2 Timoti 3:16 - Kamano

¹⁶ Anumzamo huzamasmige'za maka ruotage avontafepi me'nea nanekea kre'nazankino, huzmi'sanana knare azahuzana me'neankino zamazeri fatgo nehuno, kazaki'zana eri fatgo nehuno, huzmeri hanige'za fatgo avu'ava hu'zankuke zamagesa antahigahaze.

Anumzamofo Routage Avantafere

¹⁶ Anumzamo huzamasmige'za maka ruotage avontafepi me'nea nanekea kre'nazankino, rempima huzmi'sanana knare azahuzana me'neankino zamazeri fatgo nehuno, kazaki'zana eri fatgo nehuno, huzmeri hanige'za fatgo avu'ava hu'zankuke zamagesa antahigahaze.

2 Timoti 3:16 Referans Kwoze

Romu 15:4

Na'ankure ko Anumzamofo avontafepima miko kema krente'naza kemo'a, tazeri antefatgo nehuno, tazeri hankavetisigeta knazantifina kazigzi huta nevuta, fore'ma hugahie huno avontafepi krente'nea zankura avega antegahune.

Hibru 4:12

Na'ankure Anumzamofo kemo'a kasefa huno me'neno, eri'za enerino, tarega kaziga asanenea kazimofo asenezama'a agatereno, kantu tagu tamemofone, avamutifine ufreno tagahu rurerure nehuno, kantu tagrunamo hagerafi'nefine, zaferinamofo asinu'afi ufreno tga nehuno, tavutavazane tagutagesamofo avesizana refko nehie.

Maki 12:24

Jisasi'a anage huno zmasami'ne, hantagama hazana, tamagra Anumzamofo avontafepi kre'nea kea antahitma ketma osuta, Anumzamofo hihamu'a onkenetma nehazafigure.

Proveps-Knare Nomaniza 6:23

Na'ankure ama ana kasegemo'a rampe tavikna higeno, amama rempima huneramia kemo'a msa megeno, kazeri fatgohu kavumroma antea kemo'a, manizamofo ka me'ne.

2 Timoti 4:2

knare nanekea huzamasmio, kva hu'nenka kna'arero amne knarero, havi knarera zamazeri fatgo nehunka, hazenke hanazana, hanave kefinti zamazeri fatgo nehunka, kzone kefinti zamazeri fru nehunka, kavesra osunka kazigzi hunka knare naneke huama huo.

Proveps-Knare Nomaniza 15:31

Iza'o so'e nomanizama manisieguma, azeri fatgoma hu kema nehinkeno antahisimo'a, knare antahizane vahe'mozama manisaza amunompi manigahie.

2 Timoti 2:25

Fru huta fru kefinti ke hakare hurmantesamokizmia zamazeri fatgo hiho. E'ina hanageno ana ke ontahisaza vahera Anumzamo zamaza hina, zamagu'a rukrahe nehu'za tamage kea antahi'za keza hugahaze.

Aposol 20:20

Tamagri'ma tamaza hania kea, korera osu'na huama hu'na tamasmugetma antahi'naze. Vahe'pina neramasmi'na, nonte nontera tamasmugetma ko antahi'naze.

Joni 3:20

Aza'o hvizama nehia vahe'mo'a, tvi'mofona zamesra hunente'za, msarera nomaze. Na'ankure haviza nehazazamo eama huzanku nomaze.

Matiu 13:52

Jisasi'a anage huno zmasmi'ne, e'ina hu'negu miko kasegere ugagota hu'naza vahe'mo'za mona kumamofonku e'ina hugahaze hu'za hunezmasamiza vahe'mo'za, nomofo nafa'amo noma'afi ufreno korapa fenozane, ksefa fenozama'a erino atineramia kna nehie.

Aposol 18:25

Agri'ma Ramofo Jisasi kanku rempi humizageno, hampo'natino huzmenerino keaga nehuno, Joni'ma tima frezmante'nea zantfa antahi'neanagi, Jisasi avu'ava'mofo nanekea fatgo huno huzamasmi'ne.

