2 Timoti 1:1 - Kamano

¹ Nagra Poli'na, Krais Jisasi aposol ne'mo'na Anumzamo Agra avesite huhamprinanteno knare mni'zana Krais Jisasimpi huhampri'ne.

Anumzamofo Routage Avantafere

¹ Hagi nagra Poli'na, Krais Jisasi aposol ne'mo'na Anumzamo Agra avesite huhamprinanteno knare mani'zana Krais Jisasimpi huhampri'ne.

2 Timoti 1:1 Referans Kwoze

Hibru 9:15

E'i ana agafare Kraisi'a vahe'mokizmine Anumzamofo amu'no nera kasefa hagerafi huvempa kea mani'ne. Ana hu'negu huhamprima zmantene'mo'za vahe'mo'za Anumzamo manivava maniza erisinti haregahaze hu'neazana erigahaze. Na'ankure Kraisi'a frino, kotema hagerafi kefi manine'za kumima hu'nazana kumizmia mizasezmanteno katufe zmante'ne.

Joni 17:3

Ama'i manivava mani'zane hu'za, zamagra kage'za antahi'za nehu'za, magoketfa tamage Anumzane nehu'za, Jisas Kraisi huntankeno e'ne hugahaze.

2 Korinti 1:1

Ama avona Poli'na Anumzamo, Kraisi Jisasi aposol eri'za vahe manio huno huhamprinante ne'mo'nane, Timoti nerafu'ene kreneramu'e. Ama ana avona, Korinti mono nagate'ene ana miko Akai (Greece) kaziga Anumzamofo mono naga'ma mni'narega kreneramu'e.

Joni 10:28

Nagra, mani'vava zamasimura nezmue. Hagi zamagra fanene osugahaze. Mago ne'mo'a nazampintira ohanaregahie.

Taitus 1:2

manivava asimu fore hanigu tamentinti nehuta avega antesune. Havige osu Anumzamo ama mopa fore osu'negeno, korapa huvempa hunte'neane.

Efesasi 3:6

Ama'i oku'a antahintahigino, megi'a vahe'mo'za (Gentiles) Jiu vahe'ene mago'zanke hu'za marerisa knare'zana, Anumzamofo mofavre ramine erigahaze. Ana tare kevumo'za knare muse nanekere zamentinti nehu'za, magoke avufa nemani'za, huhampri zamante'nea asomura Krais Jisasimpinti muse huza erigahaze.

Joni 6:40

Na'ankure Nenfa avesi'zana amanahu hu'ne, maka'mo'za Nemofo nege'za Agrite zamentinti huntesamo'za manivava zamasimu erisage'na, vgamaresia knarera Nagrani'a azeri otigahue.

1 Joni 2:25

Agra'ama huvempa kema hurante'neana, mani'vava asimu erigahaze huno hurante'ne.

1 Timoti 6:19

E'inama hanu'za, zamagra henka'a esnia knafima erisnaza zamofo agafa'a knare hu'za eri atru nehu'za, ana hu'za azerisaza zanteti tamage mani'zana erigahaze.

2 Korinti 1:20

Anumzamo'ma mika huvempa kema huntea kemo'a, Jisasimpi avufga'a efore hu'ne. E'i ana hu'negu, Jisasi agima husga huta tmage huta hu'nazamo, Anumzamofona ra agi nemie.

1 Korinti 1:1

Poli'na nagra, Anumzamo Agra'a avesite Kraisi Jisasi aposol eri'za vahere hu'nemo'na nerafu Sostenesi'ene.

Romu 6:23

Na'ankure kumimofo mizana fri'zane. Hu'neanagi Anumzamofo muse'zana, Kraisi Jisasi Rantimofompi mago'za hunterompge, amne manivava asimura tamine.

Romu 5:21

Ana hukna huno kumimo miko vahera kegva hu'neno fri'zana avrezamigeno, menina Anumzamofo knare asunku'zamo fatgo avu'avazana eritamisigeno, Jisas Kraisi Rantimofompinti manivava asimura erigahune.

Romu 1:1

Nagra Poli'na, Kraisi Jisasi kazokzo eri'za ne'mo'na, Anumzamo aposol eri'za erio huno huhampri'nanteno, knare musenke'a huama hanugu nazeri ruotge hunantene.

Joni 6:54

Mago'mo, Nagri navufa neneno, Nagri kora nesimo'a manivava asimu erisanige'na, Nagra vgare knazupa azeri otigahue.

Joni 5:24

Nagra tamage hu'na neramasmue, aza'o Nagri nanekema nentahino hunantege'na e'nomofonte amentinti hanimo'a, manivava asimu enerino, vahe'ma refko hania knafina, fri'zana agtereno asimu erino manigahie.

Galesia 3:26

Na'ankure tamagra maka'mota Jisas Kraisinte'ma tamentintima nehuta, Anumzamofo mofavre mani'naze.

Galesia 3:28

Hanki Jiu vahero Griki vahera omnita, kazokzo vahe'ene amne vahera omnita, veo aro omni'naze. Na'ankure tamagra maka'mota Kraisi Jisasimpina magoke mani'naze.

2 Timoti 1:9

Kefo zantifinti tza huno tvareno ruotge kezampinti tagihu'ne. Mago knare eriza eri'nona zanteku anara osu'ne, hagi Agra agafa'a me'negu huno asunku'zanteti Krais Jisasimpi ofenka'ati tza hu'neazamo mevava nehie.

2 Timoti 1:10

Hianagi menia tzahu ne' Krais Jisasimpi eriama nehuno, fri'zana eri netreno, tasimu neramino ofri manivava mani'zana knare musenkeafi (gospol) eriama nehie.

2 Timoti 1:13

Nagripinti knare nanekema azerinana kea azeri hanavetio, kmentinti hu'zampino, avesi'zana, e'i Krais Jisasimpi me'ne.

2 Timoti 2:1

Timotiga navesinegantoa ne'nimoka, Krais Jisasimpi hagerfino asunkuma hunegantegu hunka hanavetinka manio.

2 Timoti 2:3

Kagra nagrama enerua kna kataza enerinka, Krais Jisasina knare sondia vahe'agna huo.

2 Timoti 2:10

Na'ankure ana agafare maka vahe'mo'za knare hanazegu kna zampina mase'na oti'na nehue. Ana hanuge'za hamprima zamante'nea nagamo'za Krais Jisasi'a zamaresige'za manivava konariri msa'a (glori) erigahaze.

2 Timoti 3:15

Osi'moka otage avon tafepima me'nea nanekea antahime enka e'nane, e'i ana nanekemo knare kagukagesa negamina kmentinti nehunka, Krais Jisasipinti kahokeno kagu'vazizana erigahane.

Taitus 1:4

Taitusiga tamage mofavre'nimoka, mago'ke tamentinti nehu'a ne'mokarega ama avona kre negamue, Arimpa fruzane, asunku'zanena, Anumza Nerfantegati ene, Kraisi Jisasi tazahuno taguvazi ne'mo'a asunkuzama'aretira karimpa frua kamigahie.