Aposol 20:1 - Kamano

¹ Ana ke hakarema haza'zamo vgaregeno, Jisasi amage nentaza disaipol nagara Poli'a kehige'za emeritru hazageno, zamumro kea anteteno, hufru huno knareki manineho hunezmanteno, atreno Masedonia vu'ne.

Anumzamofo Routage Avantafere

¹ Hagi ana ke hakare'ma hazazamo'a vagaregeno, Jisasi amage nentaza disaipol nagara Poli'a kehige'za emeritru hazageno, zamumro kea anteteno, hufru huno knareki manineho hunezmanteno, atreno Masedonia vu'ne.

Aposol 20:1 Referans Kwoze

2 Korinti 7:5

Na'ankure tagrama Masedonianema efronkeno'a, ama tavufgamo'a manifru osu'ne, rama'a knazamo mika asoparegati egeta hapi ufronkeno, tagu'amo'a kore nehie.

Aposol 19:21

Anazana fore hutegeno Poli'a Masedonia kaziga vute'na Griki kaziga nevu'na Jerusale kumate vute'na, henka'a Romu kuma enena ome kegahue huno agesa antahine.

1 Timoti 1:3

Masedonia katre'na vunaku nehu'na, nagra tutu hugante'noe, Efesas mani'nenka havi mono huku hanaza nagara, anara osiho hunka nezmasminka,

1 Tesalonaika 5:26

Maka tafu'hemotma mono tamavutamava hutma tamafukre tamafakre hiho.

1 Korinti 16:20

Maka Anumzamofo naga'mo'za musenkezmia atre nermantaze. Hanki tamagra nena anazanke huta mono naga'mota muse ohunte ahunte hiho.

1 Korinti 16:5

Hu'neanagi nagra Masetonia vute'na, henka tamagritega egahue. Na'ankure Masetoniati ru kitagi'na vugahue.

Romu 16:16

Maka Kraisi mono nagamo'za tmagri'tega musenke atrazageno vie. Fatgo huno ruotge hu'nea avu'ava hutma agi hene, agona ahene hutma maniho.

Aposol 20:37

Anampina zamagra tusi zavi'ateza Polina anankempi azeri anuki'za antako hu'naze.

Aposol 20:10

Hianagi Poli'a uramino agri agumpi umseno azana rugagino anu'nekino tmasunkura osiho hu'ne. Tamagra antria osiho, na'ankure agra ofri'neanki amne mani'ne huno hu'ne.

Aposol 16:9

Keragera Poli'a mago ava'nagnaza efore higeno keana, Masedonia ne'mo otino mani'neno asamino, tagritega erakahenka Masedonia eme taza huo huno nehigeno ke'ne!

Aposol 11:26

ome ke fore huteno avareno Antioku kumate uhanati'na'e. Ana kafufina Banabasi'ene Solikea mono vahe'zga mono kea hunezamikeno tusi'a vahe fore hu'ne. Anante amage'ma nentea disaipol naga'mo'za pusa (kristen) mono vahere huno zamagi'a eri'naze.

Jenesis 48:10

Menina Israeli'a ozafareno avurga ke'so'e osu'ne. Josefe'a znavreno urvao higeno, znanukino antako hu'znantene.

2 Korinti 13:12

Mago magomofona avataginka azeri fru huo.

Aposol 16:12

Anantetira atreta Filipai kumate vu'none, anama mani kagi'naza kumamofo, ran kumare Masedonia, Romu kamanimo kavagri'nea kumate mago'a kna ana kumate mani'none.

Aposol 20:2

Ana mopa kazigama vano huno rama'a keretima zamentinti naga zamazeri hanavematiteno, Grisi ehanati'ne.

Aposol 20:3

Anantega 3'a ika maniteno, Siria kaziga ventefi vunaku'ma nehigeno, mago'a Jiu vahe'mo'za haenaku ke retro haza nanekema nentahino'a, eteno Masedonia mopafi kampi vunaku Poli'a agesa antahi'ne.

Romu 15:19

Ruotge Avamumofo hankavefine, avame'zane, ruzahu ruzahu'za kaguvaza erifore hu'zamofo hanavere, Kraisi musenkea Jerusaleti huama hu'na Ilirikium kaziga (Masedonia-Italy) ome huvgare'noe.