Aposol 6:11 - Kamano

¹¹ Anante zamagra oku'a mago'a vahera anage hiho hu'za zamasmi'naze; Tagra nentahunkeno Mosesene, Anumzanena zanazeri havizahu kea hu'ne hutma hiho hu'naze.

Anumzamofo Routage Avantafere

¹¹ Anante zamagra oku'a mago'a vahera anage hiho hu'za zamasmi'naze. Tagra nentahunkeno Mosesene, Anumzamofonena zanazeri havizahu kea hu'ne hutma hiho hu'naze.

Aposol 6:11 Referans Kwoze

1 Timoti 1:13

Hianagi korapara Anumzamofona nagra azanva ke nehu'na, amage' nentaza vahera zamazeri kore' nehu'na, tusiza hu'na Jisasi agifi amage' nentaza vahera ha' rezmante'noe. Ana hu'noanagi asunku hunante'ne, na'ankure antahi'na ke'na osu'nena namentinti osu'nogu anara hu'noe;

Romu 3:8

Hagi mago'amo'za tananke nekafriankna hu'za kegaga zamifintira kea nehu'za, mago'ane kumira nehanunkeno knare'za efore hanie hu'za nehaze. Iza'o e'inahukna nanekema nehanimofona kna erinogu nehie.

Aposol 25:7

Poli'ma ehanatige'za, Jerusaleti e'naza Jiu vahe'mo'za, azeri amunompi ante'za otigagine'za, rama'a hampo'nanentake kea huntaza kemofona agafa omane tfa hu'ne.

Aposol 25:3

Polima kema hunte'suna keaga antahi ramigahano hu'za antahige'naze. Festusiga huizo hunka atregeno Poli'a Jerusalemia vino hu'za hampo'na ke hunte'naze. Na'ankure avare'za nevnage'za kantega ome ahe fri'naku keaga tro hunte'neza hu'naze.

Aposol 21:28

anage hu'za ranke hu'naze, Israeli vahe'mote taza hiho! Ama ne'mo'a hakare kaziga mani'naza vahetamina rempi hunezmino, vahetine kasegetine, ra mono nontia ha' renente! Mago'enena agra Griki vahera zamareno ra mono nomofo agu'afi nevuno, ruotage hu'nea ra mono nona eri pehena nehie!

Aposol 18:6

Ana nehigezama ha'ma rente'za krunagema huntaza vahera anakre ku'a (saket) zafino kugusopa rupopo nehuno anage huno zamasmi'ne, tamagri kora kumimo'a tamagritami tamasenire megahie! Nagripina mago knazani'a omane'tfa hugahie. Amareti agafa huno vaniana, Jiu vahe'rompage megi'a vahete vugahue.

Aposol 15:21

Na'ankure tagra antahinone, ofenka'a knareti eno menima e'neana, Mosese kasege'a huama hakare kumatera nehu'za, maka mni fruhu knarera (Sabat) osi mono (sinagog) nompi umareri'za hampri'za nezamasmize.

Aposol 6:13

Zamagra pusante havigema hunte vahe zamaretageno, ana vahe'mo'za hu'za ama ne'mo'a, ontagneno Mosese kasegegu'ene, ra mono nonku enena huhaviza hunte'ne hu'za hu'naze.

Joni 16:3

E'ina hu'za zamagra hurmantegahaze, na'ankure Nenfane Nagri enena ontahi'nagu anara hurmantegahaze.

Joni 9:29

Anumzamo Mosesena kea humigeta tagra antahi'none, hianagi ama'i nera igati e'neo, tagra ontahi'none.

Joni 1:17

Na'ankure kasegea Mosesempi tami'ne. Hagi asunku'zane tamage kea, Jisas Kraisimpi tami'ne.

Aposol 26:11

Hanki hakare zupa maka osi mono nompi mareri'na Anumzama huhaviza hunteho hu'na zamahe'noe. Na'ankure nagra tusi'za hu'na narimpa hezmante'noe. Ru moparegane me'nea ra kumapina ufre'na zamahe'noe.

Aposol 6:10

Hianagi Stiveni'ma knare Avamupine, knare antahizampine kema hiazamofona, zamagra magore hu'za kea osu'naze.

Aposol 6:12

Ana kema hazazamo vahera zamarimpa zamazeri otigeza, ranra vahe'mo'zane kasere ugagota hunaza vahe'mo'zanena oti'za Stivenina eme avazu hu'za kanisol (Senhitren) vahe zamure vu'naze.