Aposol 3:17 - Kamano

¹⁷ Menina nafuhete, nagra tamantahi'noe, ontahinetma Jisasima tamavutamavama hunte'nazana, kva tamimo'za nehazankna hutma ontahi'netma hu'naze.

Anumzamofo Routage Avantafere

¹⁷ Menina nafuhete, nagra tamantahi'noe, ontahinetma Jisasima tamavutamava'ma hunte'nazana, kva tamimo'za nehazankna hutma ontahi'netma hu'naze.

Aposol 3:17 Referans Kwoze

Luku 23:34

Hianagi Jisasi'a anage hu'ne, nafanimoke, ontahine'za anara nehazanki, kumizmia atrezmanto. Anage nehige'za sondia vahe'mo'za zaza kena'a refko huza erinaku taisi zokogo re'naze. (Sam-Zga 22:18)

Aposol 13:27

Na'ankure Jerusale mani'naza vahe'mo'zane, kva vahe'zmimo'zanena Agra taza hu'nere hu'za ke'za antahi'za osu'naze. Kasnampa vahe'mo'za Agriku hu'za kre'naza kea maka mni fruhu (sabat) mono knare'ma hampri'za nentahi'za, antahiso'e osu'za ahenaku huhaviza hunte'naza kemo'a, avufa'a fore hu'ne.

1 Korinti 2:8

Ana antahintahizana magore huno meni gnafi kva vahe'mo'za antahi ama osu'naze. Na'ankure antahi ama hu'nazasina, hanave'ane Ramofona ahe'za keka zafarera ohantizasine.

Joni 16:3

E'ina hu'za zamagra hurmantegahaze, na'ankure Nenfane Nagri enena ontahi'nagu anara hurmantegahaze.

1 Timoti 1:13

Hianagi korapara Anumzamofona nagra azanva ke nehu'na, amage' nentaza vahera zamazeri kore' nehu'na, tusiza hu'na Jisasi agifi amage' nentaza vahera ha' rezmante'noe. Ana hu'noanagi asunku hunante'ne, na'ankure antahi'na ke'na osu'nena namentinti osu'nogu anara hu'noe;

2 Korinti 3:14

Hianagi antahintahiza zmimo'a hanavetino antro higeza maniza neazageno, ama knare ehanatine. Na'ankure korapa huhagerafi kasegema nehamprizageno'a, ana tavravemo'a refiteno ne-egeno, Kraisimpi ana tavravea eritrene.

Romu 11:2

Anumzamo'a Agra'a vahe korapa huhampri'zmante'nea vahekino ozmatre'ne. Ontahi'nazafi mono Avontafe'moma kasnampa ne' Ilaijanku'ma hu'neana? Ilaija'a Israeli vahekura amanage huno Anumzamofontega nunamuna hu'ne,

Aposol 26:9

Nagrama nagesama antahi'noana tamageza nehue nehu'na hanaveti'na, Nazareti Jisasi agi'a eri haviza hu'noe.

Aposol 7:40

Eronina amanage hu'za asmi'naze, Kagotama hurantesia anumza'tmina tro huranto, na'ankure ama ana Mosese'ma Isipi mopareti tvarenoma e'nea nera na'a fore humi'nefi tagra antahita keta osu'none hu'naze.

Joni 7:52

Zamagra kenona'a asmi'naze, Kagra anazanke hunka Galili kazigati e'nampi? Anumzamofo avon tafepi hamprinka ko, mago kasnampa (profet) nera Galilia fore osugahie, hu'za Nikodimasi asmi'naze.

Jenesis 44:15

Josefe afuhei'gizmi zamasmi'ne, na'a higeta havizana hu'naze? Tmagra ontahinazo, nagra kasnampa (divinesen) tro huna oku menenia'zana kena eri fore osugahuo?

Jenesis 39:8

Hianagi agra ana kegu i'o huno ozafa'amofo nenaro asmi'ne, Antahio, nagrama ama nompima mani'nogeno'a ozafanimo'a maka'zankura nontahie, maka'zama ante'nea zana nagri nzampi kegva kri'nenogu hunante'ne.

Jenesis 21:26

Abimeleki amanage hu'ne, nagra ontahi'noe, iza e'inahu'zana hu'nefi, kagra onasminkena ontahi'noe, hanki meni nentahue.

Filipai 1:22

Hianagi nagrama mopa navufane mani'ne'na, eri'zama erisua zamo rga rentegahie. Nagra ina kamofo avaririgahufi ontahi'noe.

Luku 23:13

Hagi Paeroti'a ugota prisi vahezgane, kva vahezgane, vahetamine kehutru huno,

Joni 15:21

Hianagi Nagri nagimo tmagripi me'nenigeno'a, e'ina hu'zana hurmantegahaze, na'ankure hunantege'na e'nomofona ke'za antahi'za osu'nagu ana hurmategahaze.

Aposol 22:5

Ugagota prisi ne'mo'ene, maka kanisol (senhidren) vahe'mo'za, amama nehuazankura tamage hu'za tamasmigahaze. Zamagra mago'a avona kre'nami'za erinka Damaskasi nemniza kafuhe'intega vuo hazage'na, nagra kina ome rezmante'na zamare'na e'na, Jerusale zamata hoza zamihogu kantega vu'noe.

Aposol 28:21

Hige'za anage hu'za asami'naze, Judia kazigatira kagri nanekea avona kre'za atrageta e'ori'none. Hanki tafuhe'za anantegatira e'za naneke'a eme antege, kagri havi kavukva zamofo nanekea ontasmitfa hu'naze.

Efesasi 4:18

Antahi'za zamifina hani hige'za, Anumzamofo mani'zampintira atre'za megi'a nemanize, na'ankure zamagra antahi'za ke'za nosazageno, zamagu'amo'a hanveti'ne.