2 Timoti 2:16 - Kamano

¹⁶ Hianagi avufa'a omne mopafi zante hantaka hantoko naneke hanafina manigno, na'ankure ana zamo'a zamaza osnige'za havi anumzamofo avu'ava hugahaze.

Anumzamofo Routage Avantafere

¹⁶ Hianagi avufa'a omne mopafi zante hantaka hantoko naneke hanafina manigno, na'ankure ana zamo'a zamaza osanige'za Anumzamofo avu'avara osugahaze.

2 Timoti 2:16 Referans Kwoze

Taitus 3:9

Hu'neanagi, antahi'za omne vahe kna hunka havi kegura fra vazige, korapa zamagehe'za forehu anante anante hu'za e'naza vahe zamagireku ene Juda vahe kase kegura fra ovazio. Na'ankure e'i anazamo'a mago knare'zana erifore osuno, haviza eri fore hugahie.

1 Timoti 6:20

Timotiga, Anumzamo antahi kamino kmi'nea erizantera kvagri fatgo huo, avufa'a omne'nea nanekegu hafra hugante'nazana, kamefi hunezminka havigema hanaza vahera antahi'ozamio.

Taitus 1:14

Jiu vahe'mokizmi kanihe kere'ene, kase ke zamirera, tamagesa antahiozmiho zamagra tamage kea zamefi humi'za novaririze.

2 Timoti 2:14

Maka vahera huzmagesa huge'za ama ana nanekea antahiho. Kazigazi hunka Anumzamofo avufina zamazeri atru nehuge'za, ana nanekegura ke hakare osu'za fra ovaziho. Fra nevazisage'za antahisaza vahe'mokizmia zamazeri havia hugahie.

Revalesen-Hufo Hu'ne 13:3

Nagra koana mago agenopa ko aheneanagi, anama ahe'nea zamo'a teganigeno so'e huntene. Higeno maka mopafi vahe'mo'za antri nehu'za, muse hunte'za, ana afi zgamofo amage ante'naze.

2 Pita 2:18

Ana vahe'mo'za rankege nehu'za, havige ke zamireku zamavufga ra nehu'za, vahera zamazeri oti ke hu'za monko zamavuzmava nehu'za, maka zamagra zamavufarera monko zamavuzmava nehaze. Zamagra monko zamavuzmavamofo zamesizana notre'za, e'inahu zamavuzmava nehu'za zamentintimo hanave oti'nea vahera zamami'mi hu'za zamavazu nehaze.

2 Pita 2:2

Rama'a vahe'mo'za zmagra'a monkozamofo zmavesi'za nevaririsageno, anazanteku tamage kemofona huhaviza hunte'gahaze.

Hibru 12:15

Anumzamofo asunkuzampintima evuramizankura ogava agava hiho. Atrenkeno tamarimpa hezamo'a, tamagu'afina akara heno hazenkezana avreno omena, anazantetira miko vahe'mo'za havizana osiho.

Taitus 1:11

Zamasminke'za zamagira hamunki'za maniho, na'ankure zamagra maka famo, tramena havi kefinti huzmasmi'za tamage kefintira, zamazeri havi kampi nezmatraze. Zamagra zgo erinaku ana nehaze.

2 Timoti 3:13

Hianagi havi vahe'mo'zane krunage nehza vahemo'zanena, haviza nehaza zampintira agtere'za tusi'a havizampi ufregahaze. Vahe'ma rezmatga nehza'zantera, ana zanke hu'za zamagri'enena rezmatga hugahaze.

1 Timoti 4:7

Hu'neanagi kagra maninka tvava'nemofo knihe kerera fra ovazio, hagi kagra knaka'ane, hanaveka'a Anumzamofo avu'avapi kzeri hanavetio.

1 Korinti 15:33

Hanki negi vahera omniho. Havi zamavuzmava nehaza vahe'mo'zane utagroteta mnisazana tmazeri havige vahe asegahaze.

1 Korinti 5:6

Tamagra tamagi erisaga nehzageno knarera nosie. Sikonima herazafima, osi'a zistima antageno ana mika'zama azeri zonereana tamagra ontahi'nazafi?

Revalesen-Hufo Hu'ne 13:14

Ana nehuno mopafima mni'naza vahera rezmataga hu'ne, na'ankure nampa 1ni afi zgamofo avufina, ruzahu ruzahu avame'za nehuno, nampa 1ni afi zgama koma kazinknonu ahazageno friteno asimuma erinea afi zgamofo amema'a tro hiho huno zmasami'ne.

1 Timoti 1:9

Hagi tagranena antahi'none kasegema tmi'neana fatgozama nehaza vahe'mokizmigure huno ozami'ne, Hagi kasegema ovariri'za ha'nentake nehu'za, Anumzamofo avu'ava nosu'za kumi' nehaza vahe'ene mani otage osu'za, otage huno mani'zanku huhavi'za nehu'za, nezmafano nezamrerano zamahe nefri'za, vahe zamahe nefri'za,

2 Timoti 2:21

Hu'negu, mago'mo ana kefo zampinti agu'a sese hanimo'a, ra agi ami' tintafe kna hugahie. Zamazeri otage hanige'za, ozafa zamimofo eri'zampina knare hu'za eriga nehu'za, maka knare eri'zama erisagu zamu ante'za manigahaze.