2 Timoti 4:7 - Kamano

⁷ Nagra namentinti'a azeri hanavetina mani'nena, knare ha' hu'na nagiama re'na e'noana hago ehnatue.

Anumzamofo Routage Avantafere

⁷ Nagra namentintia azeri hanavetina mani'nena, knare ha' hu'na nagiama re'na e'noana hago ehanatue.

2 Timoti 4:7 Referans Kwoze

1 Timoti 6:12

Kmentintimofo hara knare ha' nehunka, kagima higenka manivava asimu'ma eri'nanana azeri hanavetio, hakare vahe zamufi kagra ko huama hu'nane.

Aposol 20:24

Hu'neanagi navufagura nagesa nontahue, tusi'a zana eri'zani'a erivaga nere'na, Ra Jisasi'ma eri'zama namino vahe'ma zamasmio hu'nea eri'za eri'na Anumzamofo asunku zankura knare nanekea vahera zamasmigahue.

Joni 4:34

Jisasi amanage huno zamagrira zamasmi'ne, Nagri ne'zana aza'o hunantege'na e'nomofo avesite eri'zama'a eri vgare snugu hunantege'na e'noe.

Luku 11:28

Hianagi Jisasi'a kenona huno, ana hu'neanagi Anumzamofo nanekema nentahino amagema nentemo, agatereno musena hugahie.

Revalesen-Hufo Hu'ne 3:8

Nagra kavukvaka'a kagena antahina hu'noe, ko, kavuga kahana anaginte'noankino, mago vahemo'a erionkigahie. Na'ankure kagra osi'a hanaveka'a me'negenka, nanekeni'a amage nentenka, nagi'a eri frara oki'nane.

Revalesen-Hufo Hu'ne 3:10

Na'ankure kagra kazigazi hunka, Nagri kea amage ante'nane. Ana hu'nanku ama mopafi miko vahe'mo'zama rehezampima ufresaza knafina, katresugenka rehezampina kagra uofregahane.

Luku 8:15

Hianagi tima'ane mopafima rurani'nea avimzana, Anumzamofo kea e'i anamo'za antahite'za azeri antrako hu'za, tamage hu'za fatgo zmarimpareti nena raga'a rente'za kazigazi hu'za nevaze.

1 Timoti 6:20

Timotiga, Anumzamo antahi kamino kmi'nea erizantera kvagri fatgo huo, avufa'a omne'nea nanekegu hafra hugante'nazana, kamefi hunezminka havigema hanaza vahera antahi'ozamio.

2 Timoti 1:14

Ruotge Avamu'ma tagu'afi maninemo kza nehanigenka, antahi kamino kami'nea kmentinti'a kegva huo.

1 Timoti 1:18

Magoke tamentinti nehu'a mofavre Timotiga, ama avompi kre negamua nanekegu, kagesa antahio. Ko'ma mago'mofonku Anumzamofo naneke asmigeno, kagriku huama hu'nea kasnampa kefi hankve tinka Rantimofo ha'pina, knare hunka hara huo.

Joni 17:6

Nagra Kagri kagi kagenkeka'a kokankoka vahe'pinti'ma avare nami'nana vahera zamasmi ama hu'noe. Zamagra Kagrika'a vahe, Nagrira nami'nane, hagi zamagra keka'a antahi'za amage' ante'naze.

Proveps-Knare Nomaniza 23:23

Tamage ke'ma mizase'nenunka zgorera otro, ama' antahizanki, huoguma rempima hugamisiazanki, antahi'ama huno refkoma hu'zana erio.

Aposol 13:25

Hu'neanagi Joni'ma huhamprinte'nea eri'zama'a eri vga reteno'a, mago'ene anage hu'ne, Iza'e hutma nagrikura nentahize? Nagra ana nera omni'noe. Hu'neanagi antahiho, mago'mo'a namage ne-e. Nagra knarera osu'noankina agia anontema anaki'nea nofira katu ofegahue huno hu'ne.

Galesia 2:2

E'inama hu'noana na'ankure oku'a fraki'nea nanekea, Anumzamo nagri naveri hu'nea naneke megi'a vahepi huama hu'noa kea ome zmasami'noe. Menima e'nerua erizamo'ene, ko'ma eri'noa eri'zamo'a amnezanknara osinogu kva vahe zamagrike ome zamasami'noe.

Filipai 1:30

Kote'na knazama eri'noana tamagra nage'naze, knafima nemanuana meninena nentahize, ama ana hara tamagrane tragoteta nehune.

2 Timoti 3:10

Timotiga rempi hunezmua kere nevaririne, nagri mani'zane, mago'za hunaku nagesa antahuane, namentinti huane, kfegfa osu'na ako nehena, navesi nezmante'na, knafi nemni'na anazanku osu kazigzi nehua zante nevaririne.

Revalesen-Hufo Hu'ne 6:11

Hagi efeke kukena anamokizmia hunezmanteno, akoheta osia knafina mani fru hunenkeno, mago'a Anumzamofo naga ene neramafugizmia, tamagri'ma tamahe fri'neaza hu'za zamahe fri vgareteno huno hu'ne.