2 Korinti 7:4 - Kamano

⁴ Nagra tamagrira razampi antahinerami'na, tamagrikura tusi muse nehugeno, nagu'amo'a fru nehigeno, tamagrama hazazamo'a nagrira naza higena, mika knazanifina tusi muse nehue.

Anumzamofo Routage Avantafere

⁴ Nagra tamagrira razampi antahinerami'na, tamagrikura tusi muse nehugeno, nagu'amo'a fru nehigeno, tamagrama hazazamo'a nagrira naza hige'na, mika knazanifina tusi muse nehue.

2 Korinti 7:4 Referans Kwoze

2 Korinti 1:4

Mika knazantifina Agra tazeri fru nehie. E'inahu hu'negu Anumzamo'ma tagri'ma hu'neakna huta rumokizmia knafima mni'nesageta zmazeri fru hanune.

2 Korinti 3:12

E'ina hu'negu tagra fore'ma hanigu amuha nehuta, kea hankavetita nehune.

Jemisi 1:2

Nenafugta knazampima ufresutma, muse zane hutma tamagesa antahiho.

Kolosi 1:24

Tamagriku'ma hu'na natama e'neruazankura nagra muse nehue. Na'ankure Kraisi'ma atama erimete'nea zamo'a ama navufarera natazana erivinetoanki, mono kevumotma, Kraisi avufga mani'naze.

Filipai 2:17

Hianagi ana zanke hu'zama waini ofagna hu'zama korani'a tagi netre'za, kre sramna neviaza hanaza zamo'a tamentintia tamaza nehina, nagra nagu'areti musena neha'nena, tamagrane muse hugahaze.

1 Korinti 1:4

Tamagrikura Anumzamofontega musenke huvava nehue, na'ankure Anumzamo'a asunkuzana, Kraisi Jisasimpi tami'ne.

1 Tesalonaika 2:19

Ranti Jisasi Kraisi'ma esia knazupa, na'amo tazeri amuhama humisunazantia mesigeno, nazamo musema hanunazana mesigeno, tazeri antesgahu kini fetoritia Rantimofo avurera megahie? Tamagra ana musezantia mani'naze.

1 Tesalonaika 2:2

Tagri'ma Filipai kumate'ma tazeri haviza nehu'za, nerahe'za hu'nazazana, tamagra antahi'naze. Hianagi Anumzamo'ma tazeri hanavetigeta, Agri knare musenkea huama huta tamagri'enena neramasamunkeno, maka vahe'mo'za ha'rerante'naze. (Apo 16:19-24, 17:1-9)

Filipai 1:20

Nagra mani'ne'na antahuampi, namema eritena antahuana, mago'zama nagazema erinami'zana osutfa hugahue. Hagi mika zupa nagra Kraisinte hanaveti'na manigahue, korapa'ma mani'noaza hu'na manisnuo, frisnua zamo'a, Kraisi ragi amigahie.

2 Korinti 11:21

Nasunku huanki tagrira hanavetia omaneneankita e'ima hazazana osugahune! Hianagi mago vahe'mo'ma agra'a avufgama erisaga hinkena, nagranena anazanke hu'na navufga erisaga hugahue.

2 Korinti 8:24

E'ina hu'negu zamesi'nezmanteta zmazeri so'e nehinke'za, Anumzamofo nagamo'za nege'za, Poli'ma Korinti vahe'mokizmi zamavu'zmavaku'ma nehiana tamage hu'ne hu'za hugahaze.

2 Korinti 2:14

Na'ankure Anumzamofo avurera tagra Kraisina mana nentake zankna huta mani'neta, zamagumavazi'nea vahete ene fnanene hanaza vahetera knare mna viankna nehuta susu hunentone.

2 Korinti 1:14

Meninena tagrira antahirami so'e osugahazanagi, Rantimo Jisasi Kraisi esia zupa, tamagra musena tagrikura nehanageta, tagranena anazanke huta tmagrikura musena hugahune.

Romu 5:3

Tagrama knafima ufresuta muse hanune. Na'ankure tagra antahi'none, e'i ana knazampina knare hu'neankino taza hanigeta oti hanavetineta ana knazama enerita kazigazi huta vugahune.

Aposol 5:41

Hige'za aposol nagamo'za ana kanisol naga zamureti'ma zamatre'za nevu'za, Anumzamofo avure mani'neta Jisasi agire'ma eriga knaza erune, nehu'za muse hume vu'naze.

2 Korinti 7:14

Tamagriku'ma musema nehua zankura, ko agrira asami'noe. Hagi tamagra nazeri nageze osu'naze, nagra tamagege'za tamasmi'noe. Hu'negu tamagriku'ma muse nehune huta Taitusima nesamuna zamo'a, tamage'za efore hugahie.

2 Korinti 10:8

Na'ankure Ramo'ma kva vahe manigahaze huno tazeri otigeta mni'neta tavufga rama nehunana, tamagri tamazeri so'e hunaku anara nehunanki, tamazeri haviza hunakura anara nosunankita, tagra tagazegura osugahune.

Filipai 1:14

Kinama hu'noa agafare maka nenfu'zane nasarhe'zane zamagu'areti Rantimofona antahi nemi'za, korora osu'za hanaveti'za Anumzamofo nanekea zamagiteti huama nehaze.

Filipai 1:26

Nagri'ma Kraisi Jisasi'ma hunante'nea zankura nagrama ete'na tamagrane umani'nenketa, musena hugahaze.

2 Tesalonaika 1:4

E'ina hu'negu, tamentinti nehutma, maka tamazeri havizama nehazafine, knazama tamizafima kazikazi hutmaneaza zankura, Anumzamofo mono nagamofo amu'nompina tamagri tamagenkema nezamasamita, tamagrikura akaginerone.

Falimoni 1:7

Hu'negu rama'a muse nehu'na hanave enerue, na'ankure kagra nerfuga mono nagamokizmi zamagu'a zamazeri hanavenetinkena muse nehu'na fruhu'na nemanue.