2 Pita 3:17 - Kamano

¹⁷ Hagi ronenimote, e'inahuzana fore hugahie huna ko tamasami'noe! E'ina hanigeta havi vahe'mofo zamavuzmava'zamo tamavareno havi kante vuzankura kva hu'netma, traka huzankura oti hanavetiho.

Anumzamofo Routage Avantafere

¹⁷ Hagi ronenimote, e'inahu'zana fore hugahie hu'na ko tamasami'noe! E'ina hanigeta havi vahe'mofo zamavu'zmava'zamo tamavareno havi kante vuzankura kva hu'netma, traka hu'zankura oti hanavetiho.

2 Pita 3:17 Referans Kwoze

Hibru 3:14

Na'ankure ese'ma Agritema ne-eta, tamentintima hu'nonazama azeri hankavetisuta, Kraisi'ene tragoteta vgaretera uhanatigahune.

Kolosi 2:8

Kva hunetma zamatrenke'za agafa'a omane antahintahi zantetira tamazeri neginagi osiho. Keaga zamimo'a knare'za hugahianagi, zamagra ama mopafi avamumofo hanavefinti e'neaza rempi huneramizanki, Kraisintegati enea'zana rempi hunoramize.

Efesasi 4:14

Ana agafare tagra osi mofavregna huta omni'nunkeno, hagerimo erikranto kranto hiankna tamentintifina osnie. Na'ankure mago'amo'za ruzahu ke hunerasmi'za, anankea havige hu'za eri tamage kegna ke nerasmize.

1 Korinti 15:58

E'ina hu'negu tusiza hu'na navesi nermantoa nenfugata nensarogta, oti hanavetita kaza osu maniho. Hakare zupa Ramofo eri'zama eri'zankuke nentahita mniho. Hagi antahio, Ramofo eri'zama tamamu'nama nehagegetma e'neriza zamo'a amnezanknara osugahie.

1 Korinti 10:12

Kagrama oti hanaveti'noe hunka nentahisunka, traka hu'zanku kva huo!

Matiu 7:15

Kva hiho havige kasnampa vahekura, sipisipimofo avufa erihankre'za egahzanagi, zamagu'afinka afi kra egahaze.

Romu 16:18

Na'ankure e'i ana vahe'mo'za Rantimofo Kraisi eri'zana e'norizanki, zamagra'a knare zankuke nentahize. Haga huno masave ke zmireti, fatgo zmavu'zmavama nehza nagara zamarevatga nehaze.

Proveps-Knare Nomaniza 1:17

Nmamo negesigenka krifu anaginte'sanana, ana namamo'a krifufina ohenigeno, krifumo'a amnezankna hugahie.

2 Timoti 4:15

Kagra ana ne'kura kvagrio, na'ankure agra hanavetino huama nehuna kerera hara renerante.

2 Korinti 11:3

Hu'neanagi nagra kore'ma huana, krunage osifavemo Ivi revatga hu'neakna huno tamagrira, reramataga nehinketa fatgo huta, ruotge hu'neta Kraisi amage nevza kana netreta tamagena humizanku nehue.

Matiu 16:6

Kvahiho Farisi vahe'ene Sadusi vahe'mokizmi yistigura huno Jisasi'a zmasmi'ne.

Aposol 2:42

Ana vahe'mo'za aposol nagamokizmi naneke antahiza atru hu'za monora rempi hu'za nentahiza, magopi breti kori'za nene'za (Lords sapa) nunamuna hu'naze.

Matiu 16:11

Inankna huta keta antahita nosaze, Nagra bretigura nosue? Hianagi Farisi vahe'ene Sadusi vahe'mokizmi zistigura kva hiho.

Revalesen-Hufo Hu'ne 2:5

E'ina hu'negu kagrama trakama hunante kagesa nentahinka, ese'ma kagu'a rukrehe nehunka hunana kavukva hunka, kagu'a rukrehe huo. Anama osananke'na, e'na tavika'ama me'neretira emeri atregahue.

1 Pita 5:9

Hu'neanagi, tamentinti azeri hankavetineta, Satana retufe atreho. Antahi'naze, Anumzamofo amage nentaza vahe'ma, mika kaziga tmafuhe'zane tmasaro'zane magozahu knazane, zamata zana e'nerize.

Kolosi 2:5

Na'ankure ama navufgarera tamagri'enena omani'noanagi, avamupina tamagrane mani'noankina tamagrama mani fatgo nehutma Kraisinte'ma hankave tamentinti nehazazama kenugura muse nehue.

Filipai 3:2

Kragna vahekura kva hiho, havi mono eri'za vahekura kva hiho, havige hu'za zamufa tga nehaza vahe'kura kva hiho,

Joni 16:4

Hianagi ama zanku Nagra nermasmuankino, ana zgegna (aua) efore'ma hina, Nagrama tmasmi'noa kegu tamagra antahigahaze. Ese agafare Nagra ontmasmi'noe, na'ankure Nagra tamagra ne mani'nogu ontmasmi'noe.

Galesia 5:4

Tamagra Anumzamofo avurera kasegefintira fatgo vahera manigahune hutma nehaze. Kraisimpintira ko huramatre'neankita, tamagra Anumzamofo asunku'zampintira evurami'naze.

2 Pita 2:7

Hanki kefo monko avu'avaza nehu'za, zamagra fatgo osu zamavuzmava nehazageno rimpagna hunezmantea fatgo nera Lotina, Anumzamo'a agu'vazine.

2 Pita 3:1

Navesi neramantoa rone'nimota, ama'i anante avo kreneramuankita tamage antahizana eneritma, tamagera okanisazegu tamazeri hanaveti ke neramasamue.