Aposol 4:27 - Kamano

²⁷ Na'ankure tamagerafa huno Herotiki, Pointus Pailatiki, megi'a vahe'ene, Israeli vahe ene, ama rankumapina zogitru hute'za, Ruotge eri'za Ne'ka'a huhamprinte'nana Jisasina ha' rentaze. Tamage e'i ana avamente Heroti'ene Paeroti'ene ru vahe'ene Israel vahe'mo'zane ama kumate eri atru hu'za manine'za kagri mofavre kagrama hampri'nana nera Jisasina ahenaku hu'naze.

Anumzamofo Routage Avantafere

²⁷ Na'ankure tamagerafa huno Herotiki, Pointus Pailatiki, megi'a vahe'ene, Israeli vahe'ene, ama rankumapina zogitru hute'za, Ruotge eri'za Neka'a huhamprinte'nana Jisasina ha' rente'naze. Tamage e'i ana avamente Heroti'ene Paeroti'ene ru vahe'ene Israel vahe'mo'zane ama kumate eri atru hu'za manine'za kagri mofavre kagrama hampri'nana nera Jisasina ahenaku hu'naze.

Aposol 4:27 Referans Kwoze

Matiu 27:2

Ana hute'za Jisasina azeri'za nofi kite'za, rankumamofo kagota kva ne' (Gavana) Paeroti avare'za omemi'naze.

Aposol 4:30

Kagra kri vahe'ma krizmima zamazeri amane huzantema, tazama nentesunkeka avame zane, kaguva zanena, Kagri ka'a ruotge eri'za ne' Jisasi agire eri fore huo.

Luku 9:22

anage hu'ne, Vahe'mofo mofavremo'a ruzahu ruzahu knazampi unefresigeno, mono kva vahe'mozane, ugagota prisi vahe'mo'zane, kasegere ugota hu'naza vahe'moza, zmefi humiza ahesageno friteno, tagufa knare otigahie.

Hibru 7:26

E'inahukna ugagota prisi ne'mo tazeri knarera hugahie. Na'ankure Agra ruotge huno kumi'a omanegeno kumi'mo magore huno azeri haviza osu'ne. Menina kumi vahepinti azeri ruotge higeno, monafinka ragi erino mani'ne.

Aposol 10:38

Tamagra ko antahi'naze Nazareti Jisasina inankna huno Anumzamo'a Ruotge Avamuteti'ene hanave areti'ene huhamprinte'ne. Ana higeno Jisasi'a vano huno knare hunezmanteno, Sata'ma knama nezmia vahera zamazeri so'e huzmante'ne, na'ankure Anumzamo'a Agrane mani'negeno ana hu'ne.

Aposol 2:27

Na'ankure kagra nagu'namena fri vahe kumapina (Heidis), otregahane, huge atresankeno Ruotge hu'nemo'a kerifina okasrigahie.

Joni 19:34

Hianagi mago sondia ne'mo krugru kevereti Agrira asopafi regeno, hantaka huno korane, avufa rimo'ene herfino evu'ne.

Joni 18:28

Ananteti zamagra Kaiafasintetira ko'atu avame Jisasina avare'za Roma ugagota kva (gavana) ne'mofo nonte vu'naze. Vunazanagi zamagra ugagota nemofo kumapina uofre'naze. Ana zamo zamazeri pehena resige'za, Hibru vahe kinafinti zamare'nea knagu antahimiza neza nenaza knare ovuzanku ana hzageno,

Joni 10:36

Nenfa'a nazeri ruotge huteno, hunantege'na ama mopafi e'nogu, tamagra Anumzamofo huhaviza hunentane huta Nagrikura nehaze, na'ankure Nagra hu'na Anumzamofo mofavre huazankuro?

Joni 1:11

Agra'a vaheku huno e'ne, hianagi Agri vahe'mo'za ovre'naze.

Luku 22:63

Hagi Jisasima azeri'namo'za azanava ke hunenteza kano nemiza,

Luku 4:18

Ramofo avamumo nagrane emanine. Na'ankure agra huhampri nanteno, zamunte omane vahepi knare musenkea huama huo huno hunante'ne. Agra hunanteno huama hugeno, kinafi maninesaza vahemo'za katufe'za nevnageno, zamu suhu vahemo'za negesageno, vahemo'za zmazeri haviza nehanaza nagamoza fru hu'za nemnisagena,

Luku 1:35

Ankeromo'a kenona'a anage huno asami'ne, Ruotge Avamumo kagrite ne-enkenka, Marerisa Anumzamofo hihamu'amo refitegantegahie. E'ina hu'negu ksentesana Mofavremo'a ruotge hanigeno, Anumzamofo mofavre hu'za hugahaze.

Maki 15:31

Anahukna hu'za ranra prisi kva vahe'mo'zane kasegere ugagota hu'naza vahe'mo'za, azanva ke hunte'za, ru vahe azama nehiaza huno Agra'a aza osugahifi?

Maki 10:33

Keho, Jerusale kumate marerita meni nevunankino, Vahe'mofo Mofavrea azeriza ugagota mono kva vahete'ene kasegere ugota hu'naza vahe zmazampi avrentegahaze. Zamagra ahe friho nehu'za, fegi'a vahe zmazampi avrentegahaze.

Matiu 23:37

Jerusale vahere, Jerusale vahere. Kasnampa vahe zamahenefritma, huzmantege'za tmagritega aza vahera have knonu zmahe'naze. Nama'a kna mofavre'zgatmia kokoremo anenta'a zga agekonanu zmazeri atru huno refite zmanteankna hunaku nehuanagi tamagria tamavenosie.

Matiu 21:28

Hianagi tamagra na'ane tamagesa antahigahaze? Mago ne'mo'a tare ne'mofavre znante'ne. Pusa ne'te viazamo anage hu'ne, mofavre'nimoka menina vunka waini hozafi eri'za omerio hu'ne.

Matiu 14:1

Ana knafina Heroti'a Galili kumate kota kva ne'mo, Jisasi agenke antahiteno,

Matiu 14:3

Hagi Heroti'a, Jonina azerino kina nompi ki rente'ne. Na'ankure nefu Filipi a' Herotias eri'neazanktekure.

Matiu 14:6

Hianagi Herotima ksente kna egeno, Herodias mofa'mo zmuga avo eme reazamo, Herotina tusiza huno azeri muse higeno,

Luku 23:1

Ana maka vahe'mo'za erihantage'za Paerotinte, Jisasina avre'za vu'za,

Joni 18:29

Paeroti ne'mo zamagritega megi'a atiramino eno anage hu'ne, Ama'na nera nankemofo agafare nanekea hu'nentaze? Huno zamantahige'ne.