Aposol 8:5 - Kamano

⁵ Filipi'a, Sameria rankumate viazamo, Kraisinku zamagrite huama ome hu'ne.

Anumzamofo Routage Avantafere

⁵ Filipi'a Sameria rankumate viazamo, Kraisinku zamagrite huama ome hu'ne.

Aposol 8:5 Referans Kwoze

Aposol 6:5

Ana mika vahe kevumokizmia zamesige'za, ana hugahune nehu'za, ana 70ti'a vahe hampri'naze, mago ne'ma hampona amentintine ne' Ruotge Avamu'mo agu'afima avite'nea nera Stiveni huhampriza Filipinki Prokulusinki Nikenanki Taimoninki Pamenasima, mago Antioku ne' Nikolasi'a megi'a nagapinti ne'mo agu'a akrehe huno Jiu monopi amentinti nehia ne' huhampri'za zamaretru hu'naze.

Aposol 21:8

Nanterana ana kumara atreta, Siseria ehanatita mono nehia ne' (evangelis) Filipia 7ni'a naga mono kva zamazeri oti'nafinti mago zamimofo nonte umani'none. (Apo 6:1-6)

Aposol 8:40

Hianagi Filipi'a Azotasi kumate mani'neno nankna hu'na e'noeha huno agra'a keno erifore hu'ne. Ana kazigama nevuno'a mika ranra kumatera mono kea hutere hume nevuno Sisaria kumate uhanati'ne.

1 Korinti 3:11

Hianagi mago'mo'e huno ru tratera nona eri agafa huno onkino, ko'ma ki'nea trateke kino, e'i Jisas Kraisi Agrake ana trara mani'ne.

1 Korinti 1:23

tagra Kraisi rugeka zafare ahe'za hanti'naza naneke huama nehunazamo'a, Jiu vahe'mokizmia zmagigo zamino zmazeri tanafahu havegna nehuno, megi'a vahetera neginagi nanekegna nehie.

Aposol 5:42

Hanki hakare knafina, ra mono nompi'ne, nonte nontera nevu'za Jisasi'a, tazahu ne' Kraisi'e hu'za knare muse kea rempi hunezmi'za huama hu'naze.

1 Korinti 2:2

Nagra'ma antahi'zama retro hu'noana, tamagrane mani'nufina mago'zankura ontahigahuanki, Jisas Kraisima ahe'za rugeka zafare hanti'naza zankuke antahigahue.

Aposol 9:20

Ame huno, ana zupage Jisasi agigenkea osi mono nompi marerino, ama Nera Anumzamofo Mofavre huno huama huno zamasmi'ne.

Aposol 8:1

Stiveni'ma ahe friza zankura Solina rimpamo'a so'e hu'ne. Jerusale kumapina mono vahe'ma zamahe'zamo'a tusiza huno ana knarera avitege'za, maka vahe zgamo'za panini hu'za fre'za Judia kaziga nevazage'za, Samaria kaziga nevzage'za aposol vahe'age mani'naze.

Aposol 1:8

Hu'neanagi ruotge Avamumo tamagrite esigetma, tusi'a hanave eritetma, Nagri nagenkea Jerusale kumate huama nehutma, Judiane Sameriane huama nehutma, afete mopa omeatre eme atre arega ome huama hugahaze.

Aposol 8:6

Filipi'ma hia nanekema tusi'a vahe'mo'za nentahiza, avame'zama hiazante'ma nege'za nentahiza, magoke antahintahire mika vahe krerafamo'za zamagesa ante'za antahi'naze.

Aposol 8:26

Anante mago Ramofo ankeromo Filipina asamino, Sameriatira otinka Jerusale kaziga Gaza urami'nea kantega kavugosa huntenka vuo. E'i, hagage ka'ma kopi vuo huno asamigeno,

Aposol 8:30

Filipi'a agiareno agrite viazamo ome antahiana, Aisaia kasnampa ne'mofo naneke nehamprigeno nentahino, amama nehamprina nanekea, kagra antahiama nehano? Huno antahige'geno,