mani'naza vahera zamantahino keno hu'ne. Maka agi hanta nevaziza Ra Anumzane nehaza vahe'mo'za kefo mani'zampina maniagetagi'za maniho.

Aposol 18:10

Na'ankure Nagra kagrane manigahuankino, kahe frikura mago'mo'a kagri kavufarera azana onte'tfa hugahie, na'ankure ama'na rankumapina Nagri vahera rama'a mani'naze, nehigeno ke'ne.

2 Timoti 2:10

Na'ankure ana agafare maka vahe'mo'za knare hanazegu kna zampina mase'na oti'na nehue. Ana hanuge'za hamprima zamante'nea nagamo'za Krais Jisasi'a zamaresige'za manivava konariri msa'a (glori) erigahaze.

Efesasi 4:2

Tamavufga anteramitma, agazone hutma ru vahe'ene nemnitma, ke hakare osutma fru hutma, vahe'mofo antahizamitma zamesi zamantegahaze.

1 Korinti 1:8

Hanavea tamisigeta refarera uhanatigahaze. Ana hanigetma Rantimofo Jisas Kraisi'ma esia kna zupa hazenke tamia omnegahie.

Matiu 24:31

Hagi ankero vahe'zga'a huntesige'za ufena nere'za, mopa omete emete huneregati'ma Agrama huhampri'ma zmante'nemokizmi, monamofo mago agentega vuno mago agentegatira zmavare atru hugahaze.

Efesasi 5:2

tamagra vaheku tamavesi nezmanteta, Kraisi'ma agu'areti avesiranteno agra'a avufga atreno tazama hu'neakna nehutma, Agra'a avufa tagriteku huno Anumzamofontega mananentake'za kre sramna vu'neakna hiho.

Joni 10:16

Ruga'a sipisipini'a ama kegina agu'afina omni'naze, Nagra anahu kna hu'na zamaresuge'za, nagerura nentahi'za, zamagra magoke afu kevu hu'za mani'nageno, magoke afu kva vahe manigahie.

1 Tesalonaika 3:12

Tagri'ma tavesiana, Ramo'a vahe'ma avesinte avu'avazana eri aviteramantesigetma aviteta maninetma, magoke magokemotma ovesinte avesinte nehutma, tamagri'ma tamavesi neramantonaza hutma, ana miko vahera zmavesizmanteho.

Efesasi 3:17

E'ina hanageno, tamentinti nehzagu Kraisi'a tamagu'afi mani'nesigetma, tamagra mopafi zafamo rafu'na reno oti hanave tiankna huta Anumzane, tamararuhe'i kizmia tmagu'areti zmavesi zmantegahaze.

Galesia 5:13

Tamagra nenafugata Anumzamo'ma tamagima hu'neana kinafintira katufeta manisazegegu kea hu'ne. Ru tamagra antahita hago kinafintira katufeta mni'none nehuta, korapa tamarimpamofo avu'ava hanagi, anara osugahaze. Tamagra ovesinte avesinte hu avu'ava zampinti oza aza hiho.

Romu 8:33

Anumzamo'ma huhampri zmantenea vahera iza keaga huzmantegahie? Agra e'i Anumzamo fatgo vahere huno hurantene.

Matiu 24:24

Na'ankure havige kraisi'a ene, havige kasnampa vahemo'za efore hu'za, tusi'a avame'zane kaguva'za hu'za zmazeri savari nehu'za, hampo'nama atisu'za, Anumzamo'ma huhampri'zmante namokizmia zmazeri savari hugahie.

Matiu 24:22

Hanki ana knamo atupama osanigeno'a, magomo'e huno omanigahie. Hu'neanagi huhampri zmante'nea vaheku huno knamofona eritupa hugahie.

1 Joni 4:16

Tagra keta antahita nehuta, tamentintia Anumzamo'ma avesima rante'nea'zankura nehune. Anumzamo'a avesi'zamofo agafa'e. Hanki iza'o avesizama'afima manisimo'a, Anumzamofompi maninigeno, Anumzamo'a agripi manigahie.

2 Pita 3:14

E'ina hu'negu ronenimota, tamagra anazama fore'ma hanigura avega ante'nazanki, tamagratmia tamazeri agru hutma Anumzanena tamarimpa frune nemanita, hazenkezana omnena, keaga huramante'zana omnena, ananknagura avega anteta maniho.

Kolosi 2:2

Nagrama eri'zama e'neruazamofo agafa, zamagu'a zamazeri hankavenetisuge'za zmavesizampina erimago nehu'za, knare antahizampina avinetezma, Anumzamofo oku fraki'nea zama'a antahi ama hanazana, e'i Kraisi'e.

Galesia 5:22

Hianagi Avamumofo avu'avazana avesinte'zane muse'zane, rimpa fru'zane, akoheno mni'zane, vahe so'e hunte avu'ava zane, knare avu'ava hu'zane, ke amage'anteno avariri fatgohu avu'avazane,

Galesia 5:6

Na'ankure tamavufa tga hu'nazo, tamavufa tga osunaza zana Kraisimpina amneza me'ne. Hianagi tamentinti nehunkeno anazamo tazeri otigeta, ovesinte avesinte nehuna avu'avazamo razana me'ne.

Aposol 15:18

Korapama evu'nea knafina amazana antahino keno hu'neane.