Aposol 7:8 - Kamano

⁸ Anumzamo'a Abrahamu'ene huvempa hagerafikea huno oku avufama tagahu nanekea hutegeno, Abrahamu'a, Aisakina nefaza higeno 8'a zgegnama nemaniana, oku avufa taga hu'naze. Aisaki'a Jekopu nefaza higeno, Jekopua 12fu'a tagehemofona nezmafa mani'ne. (Jen-Agf 17:10-14)

Anumzamofo Routage Avantafere

⁸ Anumzamo'a Abrahamu'ene huvempa huno oku avufama tagahu nanekea huhagerafiteno, Abrahamu'a, Aisakina nefaza higeno 8'a zagegnama nemaniana, oku avufa taga hu'naze. Aisaki'a Jekopu nefaza higeno, Jekopua 12fu'a tagehemofona nezmafa mani'ne. (Jen-Agf 17:10-14.)

Aposol 7:8 Referans Kwoze

Aposol 2:29

Nafuhete, nagra fatgo hu'na neramasmu'e, mago tahiti'a Deviti'a frige'za asentageno, keri'amo'a menina tagrane me'ne.

Jenesis 35:16

Jekopu'a naga'ane Betel atre'za, Efrata kumate vuku nevzageno kantega Resolina mofavre ante kna'amo egofta higeno tusi atagu hu'ne.

Hibru 7:4

Melkisedeki'a ra ne' mani'neanki antahiho. Abrahamu tagigomo agranena ra ne' mni'neanagi, hapintima eri'noma e'nea zantamipintira nazantrema'a kevu refko huteno, anampintira knare'zantfama hu'nea kevua magora Melkisedekina ami'ne.

Galesia 3:17

Hanki Nagrama nehuana amanage nehue, esera Anumzamo'a Abrahamu'ene huvempa hutegeno, 430ti'a kafuzge evutegeno, henka kasegea efore hu'neankino, kasegemo'a Anumzamo'ma huvempama hu'nea kea eri otregahie.

Galesia 3:15

Nenfugate, Nagra vahe'mo'zama maka knama nehaza zmavuzmavate hunte'na tamasamiza hue, vahe'mo'ma mago'zama hu'naku mago rimpama hu'za kema hagerafinesaza kea, mago vahe'mo'a rugea huntege, eri atrege osugahie.

Romu 4:10

Hu'neanagi inankna higeno anazana efore hu'ne? Agra oku avufga tga hutegeno fatgo nere huno hu'nefi, oku avufga tga osu'negeno'e? Ana hu'neankita hufra okigosune. Abrahamu'a oku avufga tga osu'negeno Anumzamo'a avarene.

Joni 7:22

Ama ana agafare Mosese'a eit (8) zupa mofavre zamufa tga hiho hu'ne. Na'ankure Mosesena agripintira ome'ne. Hagi tmagri tamagehe'impinti e'ne, higetma mni fruhu kna zupa (sabat) vahe zamufa tga nehaze.

Matiu 1:2

Abrahamu'a, Aisaki nefa'e, Aisaki'a Jekopu nefa'e, Jekopu'a, Judane afu'agnahe'ina ksezmante'ne.

Jenesis 35:18

Resoli'a ksenteteno fri'za nehuno ana mofavre agi'a Ben-oni'e (nansunku mofavre) huno ante'ne, nehigeno Jekopu'a Benjameni'e (nza tamaga mofavre) huno ante'ne.

Jenesis 29:31

Hanki Ra Anumzamo keana Jekopu'a Leana avesi ontegeno, Anumzamo rimpa eri vasne'ne, ana hianagi Resoli'a narvo mani'ne.

Jenesis 30:5

ana higeno Bilha'a Jekopunteti amu'ene huno ne'mofavre ksente'ne.