2 Korinti 7:1 - Kamano

¹ Na'ankure tagrira Anumzamo huvempa hurante'negu, navesima neramantoa ronenimota, tagra'a tazeri avusese hanune. Ama tavufgafine avamupima miko kefozamo'ma tazeri haviza hania zampintira, mani ruotage nehuta Anumzamofo koro huntesune.

Anumzamofo Routage Avantafere

¹ Na'ankure tagrira Anumzamo'a huvempa hurante'negu, navesima neramantoa ronenimota, tagra'a tazeri avusese hanune. Ama tavufgafine avamupima miko kefozamo'ma tazeri haviza hania zampintira, mani ruotage nehuta Anumzamofo koro huntesune.

2 Korinti 7:1 Referans Kwoze

1 Tesalonaika 4:7

Na'ankure Anumzamo'ma tagrima tagima hu'nea agafa'a, agru osu avu'avaza avaririhogu tagi osu'neanki, mani ruotge hanunegu tagi hu'ne.

1 Pita 2:11

Navesima neramantoa nenafugta, tamagra zoka vahe mopazmi omne vahekna hutma ama mopafina mni'naze. E'ina hu'negu, tamavufamofo havi avesizamo'ma ha'ma reneramantea zampina uofreho hu'na nagra huneramasamue.

Proveps-Knare Nomaniza 8:13

Ra Anumzamofonku koroma huntezana kefo avu'avama huzankura kagotegahie. Agra'a agima erisga nehuno, avufga ra nehuno, havi avu'ava nehuno, akrahe akrehe ageru'ma aru'zana navesra hunentoe.

Jemisi 4:8

Anumzante erava'o hinkeno, Agranena tamagaritera erava'o hino. Kumi vahe'motma tamazana sese nehutma, tare tagufa antahintahine vahera tamagu'a eri avusese hiho.

1 Joni 3:3

Ana hu'neankino maka vahe'mo'za zamavuma keteza mani'ne'za zamentintima nehaza vahe'mo'za, zamagrazmi zamazeri agru nehu'za, Jisasi'ma mani'neaza hu'za nemanize.

1 Tesalonaika 5:23

Hagi rimpa fru Anumzamo'a, Agra maka sese huramanteno tamazeri ruotage nehuno, avamutamine, tamagu tamene, tamavufanena kegva huramantena, Ranti Jisasi Kraisi'ma esianknarera kema hurantezana omanetfa hugahie.

1 Pita 1:22

Tamagrama tamage kerema amagema antetma nevazazamo, tamazeri agru tamagu tamena higetma, neramafuma ovesinte avesinte tamagu'areti nehutma, tamaguareti hutma mago magomota ovesinte avesintea nehaze.

1 Korinti 6:20

Na'ankure tmagrira Anumzamo'a ko tusi'a mizanteti miza sermante'ne. E'ina hu'negu tamavufgareti Anumzamofo Agi'a erisaga hugahaze.

1 Joni 1:7

Hu'neanagi tagrama msare'ma vano huta, Agrama msare mani'nea kna'ma nehuta, tagra trogoteta manisunkeno'a, Anumzamofo Nemofo Jisasi koramo mika kefozanti sese hunerante.

Hibru 4:1

E'ina hu'negu manifruhu kumapi ufregahaze huno huvempama hu'nea knama menesire, mago'tamimo'ma ana manifru hu kumapima uofre'zankura, kore nehutma kva hiho.

Proveps-Knare Nomaniza 16:6

Tamage huta Ra Anumzamofo avesinteta mani fatgo huta manisunkeno'a, Ra Anumzamo'a kumitia eritregahie. Ra Anumzamofonku'ma kore hunteta Agri agorga manisunazamo, kefo zampintira tazeri amane hugahie.

Matiu 5:48

E'ina hu'negu tamagra monafi neramafama fatgo huno agru hu'nea kna hutma fatgo hutma agru hiho huno zamasmi'ne.

Matiu 5:8

Zamagu'amoma agru hu'nesamoza, Asomu erigahaze. Na'ankure zamagra Anumzana kegahaze.

