Aposol 17:13 - Kamano

¹³ Hu'neanagi Tesalonaika mani'naza Jiu vahe'mo'za antahizama, Poli'a Anumzamofo kea Beria ome huama nehie kema nentahi'za, zamagranena anantega e'za, keomente emente hu'za, zamagu zamagesa eri savari hu'naze.

Anumzamofo Routage Avantafere

¹³ Hu'neanagi Tesalonaika mani'naza Jiu vahe'mo'za antahizama, Poli'a Anumzamofo kea Beria ome huama nehie kema nentahi'za, zamagranena anantega e'za, keomente emente hu'za, zamagu zamagesa eri savari hu'naze.

Aposol 17:13 Referans Kwoze

Aposol 21:27

7ni'a kna vagare'za nehigeno, Esia provinsifinti Jiu vahe'mo'za ra mono nompi mani'nege'za nege'za, rama'a vahe zamarimpa zamazeri otige'za Polina azeneri'za,

Aposol 17:5

Hu'neanagi zamarimpa zamazeri otige'za Jiu vahe'mo'za antahi haviza hunezmante'za, kanivere'za kefo vahe maketi kumapi zamazeritru hu'za, ran kumapi ranke hute'za ana vahe'mo'za Jasoni nona tagana taganu vazi'za, Poline Sailasi kiznigu hake'za zanavre'za atru nehazafi vunaku hu'naze.

Aposol 14:2

Hu'neanagi Jiu vahe'mo'za zamentinti ana kegura nosuza, megi'a vahe antahintahi eri savri hazage'za, ana netrena ha' rezanante'naze.

Aposol 6:12

Ana kema hazazamo vahera zamarimpa zamazeri otigeza, ranra vahe'mo'zane kasere ugagota hunaza vahe'mo'zanena oti'za Stivenina eme avazu hu'za kanisol (Senhitren) vahe zamure vu'naze.

Matiu 23:13

Hu'neanagi kva hiho, kasegere ugagota hu'naza vahe'ene, Farisi vahe'mota, tamagi'ari hutma tavre vahe mni'naze. Mona kumapima vunaku haza vahera, tamagra kafa erigita ahenkani renezmantaze. Na'ankure tamagra tmia unofretma zmatrage'za ufrenaku'ma haza vahera unofraze.

Proveps-Knare Nomaniza 28:25

Agraguke'ma antahi vahe'mo'a, ha' azeri onetie. Hianagi Ra Anumzamofonte'ma amentinti nehanimo'a, nomanizama'afina mani knare hugahie.

Luku 12:51

Tamagrama tamegsama antahizana, ama mopafina rimpa fru'za erina enofi? A'o, amu'notamifina atane'za eri'na e'noe.

Proveps-Knare Nomaniza 15:18

Ame' hunoma rimpama ahe vahe'mo, ha'frama hu'zana eri fore nehie. Hianagi akohenoma rimpa fru huno mani vahe'mo, ha'frama huzana erifru nehie.

Aposol 17:1

Amfipolisine Apoloniane ran kumatre ugatere'za vute'za, henka Tesalonaika rankumate Jiu vahe osi mono no (sinagog) anantega menere e'naze.

Aposol 17:10

Zamentinti naga'mo'za ame hu'za Poline Sailasinena kenageke huznantage'ke, Beria ran kumate vu'na'e. Uhanatiteke Jiu vahe osi mono nonte vu'na'e.

Aposol 20:4

Mago'a vahe'mo'za Poli'ene vu'nazana, Beria kumateti ne' Sopati, Perusi nemofoki, Tesalonikati Aristakusi'ene Sekanduskegi, Debe kumateti Gaiusiki, Esia kumateti Timotiki, Tikikusiki, Trofimasi'za vu'naze.

2 Korinti 11:26

Hakare zupa vano hufina, rama'a hazenkefi ufre'noe, ti nehegefi tina marekanetogeno, kumzafa vahe'mo'za nahe'za nehazageno, nagrini'a naga'mo'zane, megi'a vahe'mo'za nahekate'naze. Rankumapi manige, ka'ma kokampina nevuge'za nazeri haviza hu'za nehazegeno, hage'rimpima fnane hu'za nehugeno, havige nerafu'zanena nazeri haviza hu'za hu'naze.