Aposol 15:3 - Kamano

³ Ana hige'za mono nagamo'za, huzamantege'za, Fonesiane Sameria ufare'za agatere'za maka megi'a vahe'tamimo'za zamagu'a rukarehe hu'naza kea mono vahe'zga zamasmige'za tusi'za hu'za muse hu'naze.

Anumzamofo Routage Avantafere

³ Ana hige'za mono naga'mo'za, huzamantege'za, Fonesiane Sameria ufare'za agatere'za maka megi'a vahe'tamimo'za zamagu'a rukarehe hu'naza kea mono vahe'zaga zamasmige'za tusi'za hu'za muse hu'naze.

Aposol 15:3 Referans Kwoze

Aposol 14:27

Zanagrama ehanatike mono vahezga eme zamazeri atru huteke, makazama Anumzamo'ma zanagripima hu'neazana nezamasmi'ne, megi'a vahete kama eri hagro hige'za zamentinti hu'naza ke zamasmi'na'e.

Aposol 21:5

Ananknama vagaregeta, atreta kantega nevunkeno, ana mika'mo'zane, a'ne zamine, mofavre naga'zamine tagrane magoka vazageta ana kumara atreta vu'none. Hagerinkena vuta tarena reta nunamuna ome huteta,

Taitus 3:13

Hanavetinka Zenasi ke refkohu (lawyer) ne'ene, Apolosi kiznia ka vu zaznifina znaza hugeke magozankura upara osi'o.

1 Korinti 16:11

Kva hunenteta agi eri haviza huonteho. Hanki ana nehuta aza nehnageno mani'neno, fru huno nagra mni'ne'nurega ehnatisnie. Timoti'ene mago'a nafu naganahe'zane ete esnagu zmavega ante'na mani'noe.

1 Korinti 16:6

Tamagrane osi'agna umanisuo, ete zasi ko'ma atu ikampina tamagra ne mni vgaresugeta, inantegama vunaku'ma hanurega naza hu'tma hunante'nage'na vugahue.

Romu 15:24

Nagra Speini kumate vunaku antahintahia retro nehuankino, vanuna onsi'a kna tamagrane umaninena mono kea nehu'na, vunaku'ma hanugetma naza hanagena vugahue.

Aposol 15:12

Atru hu'naza maka vahetamimo'za, ke osu mani'nage'za Polike Banabasikea kaguva'zane avame'zanema zanagripinti Anumzamo'ma megi'a vahe'ma huzmante'nea zana zamasmi'na'e.

2 Korinti 1:16

Masetoniama enevuna eme tamageme evute'na, ete anantegatima esugeta tamagra naza hanage'na Judia vugahue.

Aposol 28:15

Hago tagriku'ma emani'naze kema Romu mani'naza tafuhe'za nentahi'za vahe'ma e'nazana, Apiasi kante maketi kumapinti ne'ageno, 3'a no mizase'za nemasaza nonteti tagri'ma tavataginakura e'naze. Poli'ma nezmageno'a hanave e'nerino, Anumzamofo muse hunte'ne.

Aposol 13:52

Hu'neanagi Antioku kumate'ma zamentinti nehu'za Ramofo amage nentaza nagapina muse'zamo'ene Ruotge Avamu'mo'a avite'ne.

Aposol 13:48

Megi'a vahe'mo'za ana naneke nentahiza muse nehu'za, Ramofo kegu tusi'za hu'za musenkase nehazageno, mani'vava zamasimu erigahaze huno huhampri zamante'nea vahe'mo'za zamentinti hu'naze.

Aposol 8:14

Jerusale mani'naza aposol vahe'mo'za antahizama Samaria vahe'mo'za Anumzamofo naneke erize kema nentahi'za, Pitane Joni kizni huznante'naze.

Luku 15:32

Hianagi tagra neza neneta muse huntegahune. Na'ankure ama negagna'a frine huta hunoanagi, kasefa mani'ne. Fanane hu'ne huta hunanagi, efore hu'ne huno asami'ne.

Aposol 1:15

Ana knafina zamentinti nehaza nagapinti Pita'a 120ti'a naza naga amu'no zamifi otino anage hu'ne.

Aposol 15:1

Mago'a vahe'mo'za Judia kazigati e'za Antioku ehanati'za amanage hu'za amage' nentaza nagara rempi huzami'naze, Mosese hu'nea kere amage' antetma tamavufa taga hiho, anama osanutma tamahoke heno tamaza osugahie.

Aposol 15:4

Zamagrama Jerusale uhanatizage'za, mono vahe'mo'zane, mago'a aposol naga'ene mono kva vahe'mo'za (eldas) muse hu'za zamarage'za, maka'zama Anumzamo zamagrite'ma hu'neazana huama hu'za zamasmi'naze.

Aposol 15:22

Anante aposol naga'ene, mono kva vahe'mo'zane, maka mono kevumo'za amuno zamifinti huhampri zamanteneana, Judasinku Basabasi nehaza ne'ene Sailasi'a ana naga'amofo kva ne' zamine huhampri zananteke, Poline Banabasi kizni Antioku vihogu huzmante'ne.

Aposol 15:32

Hagi Judasike Sailasikea znagranena kasanampa netrenkike, so'e hu'za mani'saza kene zamazeri hanaveti ke nezmasmike, zamentinti nagara zaza naneke hu'ne zamasmi'na'e.

Aposol 17:15

Hanki Poli'ene vu'naza vahe'mo'za, avega hu'za Antens ran kumate ome netrazageno, Sailasine Timoti kiznigu nagritega ame huke e'o kema humazamantetege'za, atre'za ete Beria vu'naze.

Aposol 20:38

Kema huno mago'ene onagegahaze hu'nea kegura, tusi zamasunku hu'naze. Nehu'za ventema me'nerega avare'za vu'naze.