1 Joni 1:9

Hianagi tagrama kumitima huama hanunkeno'a, Agra tamage huno fatgo hu'neankino, kumitia atreranteno maka fatgo osu avu'avapintira sese hurantegahie.

Efesasi 2:3

Zamagri amu'nompina korapara tagranena anazanke huta maka havi tvesi'zante amage ante'none, tagu'afine amega tavufafine tave'manesiaza hutere nehuta, tagra ana kefozampi fore huta amage' nentonkeno, Anumzamofo asi vazi'zamo tagrite ene maka vahete ene e'ne.

Romu 5:20

Anumzamoma kasegema zami'neana miko vahe'mo'za kumima nehazaza kesazegu zamine. Hianagi vahe'mo'zama rama'a kumima hzageno'a, Anumzamofo knare asunku'zamo'a mago'ane rama'a nehie.

Proveps-Knare Nomaniza 30:12

Mago'a vahe'mo'zama antahi'zana kumitia omne'ne nehazanagi, Anumzamofo avurera agrua osu'naze.

1 Pita 5:10

Hanki atupa'a knafi tamatazana erigahazanagi, tamagri'ma Kraisi manivava msa'afima tamagima hu'nea Anumzamo'ma tamazeri knaretfa nehuno, knare hu'naze huno huneramanteno, tamazeri hanavetina, oti hanavetita manigahaze.

Hibru 12:28

E'ina hu'negu tagrama e'neruna kumara eri tagosi osu hanavenentake kuma e'nerune. Hu'negu Anumzamofona muse hunenteta, tagu'a anteramita Agri'ma avesinigeno muse hania mono huntesune.

Hibru 12:23

Kagra Anumzamofo zage mofavremokizmi zamagi'a monafinka krentenege'za atru hu'nafi e'nane. Kagra Anumzamofonte mika vahe refko nehia Nete e'nane. Miza sezamantege'za fatgo huza agru huza mni'naza vahe'mofo avamuzmimo mni'nea kumate kagra e'nane.

1 Tesalonaika 3:13

E'ina hu'neankino, Jisasi'a maka Naga'anema esia knarera tamazeri hanavetina, maka hazenketami omnena, ruotge huta nemanita, manifatgo nehuta, Anumza Nafatimofo avurera hazenke'tamia omanegahie. Tamage.

2 Korinti 1:20

Anumzamo'ma mika huvempa kema huntea kemo'a, Jisasimpi avufga'a efore hu'ne. E'i ana hu'negu, Jisasi agima husga huta tmage huta hu'nazamo, Anumzamofona ra agi nemie.

Aposol 9:31

Anante Judia kazigane Galili kazigane Sameriama nemaniza mono vahe'mo'za, hagera hu'za nevu'za zamarimpa fru hu'za nemani'za, Anumzamofonku kore hunentageno, Ruotge Avamu'mo zamazeri hanavenetige'za, rama'a mono vahe fore hu'naze.

Matiu 12:33

Zafa azeri knare hanankeno, knare rga'a regahie. Hagi havi zafama azeri haviza hanankeno'a, rgamo'enena haviza hugahie. Na'ankure rgare negenka zafamofona ke'ankeregahane.

Proveps-Knare Nomaniza 20:9

Nagu'amo'a fatgo higena, nagra agru hu'noankino nagripina kumira omane'ne huno iza hugahie?

Hibru 6:9

Nafuheta tagra ama anahukna ke nehunanagi, tagra antahinone ama anazamo'a tamagritera fore osugahianki, tagra antahima tamunana knare tamavutmavama nehanageno, tamagu vazigahie huta nehune.

1 Pita 1:15

Hianagi Ruotge Hu'nemo'ma tamagima hu'nea ne'kna nehuta, makazama hanafina mni ruotge hiho.

1 Pita 1:17

Tamagrama hutma nerafa'e nehaza Anumzamo'a, Agra magokemofonkuke osu Anumzankino, maka vahe'mo'za zamavuzmavama nehazare refkoa huzmantegahie. Ana hu'negu, ama mopafima zoka vahekna huta atupa knafima mni'nenarera, Anumzamofonku kore hunentetma ra agi amiho.