2 Korinti 8:23 - Kamano

²³ Hanki Taitusi'a tmaza hu'naku nagrane eriza e'neria nere. Hagi agrane tare vna'a nerafukiznia mono nagapinti huznente'naze. Kraisi agi erisaga nehza vahe nevaze.

Anumzamofo Routage Avantafere

²³ Hanki Taitusi'a tamaza hu'naku nagrane eri'za e'neria nere. Hagi agrane tare vana'a nerafukiznia mono nagapinti huzanente'naze. Kraisi agi erisaga nehaza vahe nevaze.

2 Korinti 8:23 Referans Kwoze

Filipai 2:25

Hianagi nagra antahuana tamagritega Epafroditusi'a vugahie. Nagri nenfu magoke eri'za enerita, tragoteta ha' nehu'a ne' (sondia), agra tamagri naneke erino eme nasmisnia ne'kino, upama nehuazana naza nehia nere.

Falimoni 1:17

Hagi nagranema tragoteta eri'zama e'neru'a zanku'ma nentahisunka, nagri'ma nenavranaza hunka Onisimusina avro.

2 Korinti 8:6

E'i ana hu'negu zgo eritruhu eri'za tagripima erigafa hu'nemo, Taitusi'a tamagrane umani'neno tamazahina, ana erizana eri vgaregahaze.

3 Joni 1:8

Ana hu'negu, tagra e'inahu vahera zamaza hugahune, ana'ma hanuta tamage kemofo eri'zana magoka tragoteta erigahune.

Falimoni 1:24

Anahukna hu'za magoka eri'za eneruna nagamo'zanena, Makima Aristakusima, Demasima, Luku'ma, musenkea atregantaze.

1 Tesalonaika 2:2

Tagri'ma Filipai kumate'ma tazeri haviza nehu'za, nerahe'za hu'nazazana, tamagra antahi'naze. Hianagi Anumzamo'ma tazeri hanavetigeta, Agri knare musenkea huama huta tamagri'enena neramasamunkeno, maka vahe'mo'za ha'rerante'naze. (Apo 16:19-24, 17:1-9)

Kolosi 1:7

Tamagra ko Epafras tagrane magoka kazokzo eriza eneruna nerafu rempi huramimigeta antahi'naze. Tamagriku huno tagrira tazahanigu Kraisi eriza enerino,

Filipai 4:3

Nagra kantahinegoe, magoka eri'za e'nerumoka, ama a'trena zanaza huo, znagra hanavetine nagrane megi'a vahera knare musenkea zamasmi'none. Ana nehuke znagra Klemeni ene mago'a eri'za vahe'enena, zamagia asimu eri avontafepi krente'ne.

2 Korinti 12:18

Nagrama, Taitusine mago nerafunema tutu hu'na huznantogene tamagritega vuna'ana Taitusi'a reramatga huno mago'a azahu zana erinefi? I'o tamagra antahi'naze, Taitusi'ene nagranena magoke avamuteti magozahu huta eriza e'neru'e.

2 Korinti 8:19

Ana nera mono vahe'moza Jerusalema zgoma omezminaku'ma hanunana, tagrane vugahie hu'za huhamprintenea ne'mo, tagranena vugahie. Anumzamofo ra agi aminaku anara nehuta, tamage huta zamaza hu'zana eriama hugahune.

2 Korinti 8:16

Tamagriku kazigazi hu'na antahi neramuankna antahintahi, Taitus ami'nea Anumzamofo muse hunentoe.

2 Korinti 7:6

Hu'neanagi knazamo zamazeri haviza nehia vahe'mokizmi zamazeri hankavenetia Anumzamo tazeri hankavetineana, e'i Taitusi'ma e'nea zamo'e.

Luku 5:10

E'i anazanke huke Zebedi ne'mofo Jemisike, Jonikea znagogogu hu'na'e, Saimoni ene tragote'za erizana e'nerizane. Higeno Jisasi'a Saimoninku anage huno asami'ne, Korera osuo, amaretima agafa hunka vnanana, vahera zamavregahane.

Luku 5:7

Anama hige'za, zamagra mago onensa ventefima maninaza knampa zamirega eme zamaza hihogu kezanke hugantu atrage'za zamagra e'za tarega onensa venterarena emeri avitageno, anantarega ventemokea tirami'za hu'na'e.

Joni 13:16

Tamage hu'na Nagra nermasmue, kazokzo eri'za vahe'mo'a kva'amofona agateoregahie. Kema erino vnimo'a, katogema huntegeno vu'nemofona agateore'ne.

1 Korinti 11:7

Na'ankure mago ne'mo'a asenirera refi'oteno, agra Anumzamofo amema'ane ragi ami vahe mani'ne, hu'neanagi a'mo'a ve'mofo ragi vahe mani'ne.

2 Korinti 8:18

Mago nerafu, Jisasi knare muse ke huama nehige'za maka mono vahe'mo'za agenke'a antahinaza nera, tagra huntonkeno Taitusi ene vu'na'e.

2 Korinti 8:22

Ete mago nerafuna hakare zupa reheta konana, mikazampina fatgo huno nemnino, Korinti vahe'motagu antahineramino tmaza hunaku nehia nera, Taitusi zane vugahaze.

2 Timoti 4:10

Na'ankure Demasi'a, ama mopafi zanku avenesigeno, nagrira natreno Tesalonaika kumate vu'ne. Kreseni'a Galesia kumate vigeno, Taitusi'a Dalmatia kumatega vu'ne.

Taitus 1:4

Taitusiga tamage mofavre'nimoka, mago'ke tamentinti nehu'a ne'mokarega ama avona kre negamue, Arimpa fruzane, asunku'zanena, Anumza Nerfantegati ene, Kraisi Jisasi tazahuno taguvazi ne'mo'a asunkuzama'aretira karimpa frua kamigahie.