2 Timoti 3:11 - Kamano

¹¹ Nazanva ante'za nahe'zanasuza nehu'za, nataza nenami'za neganke'za Antioku kumate'ma hu'nazana, Ikonium kumate ene Listra kumate enema, nazanva hu'za nahe'za nasu'za nehzage'na kna zampina mse'na oti'na nehue. Ana hzanagi ana miko zampintira Ra Anumzamo nahokeheno nazeri natre'ne!

Anumzamofo Routage Avantafere

¹¹ Nazanva ante'za nahe'za nazeri haviza nehu'za, nataza nenami'za neganke'za Antioku kumate'ma hu'nazane, Ikonium kumate ene Listra kumate enema, naheza nazeri haviza nehazage'na kna zampina mase'na oti'na nehue. Ana hazanagi ana miko zampintira Ra Anumzamo nahokeheno nazeri natre'ne!

2 Timoti 3:11 Referans Kwoze

Aposol 13:45

Mika vahe eritru nehzage'za Jiu mono vahe'mo'za nezmage'za kanive reneznantegeno Poli hiankegura mago zamarimpa huoznante'za, ana vahe'mo'za ha' reznante'naze.

2 Pita 2:9

Hankino e'i Anumzamofo fatgo avu'avama nehaza vahema, zamagu'mavazi'nea kankamuna antahineankino, hazenke zampintira zmagu nevazino, havi zmavu'zmavama hanaza vahe'mo'za menintetira knazampi manime vu'za, vahe'ma refkoma huzmante knarera uhnatigahaze.

2 Timoti 4:7

Nagra namentinti'a azeri hanavetina mani'nena, knare ha' hu'na nagiama re'na e'noana hago ehnatue.

Aposol 26:22

Anumzamo'a nagrira naza hiazana keme e'na ama knarera oe. Hagi ama oti'na mika vahera osi'mofonteti vuno ramofonte'ma vu'neana, nagra huama hu'na nezmasmue. Mago'a kea nosuanagi, Mosese'ene, kasnampa vahe'mo'zama hu'za, e'inahu'zana fore hugahie hu'naza'zamo fore nehie.

Aposol 26:17

Nagra Jiu vahe ka'afinti'ene megi'a vahepintira kza hu'na kava hunegante'na, Nagra hugantesugenka zamagrite vunka,

Aposol 23:10

Tusi ke hafra nehazageno, Romu sondia kva ne'mo aru Poli avazu hu'za azeri taganape'zanku sondia vahera huzamanteno, uramitma Polina hanavetitma zamagripintira avaretma sondia vahe kumapi efareho hu'ne.

Aposol 20:19

Jiu vahe'mo'za nazeri havizahu kema retro'ma haza zamo'a tusi'a knazamo nagri navufare ege'na anterami'na zavira nete'na, Ramofo erizana eri'noe.

Aposol 13:14

Pega kumara atreke, zanagra Pisidi Antioku ehanatike, mni fruhu knazupa osi mono nompi (sinagog) marerike umani'na'e.

Aposol 9:16

Na'ankure nama'a kna'zama Nagri nagire'ma eri'sia zana, Nagra averi hugahue.

Jenesis 48:16

Havi zampinti nza hu'nea ankeromo asomura hurnantegahie. Nagri nagimo zanagripi me'nigeno, nenfa Abrahamukizni Aisakine zanagimo ana zanke hugahie. Hanki zamagra tusi'a vahetmi erifore hu'za miko mopafi manigahaze.

Aposol 14:8

Listra kumatera mago agia havizahu ne' ksente'nea ne' mani'ne, ksente'neregatira kana vano nosia nere.

Romu 15:31

Nunamu nehinkeno zmentinti osu Judia vahepintira Anumzamo nagu'nevazina, Jerusale mani'naza vahe'mo'za kema hanuana antahinamiho.

2 Korinti 1:5

Na'ankure Jisasi Kraisi'ma, rama'a ataza eri'neankita, tagranena tata anahukna huta enerunanagi, anahukna huno Kraisi rimpa fruzamo'a tagu'afina avinete.

2 Korinti 1:7

Ana hu'negu hanave antahintahi nehuta amuhama huramunana, tagrama erisuna tatazampintima, tamagra'enenema erisazana, tamagra anazanke huta Anumzamo'ma fruzama tamisifintira erigahaze.

2 Korinti 12:10

E'ina hu'negu, kema nasazano, nazeri haviza hanazo, knaza fore hanio, amuho erisua knafina rama'a muse nehuna, narimpa fru hu'na hanavenia omnea knafina nemanue. Na'ankure Kraisinku hu'na hanaveni'a omanea knafina, hanavenia e'nerue.