Aposol 13:10 - Kamano

¹⁰ anage hu'ne, kagripina havige avu'avamo'ene havizahu zamo'a avite'ne, Sata mofavre mani'nenka, fatgo avu'avamofona ha' arenentane, kagra fatgo osu avu'avara netrenka, Anumzamofo fatgo avu'avara osugahampi?

Anumzamofo Routage Avantafere

¹⁰ anage hu'ne, Kagripina havige avu'avamo'ene havizahu zamo'a avite'ne. Sata mofavre mani'nenka fatgo avu'avamofona ha' arenentane, kagra fatgo osu avu'avara netrenka, Anumzamofo fatgo avu'avara osugahampi?

Aposol 13:10 Referans Kwoze

Joni 8:44

Tamagra Sata mofavre naga mani'naze, ana hunetma nermafa'ma avenesia avu'avaza nehaze. Ese agafare vahe ahe fri'nea ne' mani'neno, tamage nanekemofona amage nonte. Na'ankure tamage kea agripina omne'ne. Kema hifina, havigege nehie, agra avu'ava zanku kea nehie. Na'ankure havige ne' mani'neno, havigemofo nefa'e.

Galesia 1:7

Hanki ru knare musenkea omnene, mago'amo'za tmazeri savri hu'za Jisas Kraisi knare musenkea erisavri hunaku nehaze.

2 Korinti 11:3

Hu'neanagi nagra kore'ma huana, krunage osifavemo Ivi revatga hu'neakna huno tamagrira, reramataga nehinketa fatgo huta, ruotge hu'neta Kraisi amage nevza kana netreta tamagena humizanku nehue.

Matiu 13:38

Hagi hoza, ama mope, knare avimzana, Anumzamofo mofavrermine, havi trazana, Sata mofavreramine.

1 Joni 3:8

Mago'mo'ma kumi avu'ava himo'a, Sata vahe nemanie. Na'ankure Sata'a ese agafare kumi hu'negure. Ama ana agafare Anumzamofo mofavremo, eama huno Sata erizana eri haviza hu'naku mopafi efore hu'ne.

Luku 11:52

Kasegere ugagota hu'naza vahe'motma kva hiho! Na'ankure antahintahizama eri ki nofira erinetretma, tamagra'a anampina unofreta, anampima ufrenaku'ma nehaza vahe'mokizmi kana rehi'za hunezmantaze.

2 Pita 2:15

Zamagra fatgo kana atre'za hza negraze. Beori nemofo Balamu'ma havi avu'ava nehuno, miza erinaku avenesiaza hu'za fatgo osu kante nevaze.

Aposol 20:30

Kagri ka'a nagapinti enena vahe'mo'a otino tamage kea eri ruvahe hu'za rempi hunezmi'za, Jisasima amage' nentaza disaipol nagara zamagrarega zamavrenteku hugahaze.

Matiu 23:13

Hu'neanagi kva hiho, kasegere ugagota hu'naza vahe'ene, Farisi vahe'mota, tamagi'ari hutma tavre vahe mni'naze. Mona kumapima vunaku haza vahera, tamagra kafa erigita ahenkani renezmantaze. Na'ankure tamagra tmia unofretma zmatrage'za ufrenaku'ma haza vahera unofraze.

Matiu 15:19

Na'ankure agu'afinti havi antahintahizane, vahe ahe fri'zane, monko'zane, arave osu'neno monko'za hu'zane, kumzafa sezane, havigegu eri tamage hu'zama, knare vahe'mofo huhaviza hunte'zana ne-e.

Matiu 3:7

Hianagi agrama kege'za hakare'a Farisi vahe'ene, Sadusi vahe'ma mono ti frekure hu'za ageno, Joni'a anage huno zamasmi'ne, tamagra ha' osifavemofo mofavre nagare, aza tmasmino amuma ne-ea Anumzamofo rimpahe zampintira fregahaze.

Joni 1:23

Agra anage hu'ne, Nagra mago Kezanke ka'ma mopafi mani'neno keza netiana Ramofo ka azeri ante fatgo hiho hu'nea Aisaia kasnampa ne'mo korapa hunte'nea mani'noe. (Aisa 40:3)

Luku 11:39

Hianagi Ramo'a anage huno ana nera asamine, tamagrama Farisi vahe'motma kapune, pletinena amega sese nehaze. Hianagi tamagu'afina kumazafa zamo'ene, havi avu'avazamo avitene.

Jenesis 18:19

Nagra maka vahepinti Abrahamuna agi hu'na Mofavre'ane, agehe'ine, avempage huzmasamina fatgo hu'za nemniza knare'zanke nehu'za Ra Anumzamofo kante vnazegu huhampri'noe. Hagi Ra Anumzamo'na huvempa hu'noa ke'mofo avufga'a fore hanigu Abrahamuna huhampri'noe.

Jenesis 3:15

Nagra kagrira kazeri'na a'mofo ha' vahe'a antesugeno, a'mo kagri ha' vahe manigahie. Hanigena Nagra tanagigomokizmi amunopina ha'za antesugeno a'mo ksentesia mofavremo kaseni reproro vazina, kagra agamerumpafi amprigahane.

Efesasi 4:14

Ana agafare tagra osi mofavregna huta omni'nunkeno, hagerimo erikranto kranto hiankna tamentintifina osnie. Na'ankure mago'amo'za ruzahu ke hunerasmi'za, anankea havige hu'za eri tamage kegna ke nerasmize.