2 Korinti 8:10 - Kamano

¹⁰ Zago eritruhu erizamofonku nagrani'a antahiantahi hu'ama huzahue. Koma evia kafure zgo eritru huno ami eri'zana tamagra'a erigafa huneta, ana erizankukera osunazanki, tamagu'areti ene huta ami'naze.

Anumzamofo Routage Avantafere

¹⁰ Zago eritruhu erizamofonku nagrani'a antahintahi hu'ama huzahue. Koma evia kafure zago eritru huno ami eri'zana tamagra'a erigafa huneta, ana erizankukera osunazanki, tamagu'areti ene huta ami'naze.

2 Korinti 8:10 Referans Kwoze

Hibru 13:16

Hagi knare tamavu'tamavama nehuta, atupama hanaza vahe'ma zamaza huzankura tamagera okaniho. Na'ankure e'inahukna avu'avapima tagra'ama amivgareta amizankura, Anumzamo'a muse nehie.

2 Korinti 9:2

Na'ankure nagra antahi'noe, tamagu'amo otigeta zamaza hunaku retro'ma hu'nazana, Masedonia mono vahe, musezampinti zamasamina amanage huno'e, ko'ma evia kafufina Griki kaziga Akaia kumate nemniza vahe'mo'za, Juda vahe zamaza hu'naku ko retro hu'naze hu'na tamagriku zamasmi'noge'za, nentahiza zmagu'amo otige'za hakare vahe'mo'za anahukna huta zamigahune hu'naze.

1 Korinti 7:40

Hu'neanagi nagrama antahuana, ana a'moma vema e'o'ri'ma amanema manisiana, rama'a muse hugahie. Nagrama antahuana Anumzamofo Avamumo nasamianke nermasamue hu'na nehue.

1 Korinti 7:25

Arave osu vaheku'ma nantahige'naza zankura Anumzantegatira mago kasegea e'ori'noe. Hu'neanagi nagra Ramo'a asunku zama'areti huvempa hunantege'na mani'nomo'na, nagrani'a antahi'za hu'ama nehue.

Proveps-Knare Nomaniza 19:17

Iza'o amunte omane vahe'ma knare avu'avama hunentemo'a, Ra Anumzamofo anara hunente. Hagi agrama hania avu'avamofo avamente, mizana amigahie.

Filipai 4:17

Ama kema nehuana mago museza namihogu meme huna tamantahinogoe, hagi veva'ma hu'nare, Anumzamoma henka mizama tamamisigu nehue.

2 Korinti 8:8

Nagra ama kema nehuana, amiho hu'na huhankvetina hunormantoe. Hianagi rumo'za kazigazi hu'za nezamizankna huta zmavesinezmenteta, zamigahazafi hu'na reramahena kenaku nehue.

1 Korinti 16:2

Hakare Sontamofona ese knare, tamagra mago mago'mota zgo'ma erisafintira, erisnaza avamente refko hutma eri atru hu'nenke'na, nagra esua knafi eri tru huzankura osaneno.

2 Korinti 12:1

Navufgama erisaga huzampintira mago'zana e'noruanagi, Ramo oku'ame'nea zane avanagnaza naveri hu'neazanku navufga erisagahu kea hugahue.

Joni 11:50

Na'a hanigeno maka kumatine, mopatia eri havizana hugahie? Atrenkeno magoke'mo miko vahekura frisnie.

Matiu 10:42

Hagi azago zasi tintafama taginka namage'ma nentaza nagapinti mago agima omane'nesi mofoma amisamoka tamagerafa hunka mizanka'a erigahane.

1 Korinti 10:23

Tagra mika'zana amne hugahunanagi, ana mika'zamo'a taza osugahie. Tagra mika'zana amne hugahaze huta hugahunanagi, ana mika'zamo'a, tazeri hanave otigahie.

1 Korinti 6:12

Miko'zana knare hu'neanki'na amne hugahue hunka hugahanagi, anampintira ana miko'zamo'a kaza osugahie. Ana hugahianagi, mago'zantere hu'na kazokzo huontesue.

Joni 18:14

Korapara Kaiafasi Jiu kva vahera antahintahizamino, hakare vahe'mokizmi nona huno magoke ne'mo frigahie huno hu'neane.

Joni 16:7

Hianagi Nagra tamage neramasmue, tamagrima eme tamaza hanigu vugahue, na'ankure Nagrama tmatre'na ovanugeno'a, tmaza hu'zana tmagritera omegahie. Hianagi Nagrama vanuna, huntanena, Agra tamagritega egahie.

2 Korinti 8:6

E'i ana hu'negu zgo eritruhu eri'za tagripima erigafa hu'nemo, Taitusi'a tamagrane umani'neno tamazahina, ana erizana eri vgaregahaze.