Romu 2:20

Tamagra tamagesama antahizana vahe'mo'zama neginagi avu'avaza nehaza vahe'mokizmi kana zamaveri nehune nehuta, mofavremokizmi Anumzamofo kana rempi hunezamune huta nehaze. Na'ankure Anumzamofo kasegefina, knare antahizane tamage'zana antahi vgare'none huta nentahize.

Galesia 3:8

Avontafepina anage huno krente'ne, Anumzamo'a megi'a vahera zmentinti hanageno zmavregahie huno hu'ne. E'ina hu'negu Anumzamo'a anage huno Abrahamuna knare musenkea asmino, maka mopafi vahe'mo'za kagripinti asomura erigahaze huno hune. (Jen-Agf 12:3)

Hibru 3:7

Hu'negu Ruotge Avamumo huno, Menima Agri ageruma nentahisutma,

1 Korinti 12:7

Hu'neanagi Avamu'mofo eri'zamo'a magoke magoke'mofonte, mikomofo so'eza efore hanigu ko tami'ne.

Aposol 20:27

Na'ankure Anumzamofo miko avesi'zama'a nagra korera osu'na hu'ama hu'na neramasmue.

Proveps-Knare Nomaniza 15:10

Fatgo kamofoma amefi humisimo'a, tusi'a hazenke erigahie. Iza'o azeri fatgohu kemofoma avesrama huntesimo'a, frigahie.

Joni 10:35

E'ina higu Anumzamofo nanekemo'a zamagrite e'nea nagaku huno, anumza tmine hanuno'a, (Anumzamofo avontafepi krente'naza kemo'a fuotgigahie).

Matiu 26:56

Hagi ana maka zama fore hu'neana korapa kasnampa vahe'mo'za, fore hugahie hu'za kre'naza'zamo avufga'a fore hu'ne. Ananknafi amage nentaza disaipol nagamo'za atre'za fre'naze.

Aposol 1:16

Nafuhete, Ruotge Avamumo ko Deviti asmigeno avontafe krente'neana, Judasi zamareno vige'za ha' vahe'mo'za azeri'naze kemo'a avufa'a forehie.

Matiu 21:42

Jisasi'a anage huno zmasmi'ne, Anumzamofo avontafepina tamagra hampritma nonkazo? Nogi vahe'mo'za knare osu'ne hu'za eritre'naza havemo'a, nomofo renagentete asente'nageno azeri hanaveti have menina fore nehie. Ama'i Anumzamo tro hu'neankino, tvurera so'e zantfa fore nehie. (Sam-Zga 118:22-23)

Romu 4:23

Anumzamo Abrahamunku fatgo nere huno hunte'neana, agrake azahu'za erisia zanku huno kreonte'neanki,

Hibru 11:1

Amentintima hu'zana, onke'nona zamofo tamage huno fore hugahie huta amuhama nehuna zane.

Romu 3:2

Anampina rama'a tamaza hu'za me'negeta enerize! Ese zana Anumzamofo oku me'nea ke'a Jiu vaheku antahiramino eri'ama hu'ne.

Aposol 28:25

Zamagra zamagra hugantigma hu'za mago zamarimpa nosu'za, atre'za nevazageno, Poli'a vagare keaga huno, Ruotge Avamu'mo tamagehe'ima keaga huzami'neana, kasnampa ne' Aisaiampi huvazino hufatgo hu'ne.

Maki 12:36

Ruotge Avamumo Daviti azeri otigeno amanage hu'ne, Ramo'a anage huno Ranimofonkura hu'ne, Nazantmaga kaziga trate manige'na, ha' vaheka'a kagafinka azeri fenkamu atraneno hu'ne. (Sam-Zga 110:1)

Matiu 26:54

Hianagi amanahu kante fore'ma hino huno Anumzamofo avontafepima kre'nea kemo'a, inankna huno efore hugahie?

Matiu 22:43

Agra zamagrira anage huno zmasmi'ne, nahigeno Avamumo Devitina asmigeno Ranimoke hu'ne?